تلميذ بمرحلة الأساس يلقي حتفه بعد أن جلدته أستاذته

;( ;( ;( انا لله وانا اليه راجعون . اكييد سبب الوفاء ما الضرب ولكن الموت واحد وتتعدد الاسباب نسال الله ان يصبر اهله وان يبدلهم خيرا منه . اما من ناحية الجلد في المدارس فهذا اسلوب متخلف ونرجو من الجهات المختصة ان تاخذ الموضوع اخذ جد وان تبت فيه , العلم نور

له الرحمة وألمغفره ولزوية الصبر أنا لله وان اليه راجعون

لكن ياناس مافي جلد معلم بيقتل وياحليل زمن التعليم (ليك اللحم ولينا العضم )

شوفو التعليم كان وين وهسه نحن وين حاليا المعلمين جزتهم الله خير وربنا يكون في

عونهم بقو يعملو حساب للتلاميذ يعني الأية انعكست تماما تلقي التلميذ بالموبايل

وعلبة السيجاير وكيس الصعوط وماخفي أعظم والمفروض ولو في تعليم يقطعو لحمهم

هل يعقل ان يضرب معلم تلميذ حتي الموت هل هذا جزاء ولا ثأر يانس حرام عليكم

انا لله وانا اليه راجعون
وربنا يصبر اهلو انشاء
الاعمار بيد الله والسبب الوحيد للموت طبعا انتهاء الاجل
لكن بتمني والله انو يعيدو النظر في اسلوب الجلد دا لانو اطفال الزمن دا في البيت مافي زول بضربهم اكيد بخافو من الجلد في المدرسه
وفعلا والله الجلد دا اسلوب ماحضاري!!!!!!!

إذا الجلد أسلوب مش حضاري حاكمين بيهو على لبنه ليه ولا نحن نقالط أنفسنا ولا الحضاره شي و الدين شي آخر

والله انتو ناس غربين ما من زمان بجلدونا في المدارس مالكم ما اتكلمتو وانا ما بتكلم علي الجلد المفرط لانو اي شي مفرط بجيب نتيجه عكسه وفي ناس اذا ما كانو انجلدو وهم صغار يمكن كانو انفسدوا او نسو ا الاحترام وبعدين اذا الولد متربي من البيت ما كان حيتعاقب والاستاذ البيضرب بدون سبب او يضرب بصوره ما انسانيه مفروض يوديهو مصحه نفسيه

الضرب ينفعهم و العلم يرفعهم- بتكلم مش عن الضرب المبرح اوضرب غرائب الابل او الضرب داخل حلقات المصارعة و الملاكمة او الضرب تحت الحزام دي وجهة نظر يعني انتو لو ما عايزين الضرب ده ح نكلم وزير التربية عشان يلغيه ويلغي معاهو جدول الضرب زاتو 😎 :rolleyes: :lool: يا جماعة كيف يكون ما في ضرب؟ مع انو في ضرايب و مافي واحد حاول يلغيهاا هو نحنا صغار مما قمنا تعلمنا جدول الضرب في المدرسة وفي اللعب ضربني و ضربتو واتضاربنا- ولما تجي داخل البيت وتضرب اخوك الصغير تقوم امك تكورك فيك ضاربو ليه يضربك الضريب وفي لعب البلي قزاز ضرابي و ضرابك ولما تضرب عليك عصيدة تقلية بتقول انا ضارب لي تقليه او ضارب لي فول حار وبرضو في التلفون بتقول عايز اضرب تلفون ولما تجري حفيان يضربك حجر بتقول ضربني حجر ولناس الكيف بيقولوا ليك ضارب ليهو سيجارة -بصراحة كدة الحياة كلها ضرب في ضرب وعشان الوزير يلغي عقوبة الضرب بنخاف كمان يضرب طناش – وبرضو بقولوا اضربك كده وسمعنا تحت تحت الناس بتقول ضرب الحبيب احلي من الزبيب عايز اعرف الواحد كيف بضرب حبيبو؟- وبرضو بتقولوا ماعايزين الضرب وفي العسكرية برضو بقولوا ليك اضرب في المليان و اليوم الحار ما بندار وضرب النار عايز لو ورجال:lool: 😉 هناك بعض المفردات مثل مضروب في الانكل مضروب في السوق وطماطم مضروبة عشان كده لازم يكون الضرب موجود لكن يكون ضرب بحنية وليس ضرب شواكيش وتحياتي لكل واحد مضروب شاكوش;)

انا لله وانا اليه راجعون
والله انا من شد ما ادقيت في المتوسط بتمني اليوم الارجع فيهو البيت واكون ما اتجلته بعمل كراااااااااااااامة عديل كدا بس الود يومو تمه ربنا يرحمهو والاستاذة لو كان الود غلط ما بتضربو هو التعليم كدا حتي رسولنا الكريم قال اجلدوهم في 9 ده لو ما صلو بس الجلد بعلم الخوف والخوف بعمل نسال الله الرحمه ليه ولزويه الصبر والسلون ويرزقهم انشاء الله اعفوووووو عنها يا جماعة