تزعم بحراسة الجن وكبار المسؤولين : القبض على أكبر مروجة مخدرات
أنهت إدارة مكافحة المخدرات حكاية أكبر مروجة مخدرات بمدينة امدرمان تزعم إنها محمية من مسؤولين كبار ويحرسها خادم من (الجن) يمنع كل من يحاول القبض عليها ويصيبه بشرور كثيرة . وألقت المكافحة القبض على تاجرة المخدرات في كمين نصب بإحكام ، تابعها رجال المكافحة لفترة طويلة في أمبدة ، وبحوزتها (20) قندول حشيش كانت مربوطة على بطنها ، وعلى سبعة قناديل أخرى لدى الشاب الذي برفقتها . يذكر ان إدارة المكافحة أشارت في مؤتمر صحفي عقدته بمقر الإدارة بأمدرمان حضرة نائب مدير الشرطة المفتش العام الفريق عادل العاجب ، ومدير الادارة العامة لمكافحة المخدرات اللواء محمد عثمان محجوب ، أشارت لأكبر (ضبطية مخدرات) في تاريخ البلاد قبضت خلالها على ثلاثة متهمين بين منطقتي (أم سيالة وعيال بخيت ) قرب مدينة النهود بولاية شمال كردفان ، يحاولون تهريب (15) جوال حشيش بها أكثر من (27) ألف (راس بنقو) محملة في عربة (لاندكروزر ) في طريقها للخرطوم بعد مطاردة عنيفة ، تبادل خلالها رجال المكافحة والمتهمين إطلاق النار لست ساعات متواصلة . من جهته نفى اللواء محمد عثمان للصحفيين وجود علاقة بين المخدرات وبعض الحوادث الأخيرة ، وقال ان جهات التحقيق في تلك الأحداث لم تقدم لهم معلومات عن إستخدام مرتكبي تلك الأحداث او ضحاياها للمخدرات . وبحسب صحيفة حكايات نافياً وجود مخدرات تخيلقية (الهيروين والمورفين) يتتم تداولها بصورة ترويجية في البلاد ، وان السودان يعتبر معبراً لبعض البلاد المجاورة ، وليس سوقاً للترويج لها باعتبارها مخدرات غالية الثمن .
اتمنى انو الصحافة والاعلام يمشوا للمناطق التي حدثت بها الظبطية عشان يشوفوا حال الناس الذين لم يمسهم تغيير منذ فجر التاريخ والذين يتبعون لجمهورية السودان وليس لجمهوريات البطيخ كما اسميها تجاوزا طبعا كالعادة التعليق ما حينشر 😡 😡 😡 😡 😡 😡 😡 😡
والله دي ماتكون الشايقية بس هههههههههههه ود الشايقة راس خيطك اتقطع كان كدا ههههه
يا اخوانا العساكر بتاعين البوليس ديل هم المروجين للبنقو وغير كدا لو قبضك عسكري ومعاك سيجارة حشيش بي يشيلها منك عشان يشربها هو ………
مع تحياتي مجرب سابق:D 😀
محمد ، كان انت قايل التعليقات زي تعليقك دي بتتمسح تكون واهم،
هسه تعليقك ده فيهو شنو عشان يحجبو؟
كلام ممجوج ومكرر
اما انا ، عايز اتكلم عن المرة دي ، المقبوضة ، اسمها الشايقية ، وهي فعلا علاقتاتها بي مسؤوليين كبار جدا جدا ، وماعارف الحصل ليها شنو عشان تتقبض ، غير البنقو هي طبعا بتشتغل في حاجات كتيرة تانية ، مافي مجال لي ذكرها ،
والشي التاني، زوجة الفنان المغمور سابقا وحاليا هههههههه، ايمن دقلة ، اان متاكد انه في ناس كتار مابعرفو الاسم ده ، لكن حتى اانا ، البعرفو عنو حاليا انه مرته في الرج ومامعروف تكون خلت ليهو شنو برة ههههههههه
حكاية الجن دى للتخويف فقط . وفعلا خوفت المسئولين الكبار وجعلتهم يحمونها لكن الظاهر إكتشفوا أن جنها مابيجنن ومابيحنن . واكان مامصدقين إنو مسئولينا الكبار بى يؤمنوا بالجن والكجور أسالوا ناس الكورة
ياشهيد ههههه، ماتقول انا شفيت الاسم منك ، الزولة ده انابسمع بيها قبل عشرة سنة ،
رغم اني مازلت مجرم ههههههه، مازيك ..
لكن بالله ماعندك خبر عن الفنان السابق ايمن دقلة ؟وهل هو بشرب ام لا ؟اتقبض معاها ام لا؟
اي ملعم بنقو يتقبض ، السبب الوحيد هو مشتري زعلان هههههههههههه
واصعب شي في المهنة دي ، ارضاء جميع الاذواق و
برافو قوات الشرطة . المهم هل عقوبة تجارة المخدرات تكون الاعدام اذا ما ثبتت التهمة