فيها السر والجهر !

فيها السر والجهر ! < السماسرة عندهم حكم بتعاملوا بيها مصطلحات < من حكمهم يقولوا ليك العمولة زي الشية ما بتتاكل باردة < يعني عمولتهم حار حار وفورية < ما بقبلوا بعد البيعة تتم تأجيل العمولة < حتى ولو كان جزء من مبلغ البيع مؤجلاً < ومن مصطلحاتهم يطلقون على الزبون سواء بائع او مشتري مصطلح رهينة < ولما الزبون يرفض البيعة < يقولوا ليك الرهينة قام فوق < ولو قبل البيعة يقولوا ليك الرهينة دقس < ومن حكمهم < لما تجي دلالة العربات مثلاً < يسوقوك بعييييييييييد < تقول ليهم نتفاهم هنا < يقولوا ليك الصلاة فيها السر والجهر < برغم اني لا اعلم ما العلاقة بين الصلاة والمفاوضات حول البيع < لكني بمشي معاهم بعيييييييييييييد < ولعلهم يقصدون ان الامور فيها ما يصلح للحديث عنه امام الكافة وما لا يصلح < عبارتهم بتاعت الصلاة دي استوقفتني < ليه مجتمع المريخ ما فيهو السر والجهر < ليه امورو كلها مشتتة للغاشي والماشي < وبلغة الصحافة يمكن القول بان العبارة تعني ما يصلح للنشر وما لا يصلح < ونحن في المريخ خشومنا خفيفة < لا ادري السبب < هل هي القشرة على الآخرين باننا بنعرف اي حاجة < ام ان السبب هو السبق الصحفي والمكاسب الشخصية ؟؟ < مثلاً < عبده جابر بلعب في الهلال لما اتشطب < ومشى هلال كادوقلي < ما سمعنا عنو شينة < مجرد ما قالوا المريخ داير يسجلو < الشبكة العنكبوتية والصحف السيارة ومجالس المدينة < ما عندها سيرة غير اخلاق وسلوك عبده جابر < وللاسف من ضمنها منابر ذات انتماء مريخي < يبقى قررنا ان نعدم اللاعب قبل ان يرتدي الشعار < وكان في الامكان تداول الامر سرا مع اصحاب القرار ان كنا نجري خلف المصلحة المريخية حقاً < وكان في الامكان ان يلتزم اللاعب بالمواجهة ويفتح صفحة جديدة مع نفسه اذا كان اساساً فيه من الصفات التي تلوكها الالسن < والسؤال < لماذا لم يتناول الاعلام الهلالي سلوكيات جابر ايام كان لاعباً لهم < وروجوها الآن ؟؟؟ < الم يمدحوهوا ؟؟ < الم يعارضوا شطبه ؟؟؟؟ < ولكن القول < ان الاهلة يعملون بحكمة السماسرة < الاندية فيها السر وفيها الجهر < فتعالوا نسر بالكلام عندما يكون السر هو ما يخدم الكيان واللاعب < وتعالوا نجهر بالكلام < عندما يحتاج الموقف لشفافية < اخاف اذا مشينا بالحكمة دي < نتمادى للدرجة التي نطلق فيها على اللاعب رهينة < وعلى النادي جوكي < المهم < بخيت وسعيد < ذهب سعيد وحضر بخيت < التوفيق نتمناهو طبعاً للاتنين < بخيت طرف شمال < وشايفو عند التوقيع وقع بالشمال < يعني اشول يد ورجل < نتمنى ان لا يطلع اشول ساااااااااي < تبقى مشكلة < إن شاء الله يبقى بخيت علينا < المهم < اكتب قبل لقاء السيسي بالجماعة < بالتأكيد سأعود غداً للقاء < نتمنى عدم الحرج للسودان < ما ناقصين < لكن السرير التاني برد شدييييييييييد < اها < نجي لي شمارات والي الخرتوم < كان شفت يا والينا < قالوا رمضان جايينا < واحد قال حبابو خليهو يجينا < اصلو الشهر الوحيد البناكل فيهو يومياً يا والينا < الحداشر شهر التانيات بناكل لو لقينا < فيها لقينا وفيها ما لقينا < هو متين لقينا يا والينا سلك كهربا ننساك كيف وما بنشوف صينية إلا في رمضان والللللللللللى لقاء سلللللللللللللللك [/SIZE]في السلك - بابكر سلك