جريمة قتل جديدة ببحري

البلد دى بقى مافيها امن نهائى الناس بقت تخاف على روحها لو زول ساى وقفك فى الشارع يسالك تلاوز منة لاحسن يكون عايز يسرقك او يلخمك عشان زول تانى يعملها وكل يوم جريمة شكل واحد سجن ابوة وواحد قتل ابوة وولد وبنت ميتين فى عربية يعنى فرقنا شنو بقى من البلدان التانية المابتقدر تمشى الاوانت شايل سكين والا حديدة , والحكومة ربنا يحرسها من كل عين ما فاضية من ترقية فلان لمستشار وعلان لى سفير والشعب انشاالله يولع ياخوانة حليونة من البلد العجيبة دى:o

يا shada البلد دي كرهتو ناس الامن الشغل بي كلامكم الفارغ دا اذا اشتغلوا ووب

واذا خلوها وبين لكن بيني وبينك دا الحكاية الدايرنها ناس ياسر عرمان وباقان ولبني

الحسيني البلد الما فيها امن ولا شرطة وياهو دي النتيجة يا فالحين ابقو قدرها

في الحقيقة اود ان اشيد بكل مجهودات المجرمين ، قصدي شرطتنا المصونة ، وفي الحقيقة الواحد بقى يكون قاعد في بيته ومقفل الابواب والشبابك وأي قد بدخل نملة ، ويكون مطمئن خااااااااااااااااااااااااااااااااالص خالص ..

والبركة في سلاحي الوزر ، قصدي الشرطة السودانية ، المتخصصة في جلد ، قصدي حماية المواطن حماية تااااااااااامة تاااااااااااامة تامة ..وانا من هنا بحيي جميع القائمين على امر المواطن السوداني ونرجو من السادة المعلقين ضبط النفس ، بالمناسبة ،الحوادث الاخيرة دي كلها مافي دخل للشرطة بيها ، ياخي ديل ناس يومم تما بس..

اضف الى ذلك ، يعني معقول الشرطة تقيف ورا كل ولد وبت ومرة كبيرة تحرسهم عشان مايموتو؟مابتجي ياخ..

احب اقول انه العيب في القانون.ونحن السودانيين قانونا ضعيف ضعيف ضعيف .اي زول تقولي بشتكيك ، بضحك ملء شدقيه ويقول ليك :امشي اشتكي ، تفتكر السبب شنوووووووووووووووووو؟

الشريعة ده والله لو اتطبقت في لبنى بس ، خليك من اي قاتل او مجرم او غيره ، كان البلد دي مشت صاح

الا هل بلغت؟
الا هل بلغت؟
انا قبل كدة قلت لو ادوني احكم يوم واااااااااااحد بس ، والله نص الناس البتعرفوهم بكون انتهيت منهم . لانه الجرام استفحل في البلد دي والعقوبات ضعيفةز

والله غايتو الشرطة احتارت معاكم ! ( تكوركو ليها ، وكان جاتكم تكوكو )!