طبيب يقطع حالب طفل بالدمازين

لك الله ياوطني ..

البلد دي تقول بلد حرام … مافي زول سائل فيها او يهتم بها.
الواحد يموت فيها فطيس ساي.. عارفين ليه .. عشان السودانيين ناس هبل وعلي نياتهم الواحد لما يموت ليه زول عزيز بسبب اهمال واضح من الأطباء يقول (ده يومو). والله لو الناس كانت بتشكي وبتحاسب الدكاترة (عفواً اقصد السباكين) ما كان الأهمال ده حصل ..
انا عندي 2 من اقرب الأقربين لي ماتو بسبب جرعة مخدر زائدة.

انشاء الله ربنا حيسألهم هم والناس الخرجوهم من الجامعات عن التقصير ده. 

ليعلم الإخوة المعلقين أن أى طلب طب لا يتخرج من جامعته مالم يجتاز سلسلة من

الإمتحانات والإختبارات والتى يشارك فى وضعها أساتذة طب أجانب,ثم هناك

لاإمتحانات العملية(السريرية) والتى قد يكون الممتحن أستاذ بريطانى أو سودانى

لا يقل عن نظيره شيئا….ثم إن نسبة الخطأ واردة جدا فى هذا المجال…لأن الطبيب

مهما كان بارعا ومقتدرا,فهو إنسان كسائد الناس إلا أن الله فضلهم عليه بما

يحمله من علم ومعرفة….وليس هناك طبيبا يريد أن يؤذى مريضه!!!!!!!!!!!!!!!!!!!!!!!

كل عام وأنتم بموفور الصحة والعافية.

😎 😎 😎 😎 😎 😎 😎 😎 😎 😎 😎 😎 😎 😎 😎 😎 😎 😎 😎 😎 😎 😎 😎 😎 😎 😎 😎 😎

لا حول ولا قوة الا بالله
حسبنا الله ونعم الوكيل
وساكت يومين ؟؟؟ مستنى الولد يموت عشان ضميرو يصحى؟؟
لكن الحق ما عليهو براهو
ما دام كل حلة وزقاق فيها كلية طب بدون كوادر بشرية مؤهلة ولا بنيات تحتية
والقراية بالقروش والقبول الخاص والواسطة و 7% عشان ودجيران ناس حبوبتك شهيد
وياااااااا حليل البلد والناس
حسبى الله ونعم الوكيل
لو كنا فى بلد بتحترم البنى ادم كان وزري الصحة استقال و وزير التعليم ومدير الجامعة الاتخرج منها ويمكن ينتحروا كمان
ما تخافوا انتو فى السودان ما فى زول حيقول ليهم عينكم فى راسكم 😡 😡 😡
والولد الصغير واهلوا ان شاء الله ربنا يلطف بحالهم ويتولاهم برحمتو الواسعة ببركات الشهر الكريم

كثر الطب وكثرالدكاتره وكثرت الجامعات المكتظه بالطالب الذين يقبلون بنسب حتي لا تسقيهم ماء .ولكن مقابل المال او الواسطه يهون كل شي وتحصل علي ماتريد.فيجب علي مجتمعناالبسيط المسالم اخذ الحيطه والحذر في اخذ مرضاهم الي ذوي الاختصاص الممتاز حتي لا نقع عرضة الهلاك والموت . ممكن ان نقول هذا قدر ومكتوب ولكن هذا اهمال وعدم معرفة بمهنة الطب.

دة خبر عااااااادى فى بلدنا السودان الجميل دة , انا طبعا مرييت بى تجربة زى دى لكن الضحية كانت زوجتى و- الجزار –عفوا” الطبيب من أكبر الجراحيين فى مدينة ود مدنى (من غير ذكر أسامى وفضائح ) والمكان فى اكبر المستوصفات( برضو من غير ذكر أسامى وفضائح ) المهم زوجتى دخلت لى عملية زائدة و هى حامل فى شهرها السادس , و بعد شهر من العملية اكتشفنا انو سيادة الطبيب نسى ليه قطعة من القفاز داخل البطن ,علما” بأن اّلالام لم تفارق زوجتى طيلة هذه الفترة , والأدهى و الأمر انه عند ذهابنا للطبيب لنشكو له هذه الاّلام قال “ده وجع طبيعى لأنو الطفل برفس فى الجرح من جوا” (؟) (؟) (؟) دة كلام دة:eek: 😮 😮

إن الطبيب هو إحرص الناس على سلامة مريضه ……….. و إن الإعمال بالنيتات ……………………………………………………………………………………………. فكان هدف هذا الطبيب تخفيف الم هذا المريض لو كنتم تعلمون مدى الم التهاب الزائدة الدودية!!!!!!!1

حدوث الأخطاء الطبية أمر محتمل الحدوث .. في مثل هذه الحالات تقع كل المسؤلية علي إستشاري أو إحصائي الجراحة التي حدث الخطأ في وحدته الطبية لأن كل الأطباء ينالون تدريبا كافيا و بخاصة العمليات الطارئة مثل إزالة الزائدة الدودية و العمليات القيصيرية العاجلة و لا يجتاز طبيب الامتياز فترة التدريب دون أن يكون قد تدرب علي تلك العمليات جيدا …
أتوقع أن يكون هذا الطبيب متدرب و قام بهذه العملية دون إشراف نائب الجراحة أو الإختصاصي المسئول .. و جميعهم لا يعفون من المسئولية بسبب ( الإستهتار) وعدم الإلتزام بضوابط المهنة …
علي الأطباء الصغار أن يتقنوا العمل جيدا ففي ذلك مسئولية أمام الله و ليعتبر كل وحد منهم أن من يعالجه هو أقرب الأقربين له .. فالمسئولية أخلاقية قبل أن تكون جنائية أو مهنية ….

يا ابو القاسم اتق الله فى نفسك لازم تؤمن بقضاء الله وقدره , يعنى اقربائك ديل ماتو ولسة كانى باقيليهم عمر ولا شنو ,,, يااخى الموت واحد ولكن تتعدد الاسباب اما من حادث او خطأ طبى و كوارث وزلازل وغيرها ,,, يااخى مرات الواحد بكون ماشى بعيد من الشارع يجيك واحد سكران سائق عربية يدقشك ويمشى ,,,,,,, نصيحة من ليك واخيرة لا تتعصب لاسباب الموت ,,, لانو الانسان مابيعرف اللبيحصل اليوم ,,, وربنا قال (( واللذين اذا اصابتهم مصيبة قالوا انا لله وانا اليه راجعون )) صدق الله العظيم

شكرأ يا ابو محمد على الرد.

أنا انسان مؤمن بقضاء الله وقدره وعارف انو الأعمار بيد الله.

لكن برضو الواحد ما يخلي حقو .. يعني مثلاً لو جا واحد وقتل اخوك حتسكت وتقول دا يومو ولا حتطالب بى حقك؟؟؟؟

السكران الى بتقول عليهو ده لو لقيتو ما حسيبو … الزلازل والكواراث دي حاجة بيد ربنا.

بعدين ما تنسي انو الناس لو حاسبت الدكاترة اكيد الأهمال دا حيقل كتير.

يعني خلاصة الموضوع انو اي مقصر لازم يتحاسب.