بابكر سلك
أم كرورو جرت فى النقعة كررررررررررررر
* لأنو أخطاء التحكيم الشنيعة لن تنتهى.
* فخليفة يضرب بقدمه عنق لاعب الأمل ويحتسب التحكيم مخالفة لخليفة.
* وش لاعب الأمل فيهو كدايس يا صلاح أحمد محمد صالح؟؟؟؟
* ولا فى عرفكم وش اللاعب هو الذى ضرب رجل خليفة الذهبية؟؟؟؟
* الحديث عن التحكيم فى البلد دى لن ينتهى.
* والدلائل التى تشير الى إستفادة فريق بعينه من أخطاء التحكيم (غير المقصودة) كثيرة جداً.
* وكون أنو التحكيم يخطئ فى كورتنا القادمة ضد الهلال وارد جداً.
* فالتحكيم قد عودنا على إرتكاب الأخطاء(بحسن نية)ويستفيد منها الهلال.
* فالتجكيم يخطئ ولا يظلم كما قال السيد صلاح احمد محمد صالح.
* يخطئ فى حقنا كثيراً ولا يظلم الهلال أبدا.
* ولكنى أسأل السيد صلاح.
* من كان يدير لقاء المريخ ضد الهلال فى المباراة التى كسر فيها أحمدالنور ترقوة عبدالمجيد جعفر ولم يحتسب ضربة الجزاء؟؟؟
* ده منو الأخطأ فى حقنا ده؟؟؟؟؟
* وأسأل السيد صلاح.
* لماذا يا صلاح لم يحتسب التحكيم ضربة جزاء واحدة للمريخ ضد الهلال طوال عمر الدورى الممتاز؟؟؟
* هل هى أخطاء ليس فيها ظلم واقع على المريخ؟؟؟؟
* أيها الناس.
* كم مرة إستطاع التحكيم بأخطائه غير المقصودة أن يقلل الفارق بيننا وبين الهلال؟؟؟
* وكم مرة صنعت تلك الأخطاء الفارق للهلال(الدقت فى الماسورة ورجعت للماسورة).
* أيها الناس.
* نخن ننشد التقدم والتطور كروياً.
* ولكن ما دام كانت هناك أخطاء تحكيمية مثل التى نراها كل يوم وتصب فى صالح نادى معين.
* لن نتطور.
* فعمر الأخطاء طال.
* ومن تغاضى عن ضربة الجزاء التى أرتكبها أحمدالنور على عبد المجيد جعفر هو اليوم قيادى فى الجهاز الذى يخطئ نفس تلك الأخطاء.
* وبرضو بنصدق انها صدفة.
* وأن التحكيم يخطئ ولا يظلم.
* أيها الناس.
* اليوم مباراة الهلال بالفاشر.
* ومريخ الفاشر صاحب الأرض والجمهور والفارق والفنيات.
* إنتصاره شئ طبيعى جداً.
* وأية نتيجة غير الأنتصار تبقى ما طبيعية.
* ولأن إنتصار السلاطين مؤكد.
* أعتقد أن إختيار حكام المباراة بالصدفة كده سيقع على حكام نعرف جيداً مدى أخطائهم التى لا يظلمون بها الهلال بأية حال.
* يخطئون بحسن نية.
* بس أخطاء يتضرر منها الخصوم.
* ولا يتضرر منها الهلال إطلاقاً.
* ولأن الهلال قد دخل فى حتة أصعب من الماسورة التى دخل فيها القذافى.
* فإن إختيار حكام مباراتنا غداً سيكون بالصدفة برضو وقع على حكام بعينهم.
* إشتهروا بالتلويح بالبطاقات الملونة فى أوجه لاعبينا دوماً.
* إشتهروا بإيقاف هجماتنا بصافرات ومعها أمساك بالجيب الخلفى الفيهو الكرت الأحمر.
* تهديداً حتى لايحتج لاعب.
* زى الزول البخت ليك يدو فى المسدس.
* تسكت بس.
* عشان كده.
* فى فاشر السلطان شفتنة.
* وفى مباراتنا ضد التماسيح شفتنة.
* فنحن ليست لدينا مشكلات مع التماسيح.
* ولا مع جماهير التماسيح.
* ولا مع مدينة التماسيح التى تؤمن بأن اللون الأحمر أشرف الألوان.
* مشكلتنا مع التحكيم الذى يخطئ ولا يظلم ده.
* أيها الناس.
* مبروك التلاتة نقاط للسلاطين.
* وبكره مبروك التلاتة نقاط للشفوت.
* لكن نشد حيلنا يوم لقاء الهلال.
* فالفارق بكون كبير.
* والخطأ يومها لازم يكون كبير.
* عشان الفارق يبقى صغير.
* السنة دى.
* وصيف وصيف الوصيف ما بتفشنا.
* المهم.
* الأهلة بدوا يخرخروا من أمس.
* قالوا ما بنلعب فى النقعة.
* طيب يلعبوكم وين يا حلوين؟؟؟
* يلعبوكم حجلة؟؟؟
* ده ملعبهم الأساسى.
* مافى داعى للجرسة.
* والملعب أستقبل سيكافا الإقليمية.
* يبقى جاهز لأى مباراة محلية.
* خفتوا من النقعة يا محمدعبدالماجد؟!!!
* أمال أدغال أفريقيا البتتفشخروا بيها دى كيف؟؟؟
* بمناسبة النقعة.
* أهلنا فى دارفور وفى كردفان ناس قدام جداً.
* والدليل أن خبرات الحياة جعلتهم أكثر الناس أمثالاً وحكماً.
* ضف الى ذلك أن روحهم المرحة جعلت لديهم حصيلة جيدة من الفوازير وعبارات الإضحاك.
* ومن تلك العبارات.
* الزول الألجن أو الألدغ طبعاً صعب عليهو ينطق الراء.
* يا عملها ياء او عملها لام.
* ومن تلك الأمثلة بقولو للألدغ قول.
* أم كرور جرت فى النقعة كرررررر.
* طبعاً صاحبنا يا قال.
* أم كلولو جلت فى النقعة كيييييييي.
* يا قال.
* أم كلولو جلت فى النقعة كلللللل.
* أها ناسا لهلال أمس جروا من النقعة.
* أنت يا محمد عبدالماجد.
* مع الجرو كيييييييييييييييييي.
* ولا مع الجرو كللللللللللللل.
* المهم.
* اللية بنعرف محمدعبدالماجد جرى كييييييي ولا جرى كلللللللل.
* أيها الناس.
* تحكيم قليل الأخطاء.
* يوزع تلك الأخطاء على الجميع.
* صدقونى.
* ناس محمدعبدالماجد حايلعبوا سنترليق هبوط إضطرارى.
* لكن من وين نجيب تحكيم يوزع الأخطاء بالتساوى!!!!!
* المهم.
* المريخ لاعب فى الجزيرة.
* وطبعاً لن ندعك تسير وحيداً يا حبيب.
* ملحوظة.
* أهلى بنغازى الليبى كلو ثوار.
* الثورة فى ليبيا موش بدت من بنغازى؟!!!!
* خلاص كلهم ثوار.
* قال ليك كابتنهم دقنوا جارة بالواطة وهو راكب فى اللاندكروزر.
* ثوار شديد.
* أها بمناسبة ثوار دى.
* فى زول سودانى لكن ما وطنى.
* أتصل على ناس الأهلى بنغازى وقال ليهم ناس الهلال تبع القذافى.
* وقالوا أنتو جرزان سااااااااااااى.
* وحايسكوكم زنقة زنقة.
* دار دار.
* خط طمنطاشر خط طمنطاشر.
* عكسه عكسه.
* إنفرادة إنفرادة.
* قال ليك زعلوا من الكلام ده لمن كابتنهم دقنوا اتلفت فى لستك الدبابة.
* والليييييييييييييييييييييييييييييييلا يا حسن محجوب.
* غايتو أول مرة حانشوف مواسير يتقبضوا جوة ماسورة.
* بمناسبة ماسورة.
* وارغو وين مسئولين من الخير!!!!!!!!!!!
* أها
* نجى لى شمارات والى الخرتوم..
* أكان شفت يا والينا.
* بمناسبة الزول العمرو سبعو وعشرين سنه وعندو سبعة وعشرين مليار.
* قررنا كلنا يا والينا.
* البختلس مال الدولة يبقى بكتل أطفالنا وبهدم طموحنا وبعدم فينا.
* الجزاء الوحيد ليهو يا والينا.
* الأعدام شنقاً بالرصاص وعضاً وقريصاً وطعناً بالسكينة.
* ومصادرة جميع الأملاك البى أسمو والبى أسم مرتو والبى أٍم شفعوا وبى أسم عمتو سكينة.
* ومصادرة جميع أموالو العندينا والفى كوالا أوفى صينا كانت أوفلبينا.
سلك كهربا
* ننساك كيف والسنة بمليار,,,,آل سعود يا ربى!!!!!.
والللللللللى لقاء
سللللللللللللللك
في السلك – بابكر سلك
هو يا اب صلعتا زي قشرة اللالوبة ،،الجزيرة كان عباطة الوالي المنجر وراء هبالتكم كان المفروض رعايتو لفريق من الجزيرة الخلتوا بني ادم ،،اها كيف أمس التماسيح سحتوا سواحة مبروك عليك يا نعومة تاني جيب لقاط القطن ديل وتعال الجزيرة ،،،بس خلي الحكومة دي تهتم شوية بمشروع الجزيرة ويرجع لقطنا نزرع نتيرب وتحقق املنا كان ما جبنا زي كروركم دا لقاط تضحك علي ،،نصيحة للوالي عشان تعمل حاجة لآخرتك سيب الكلام الفارغ وتعال أعمل مصنع مصنعين في الجزيرة بالقروش البتشتري بيها في العتالة وناس بابكر زنقعوبة ومزمز عوير حبيبنا ود الجاك امرحوا سااااااااااااي والتوا واعجنوا وبهناك ود عبدالماجد ومدمري الرياضة في البلد
ولدنـــــــا …. ســــــــــــــلك .. حكاية المواسير جوة الماسورة .. دي قويــــــــة ….