شريط كاسيت يا كافي البلا !!!

شريط كاسيت يا كافي البلا !!! < من مظاهر عشوائية العمل الإداري الرياضي في بلدنا دي < حكاية تسجيل سيرجيو البرازيلي في كشوفات نادي الهلال < بلغة السماسرة < نحنا رهائن < لانو السماسرة بطلقوا على الزول الما فاهم لقب رهينة < يقولوا ليك الرهينة تحت يدي < يقوموا السماسرة < وللجهل الاداري الموجود عندنا < ولوجود بعض ضعاف النفوس يؤثرون في مصادر القرار < عشان ده كلو < سماسرة الكورة يركبونا ليك مواسير لما نعرف حاجة < وموش كده وبس < بأغلى الاثمان < وآخرتها نصرف تاني للتخلص من المواسير < من نفايات الكرة التي جلبها لنا سماسرة الزمن العجيب < نصرف تاني للتخلص منهم < نقوم نكندش الاعارات < ونجري التسويات < ونصرف جنس دولارات < لما نعرف حاجة < نصرف لما الدولار طلع في راسنا < ايها الناس < معقولة زول يسجل زول لعب مع احمد بهجة في التسعينات ؟؟؟ < زول اظنو زامل باولو روسي في الدوري الايطالي < زي ده عشرة طاولة ما بقدر يلعبها < سجله الهلال < وقام بشطبه بسرعة شديدة < سرعة فاقت سرعتنا في مسح شريط الكاسيت زمان < زمان كنا بنجيب شريط الكاسيت ونسجل فيهو الغنا < بعد التسجيل بنشغلوا < لو الغنا ما عجبنا او التسجيل كان ما نضيف < بنمسح الشريط بسرعة عشان نسجل فيهو غنا جميل < ممكن يطلع علينا البعض بمبررات واهية ومضحكة لهذه العملية < عملية رهائن سيرجيو < يقولوا ليك اساساً ما قبض < أو كنا متفقين معاهو نشطبوا بدون سداد بقية قيمة العقد < أو ان الهلال تعاقد مع سيرجيو لمدة ثلاثة ايام قابلة للتجديد < او او او < او غيرها من المبررات التي تكون اكثر سذاجة من التصرف ذاتو < زول نام اثناء ابداء الرغبة في الاتحاد < وانا كتبت الوكت داك < انو البنوم اثناء ابداء الرغبة ده < ممكن ينوم في الخيرة بين الشوطين < اه يا رهائن < طلعنا لجهلنا الاداري رهائن سااااااي < يركبونا في المواسير لما اتقلوزنا < ايها الناس < بالطريقة دي صدقوني < حانتفرج في كاس العالم الى ان يرث الله الارض < ما حنشارك اصلو < المهم < سمعنا انو المريخ قرر يستغني عن باسيرو < قبل الاستغناء عن باسيرو نسأل روحنا < لماذا ينجح اللاعب في ناديه ويفشل في المريخ ؟؟؟؟؟ < قبل الضبح حقو نسأل ضابحين ليه ؟؟؟ < المناسبة شنو ؟؟؟ < باسيرو مجنس < يعني نستفيد من خانتو < باسيرو نجم اثبت ذلك عملياً امام اعيننا بالممتاز < باسيرو يادوبك جانا < الصبر لمعرفة الاسباب < ثم علاجها < لنستمتع بخدمات لاعب مهول < على الاقل افريقياً يستطيع ان يدافر الافارقة < موش زي شيمليس < كلو قدر لسان ثيردباك كمبالا < المهم < تسجيل سيرجيو اثبت ان الهلال جاي على سريرو قبال نشطب باسيرو < السرير التاني الهمبريب ضربو شديد < بقى سااااااااقط < البطانية ما تنسوها < قريب الصباح بتجيب ليها زيفة < اها < نجي لي شمارات والي الخرتوم < كان شفت يا والينا < قاعدين انا وحاج ماجد ومجدي الفاضل < بنتكلم عن الحال الفينا < وعن انو لو جا خير للبلد دي ممكن يلينا < وبالتساوي يتقسم علينا < نطه حاج ماجد واصر على انو لو جا ما بجينا < بجي لي ناس كده قابضين السمينة < مجدي قال يا والينا < الخير بنزل فقط على مدينة زايد العندينا < الجنيه زايد لديهم برغم انو نازل عالمياً ونازل لدينا < قام حاج ماجد قال حضر في التلفزيون يا والينا < لقاء مع جمعية نساء حي زايد العندينا < قال الواحدة بتتكلم وتكلفة اللبس اللابساهو زائداً الدهب بكون زي مليار كده مما تعدون يا والينا < وقالن الشرينج بتاعهن مليون مما يعدن يا والينا < والغريبة بدوهوا لزميلة ليهن في الجمعية < ما بدوهوا لي وحدة ساكنة العزبة في عزبة حياتها مطينة وزايد طينها < او لي زولة جمبهن في الحاج يوسف الترعة راجية الله ورافعة ايديناسلك كهربا ننساك كيف والخير زايد في مدينة زايد وحرمان عليناوالللللللللللللى لقاء سلللللللللللللللللللك [/SIZE]في السلك - بابكر سلك