بابكر سلك
أشطبوا نزار وأقلبوهو بيت زار
* فريق قاعد سااااااااااااى
* يخدمه الحظ وأشياء أخرى
* كملت الأشياء الأخرى
* وفتر الحظ
* ولما الحظ تعب شديد كندك الأخوة الأهلة وكسح
* قال ليهم الترابة دى فى خشومكم
* فى كل هذا الموسم لم يظهر إلا نزار حامد
* برغم انه بطئ
* ولكن الطشاش فى بلد العمى شوف
* وطالما نزار كان الحسنة الوحيدة دائماً او الأقل سوءاً
* أشطبوا نزار ودقوا الزار
* مدسترين ياأولاد ماما
* صدقونى
* بى دستوركم
* دستوركم فى كاس جوى
* وأنتو عارفين كده كويس
* وكونكم ستة وتمانين سنة بتاوركم نفس المرض
* ونفس الغرض
* ونفس الأعراض
* ونفس الدقيقة خمسة وتمنين
* وفى نفس الشهور
* الكلام ده ماساى
* البحصل ليكم ده دستور
* مدسترين صدقونى
* والدستور حسب ثقافات الزار خيوط
* منها اللولية
* اللولية بغنوا ليها اللول اللول يا لولية بسحروك يا لولا الحبشية
* ومنها بشير الحبشى ودقتوا غير وغنيتوا بتقول
* حبشى رطانى عدم العيش رمانى
* يا بشير يا بشير يا بشير لومى
* ويرتفع الإيقاف هنا
* أدق أدق أدق
* ومنها الخواجة
* صعب ابوردا ده
* بتكلم الأنجليزى
* بالذات الأنجليزى يا مرسى
* ومنها شاكر حلال المشاكل
* ومنها أزرق بنده وده يومو السبت
* وغنيتو أزرق بنده وين يا البحوم بالليل
* يا دابى الليل
* وتك تتا تك تكتك تك
* ومنها برينو الفلاتى
* غنيتوا رابة شديد
* برينو يا برينو يا رمزة
* ظريف وعفيف يا برينو
* حافظ النظام يا برينو
* ومنها الروحانى
* ومنها الحبوبات وده كلامو براه
* ومنها ولد نورا وده يوموا الثلاثاء
* ومنها النمر وده قال ليك بيأكل اللحمة نية
* ده غايتو مع سعر اللحمة ده وظروفكم دى ما خيطكم تب
* دايرين ليكم يومية
* أول حاجة تفتحوا العلبة
* وتتبخروا لمن تطشوا شبكة
* طشة الشبكة دى بتورى خيطكم شنو
* تفكوا البخور مع فتحت العلبة
* بخور الزار أنواع مخلوطة
* اول حاجة تلبسوا أحمر
* كان ما عجبكم ألبسوا أخضر لكن ده خيط الحبوبات
* بعد داك تتبخروا
* البخور خلطة
* جاولى وعدنى ومر حجازى وبت السودان
* أهم زول بت السودان
* بت السودان الأصلية موش زى ناس ندى راستا والحاجات الوهمية دى
* بعد البخور تجيبوا خروف
* تقوموا تحننوا الخروف
* ودى ما صعبة عليكم
* والله أنتوا تحننوا الكافر ذاتوا خلوهوا الخروف
* ستة وتمنين سنة ساكين ساكين وللريح قابضين
* تحننوا الككو
* بس أوعكم تلهطوا قروش الخروف وتجيبوا تيس
* التيس ما بنفع
* صدقونى التيس ما بنفع كلو كلو
* مابجيب شى
* أها بعد حننتوا الخروف
* أطبقوا ليهو الحنة تانى
* لما تشيل
* بالمحلبية
* بس ما تكتروا المحلبية
* أصلكم متعودين تكتروا المحلبية
* أها بعد حنة الخروف شالت
* كحلوهوا
* وأفتحوا العلبة
* وفكوا البخور
* بعد فكيتو البخور وعملتوا الميس
* أقفلوا العلبة برااااااااااااااحة
* خيطكم بتعرف
* وأنا عارف خيطكم غير
* أول مرة ينزل
* خيطكم جديد لنج
* خيط كروشيه
* أسمو الجويات الما جايات وإتصعبن على الزرق
* ده خيط صعب
* ودقوا
* أدق أدق أدق
* أدق أدق تكا تكا دق دق تكا تكا
* طلبات
* طلباتكم أوامر يا أسياد
* أنا كابتن تيارة
* مرحباً بالكابتن تيارة
* توالى تاير تاير تاير
* جويات ما جايات تلبات تلبات..لازم تلبات يجى
* يجى يا سادة طلباتكم أوامر
* أنا داير جنيه سودانى يجيب خمسمية دولار أوباما
* هى لكن يا الأسياد ما سمعتوا بمقولة إذا أردت أن تطاع أأمر بالمستطاع؟؟
* ما بتقدروا تبدلوا لينا الطلب ده يا أسيادنا؟؟؟
* نغيرو,نغير تلب..أنا داير بتولة جوية لازم أسى ولا ولد ده يموت
* يموت كيفن يا أسياد
* أسيادنا قلتو لى دايرين الجنيه السودانى يجيب كم دولار أوباما؟؟؟
* أو أقول ليكم
* ورب ورب ربربربربرب
* تنقشك تنقشك تنقشك
* طلبات
* أنا لازم تلبات يجى
* يجى يا ساده
* لكن الجنيه يجيب خمسمية أوباما كيف يا أسيادنا؟؟؟
* المهم
* الأهلة حكايتهم كانت أصعب من البحر خلفكم والعدو من أمامكم
* لأنهم جروا من اللافتة الوقعت
* جروا من المدرجات للملعب
* تحت تحت قالوا اللافتة فيها دعاية فيتا
* وطبعاً الملعب فيهو ناس فيتا
* بقوا بين فيتتين
* فيتا خلفكم وفيتا أمامكم
* إلا تطيروا
* وفعلاً طاروا
* أيها الناس
* يوم الكتاحة داك
* المطار قفل
* ولا طيارة ما إتحركت
* مافى طيارة طارت إلا طيارة الهلال
* قامت فى الكتاحه ديك
* وطارت فوووووووووووو
* طارت والسرير التانى باااااااارد
* كلمناكم
* راسكم القوى ده ما بتسمعوا الكلام
* قلنا ليكم فى المجموعات بتنقزوا بره الحلقه
* أها
* راجياكم نقزتين فى الكنغو ورا بعض
* طبعاً مافى طريقة بعد النقزة الأولى ترجعوا
* أقعدوا فى الكنغو وأعملوا ليكم جراب كنغر
* أنقزوا النقزتين بتاعاتكم بره الحلقة
* وبعد داك أقعدوا قبلكم
* الجايين ليها شنو
* والجايبنها شنو عشان تجوا
* ولكن يبقى شرف المحاولة 86 سنة
* رقماً يستحق التسجيل فى الموسوعة بتاعت الأرقام القياسية
* رقم شرف المحاولة المسجل بإسم الهلال
* لا يكسره إلا الهلال بشرف المحاولة السبعة وتمنين
* وتعيشوا وتنالوا شرف المحاولة الميه
* لكن شرف لوح الشرف الأفريقى
* بتطولوا وتاخدوا مدة
* ومن غيرنا أعطى لهذا الشعب معنى ان يعيش وينتصر
* من غيرنا أجبرنا بخاطرنا شيباً وشباباً أن فى المطار ننتظر
* ويحط طائر كأسنا فى المدرج ونحن فى المدرج ننتشر
* لنعانق التاريخ والإنجاز والإعجاز فى الواقع لا فى نثر ولا فى شعر
* من غيرنا جعل القلوب الصافيه حباً تشتعل وتلك المريضة لليوم تستعر
* ملحوظة
* ما تنسوا تصديق النظام العام يا روشا قبل الزار
* بكشوكم وبتجيبوا لينا الكلام
* أها
* نجى لى شمارات والى الخرتوم
* أكان شفت يا والينا
* طابق شاخور بتاع إستاد الخرطوم وقع لينا
* لوحات إعلانية أعلنت عن حقارتكم بينا
* لا بتخافوا علينا
* ولا بتثبتوها لينا
* ولا عن خطورتها بتقولوا لينا
* وأنتو ما هاميكم ونحن ما هامينا
* كلما الكوارث تحل علينا يا والينا
* تتلملموا وتجوا المستشفيات والمشارح تتفرجوا فينا
* تتصوروا وتقشروا بينا
* وتصرحوا لى أهلاً لينا
* أننا ومن هذا المنطلق جينا
* أريتكم و ما جيتوا يا والينا
* وبعد تقشروا بينا
* كلوا واحد فيكم يمشى يخلينا
* الدور الجاى يا والينا
* السما ده بتقع فينا
سلك كهربا
* ننساك كيف وراجين السما تقع فينا ونتضرع اليها يا عدالة السماء أنصفينا نضفينا فشينا
والللللللللللللى لقاء
سلللللللللللللللللللك
في السلك – بابكر سلك
الجماعة فقدوا التوازن حصلوا الناس ديل باى دكتور نفسي قبل ما الحالة تصل الى مرحلة يصعب علاجها. سؤال طيب وقت فريق اكون فى المجموعات واتعادل وعندو اربعة نقاط ومواصل لسه فى المنافسة ادق الزار طيب حا تعمل شنو الطائر من قبل المنافس ما تبدأ ؟؟؟؟؟؟؟؟؟؟
ولكن نقول شنو غايتو صحي الطشاش فى بلد العمى شوف زى ما قلت.معقولة ناس تسئ لنفسها وهى لا تدرى ده اسه ااسموهوا شنو فى علم الجهل جهل مركب جهل بسيط نترك ليك الاجابة.
لا تسأفن على غدر الزمان
لطالما رقصت على جثث الاسود كلاب
لا تحسبن الكلاب برقصها تعلو اسيادها
تظل الاسود اسود والكلاب كلاب
انت محامي ؟؟؟؟ متأكد من ذلك؟؟؟ انا شخصيا لا علم لدي بأنك محامي وتمارس المهنة. لكن الشي المتأكد منه جيدا جدا جدا أن الاستاذ كمال الجزولي محامي.
ده صحفي مسطول ولا شنو
يا اخي كتاب مثل هذا ومثل محمد عبد الماجد يا تمنعوهم يا كمان علموهم ودربوهم .كفاية فضائح