تترنح عربته: القبض على وارغو مخموراً بشوارع الخرطوم

خبر سابق عن وارغو :
—————————————

شن أئمة المساجد السودانية خطبة الجمعة أمس هجوماً كاسحاً على صفقة فريق المريخ العاصمي ، التي دفع فيها الفريق مليارات الجنيهات مقابل تسجيل اللاعب النيجيري إستيفن وارغو ، معتبرين أنّ الخطوة غير صائبة في ظل الظروف الاقتصاية السيئة التي يعيشها الشعب السوداني مبينين ان مثل هذه الأموال اولى بها الفقراء ومساكين الامة ، وفي ذات السياق قال الشيخ ابراهيم الكاروري خطيب وامام مسجد امدرمان العتيق عقب خطبة الجمعة لصحيفة الوطن ان الصفقة ما هي الا تبديد للأموال ووصفها بالسفه ، بإعتبار أنّ اللاعب سجل بمبلغ ( 2،750 ) مليون دولار ، أي ما يقارب الـ 7 مليارات جنيه سوداني مما يعني أنّ هذا المبلغ الأول من نوعه في أفريقيا والشرق الأوسط ، وأضاف الشيخ أنّ المال مال الله سبحانه وتعالى والخلق مستخلفون فيه ولا يجوز التصرف فيه الا بناء على مقصد شرعي لأن الرسول صلي الله عليه وسلم يقول : ( من أين إكتسبه وفيما أنفقه ) وما لم يتحدد المقصود الشرعي فيكون قد تم انفاقه على هوى مخالف للدين وهو ما لا يجوز ولا ينبغي ولا يصح ووعد امام المسجد بتحرير فتوى مكتوبة خلال الايام القادمة ، ووجه امام وخطيب الجامع الكبير في خطبة الجمعة انتقادات لاذعة لنادى المريخ بسبب الصفقة المذكورة ، واستنكر الامام صرف هذا المبلغ الكبير وقال لا يجوز ان تدفع مثل هذا المبالغ من اجل اللعب في الوقت الذي ترتفع فيها نسبة المرض والفقر وسط الشعب السوداني ، مؤكداً أن مثل هذه المبالغ كان الأوجب تنفق على اعمار مساجد الله وتشييدها في قرى ليس بها مساجد ، مشيراً الي ان الشريعة تمنع السفه ، من جانب آخر بارك امام الجامع الكبير مبادرة اهل السودان وأوجب على السودانيين مباركتها .

عليك الله يا ادريس بدل تعليقات النت امشى ابقى داعية احتمال تنفع مالك ومال ال2 مليون دافعها من جيبك وبقت على قروش وارغو بس بعدين اللاعب مسيحى وديانتو بتسمح ليهو بالشرب الخمر ياخى خليكوم فى حالكم عالم فاضية

والله ايامك يا وارغو قات خامي الرماد وكدا
هو لعب ولا شنو الرماد دا بخموا كم مره ما خميتوا زماااااااااااااااااااااااان
والله الرماد الشربتوا لو زرعوا بيهو سمسم في القضارف كان السودان
اتعد من قائمه الدول الغنيه بال__الهناي

السلام عليكم
اخرزمن ومهازل الاجانب نجيبم بىتراب القروش وهم يضحكو عليناوبعد هذا جابت ليها سكر وقيادة سيارة ودوران بالليل بلدنا بقت فوضه اين شروط عقد الاقامة يامسؤلين ولا عاجبكم من هب ودب تجيبوه يضحك علينا
واقول لمريخنا العظيم امثال هذا لاتترجو منه اللعب بشغف ونزاه مادام بيطعاطه ام الكبائر ؟ لوبحثتو عنه ايضآ تجدونه يتبع النساء ولعب الميسر فلاترجو منه اللعب باخلاص مادام هو كذالك البرهان لعب المريخ فى الفترة الماضيه مغلوب سته مرات متتاليه السبب شنو اصحو يامسؤلين البلد مليانه من اللا عبين الاكفاءارجو من اتحاد الكرة السودانى ان يحزو حزو ليبيا اوقفت جمع اللا عبين الاجانب لانهم لميثمرو شئآ كماهو حالنا فى السودان تشترو اللاعب باغلا الاثمان والحال فى حالو كاننا لارحنا ولاجينا اذا كان الغلب مثلا واحد نقول هفوة جواد لاكن الانتصار علينا مابين 3و6
اهداف
واقول ياحليل زمن امثال كمال عبدالوهاب وبشرى وامثلهم الاشاوث والهلال الدحيش على قاقرين وامثالهم
اشطبوا الهموم وخلونا فى همومنا ( الدار بكاتلو فيها اهلها)

هو الود دا سافى تمباك ولا شربان خمر 0

خلاص البلد كل يوم موت وضرب فى الشوارع وسكارى 0

الله يستر علينا ، وعلى جميع امة المسلمين 0

(افادت المصادر ) فى مثل هذه الحالات ذكر المصدر من صميم عمل كاتب المقال واتقوا الله فيما تكتبونه. يا ناس نحن فى شهر رمضان واتهام الناس من غير دليل ذنبه عظيم

كفاية اخي معااوية الحاج تعليقك محترم مليان قوي ويكفي نويدك بشدا

😡 :lool: ليس من كلام لوارغو … غير (يا غريب كون اديب) …. اشرب بس فى مكانك … وباحترام قوانين (البلد) ده انت لو فى الغرب كان قوانين (المرور) ادخلتك السجن

السلام عليكم و رحمة الله
اولا اهني الشعب السوداني و الامة الاسلامية جمعا بحلول شهر رمضان العظيم شهر الخير و اليمن و البركات
اي اجنبي مهما كان وضعه يطبق عليه قانون البلد
يعني شنو وارغو:D 😀 :rolleyes: :lool:

جلدوه ولا برضو دفعوا وفكوهو