جرائم وحوادث
توجيه تهمة القتل العمد لفتاة أنجبت طفلاً وهشمت رأسه
أمرت نيابة أم درمان بتعديل الإتهام في مواجهة فتاة في العشرين من عمرها في إتهامات بقتلها لطفلها الذي حملت به سفاحاً وانجبته داخل إحدى المستشفيات إلا إنها تخلصت منه بقتله .وكشف القرار الطبي حول تشريح جثته بأن سبب الوفاة النزيف الحاد . وبحسب صحيفة حكايات إعترفت المتهمة بممارسة الزنا مع شاب كان ثماره أن حملت منه.
يا جماعة السودان في خطر والله كل البنات في الطرق دا وين الحكومة وين رب البيت وين التربية يا ناس والله خجلنا كل يوم نسمع بقصة جديدة الحاصل شنو وبنات صغار كمان في العشرين من العمر واكتر البنات بكون شهادات عربية والله يستر
والله مهاذل الحاااااااصل شنو يا جماعة فى السودان البنات الصغار ديل ما عندهم اهل شغالات حمل ساااااااكت الا من رحم ربى وين التربية وين الامهات وين الاباء وين الاخوات المتسكعين فى الشوارع والعامليين نفس الفعلة وكماااااان الغريب فى الامر بنااات الشهادة العربية ديل بجو فاقدين حناااااان ويلقوا الانطلاقة ديل وهاااااااك يا حمل عيب الكلام وما تنسى انواهلك ديل جابوك وتعبوا فيك للدراسة مش علشان الكلام الفاااااااااارغ وطبعا يا اخوانا حواااااء وااااااااااالدة
قلبي معكم يا مغتربين …
الصحف شغالة تنقل ليكم في الأخبار وانتم تتوجعوا من صدمتها ..
والصرااحة الكلام دا ما بنسمع بيه الا في الجرائد ،،
نعم هناك حالات موجودة ، لكن النشر الاعلامي ساهم بشكل كبيراً جداً في تهويلها.
انا كنت مغترب وكلما يجي خبر من البلد اتخيل انه حصل لأهلي ، ولما رجعت لقيت الناس عايشها والخير موجود والشر موجود ..
معليش ،، لكن لما لقيت تعليقات الناس هنا كل يوم بتلطم وبتتحسر ، قلت اقول ليكم خففوا على نفسكم شويه ، و من يوم قمنا ياها الحال فقط اتغير ( النشر والاثارة )
وللمغتربين ربنا يرجعكم بالسلامة وما تشوفوا شر في احبابكم …
اتمني من الاسر تنشئة الصغار على الوازع الديني ومخافة الله وتيسير الزواج وذلك بتقليل المهور..ربنا يحفظ هذه البلاد من الفتن..ماظهر منها ومابطن
اتقوي الله وسيبوا المغتربين يعني عاوزين تلصقوا كل شي في ابناء المغتربين اولا بنات المغتربين مافي حوجة لقروش المشكلة في الفقر والمغتربين ديل منو مااخوي واخوك 0
ان مثل هذه الجرايم في النهايه ستودي الي انهيار المجتمع وان كان محافظا وفي اعتقادي ان محاكمة الجناه في مثل هذه الحوادث المحاكمه العادله والشرعيه وتضبيق الحكم في ميدان عام يخصص لذلك يحد او يقلل من حدوثها ويعظ من يفكر الرزيله عفانا الله وعافاكم
بعيدا عن المغترب والشهاده العربيه …وفاقد الشئ لايعطي لنكن واقعيين ونعالج قضايانا والتي تهم المواطن السوداني الراضع لبن أمه بشئ من الغيره والوطنيه لكي يهنأ بالامن والطمانينه كل أنسان غيور بعيدا عن الهذليه المضحكه في حينها ومبكيه عندما يقع الفأس بالرأس واللبيب بالآشارة يفهم.
يا جماعة ما بنات شهادة عربية وبس عايشين في السودان كمان المشكلة مشكلة الشباب المابخافو الله حسبنا الله ونعم الوكيل هم ما عندكم اخوات ولا امها ولا حتي قرايب هل بيرضوها لاختهم لو اتعمل فيها نفس الحركة يا الله يا الله ارحمنا يا رب
الايام دي في موضة اي حاجة يقول ليك الشهادة العربية مع أن الفساد الموجود بالداخل يشيب الراس و لكن هذا نوع من دفن الراس في الرمال و تطمين النفس- احسنوا تربية بناتكم و مراقبنهن ولا تطمنوا نفسكم على اعتبار ان الشينة منكورة — سامع يا قوز الحر و بعدين مهازل تكتب بالزاي مش بالذين.
ياناس انا شهادتي عربية والله العظيم ما شفت هناك ربع ال شفتو في السودان السودانيين هناك سمعتهم كويسة لكن هنا في السودان نسأل الله السلامة والمهم التربية سواء هنا ولا بره
اعوز بالله من غضب الله – اول حاجه البت دي يحكمو عليها بالاعدام لأنها قتلت روح عمدا – وتاني حاجه المفروض تاني اي بنت تعمل فاحشه وتزني يقفلو ليها الجهاز التناسلي …… ( …… ) بي صبه اسمنت عشان تاني تعرف تزني – انعل ابو دي ترباية
انا اقترح انه طالما الحكومة وفرت الجامعات فى كل الولايات اكون القبول ولائى وتقفل جميع الداخليات خاصة داخليات البنات ويشترط لكل بنت اهلما مقيمين بالخارج ان يكون لها محرم تشتكى له اذا بدر منها سلوك غير اخلاقى والله المستعان
شكرا للتلفزيون والقنوات الفضائية فتحوا عيون الشباب لى حاجات كانوا مابيسمعوا بيها حتى ودى النتيجة . وأرجعوا لداخليات الجامعات وخاصة فى الأقاليم تشوفوا مآسى مراحيض هذه الجامعات والأماكن المهجورة جوارها أتقفلت بجثث حديثى الولادة .
,والله المستعان المحيراني الواحده طالبه جامعيه واهلها من مصروف لا حوله ولا قوة لهم ياالله ابيعوا شوال عيش يدوب اطلع حق التذكرة ومصاريف اسبوع ؟ المحيراني بجد تعدي تلاتة شهور ولما ترجع البلد تجيب الملابس للصغار ولم جلابيه بيضا مكويه وسلطات واكسسوارت ده كل بشوال العيش واهلها في قمة البسط ولا حد اسئلها من اين لكي هذت؟؟؟؟؟؟؟؟؟؟