كوش نيوز .. أخبار السودان بين يديك

شاب يقتل خطيبته بسبب رفضها له


شارك الموضوع :

لقيت إحدى الفتيات مصرعها على ايدي شاب بمدينة كسلا- شرق السودان- وتعود التفاصيل الي ان الشاب المتهم كان خطيب الفتاة المجني عليها وكانت الامور تسير بصورتها الطبيعية الا أنه نشبت خلافات بينهما ووصل الحال بهما الي طريق مسدود عندها قامت الفتاة بفسخ الخطوبة وعندها تأكد انه من المستحيل ان تعود المياه الي مجاريها فعقد صفقة مع الشيطان بأن يقوم بالتخلص منها وفي لحظة لقائه بها أعمى الغضب بصيرته وقام بالإعتداء عليها في عنقها والحقها بطعنات نافذة في بطنها اودت بحياتها في الحال وإثر ذلك تم اخطار الشرطة بالسوق الشعبي بكسلا حيث قامت باتخاذ كافة الاجراءات القانونية وبحسب صحيفة الدارعقب التحري مع ذوي المجني عليها تم تدوين بلاغ ومازال التحري مستمراً للقبض على المتهم .

شارك الموضوع :

13 التعليقات

إنتقل إلى نموذج التعليقات

      1. 1

        ومن الحب ما قتل
        والله الحكاية بقت صعبة
        بنت شنو عشانا الشباب يصلو للمرحلة دي
        في مليون وحده
        وكل شي قسمة نصيب
        وبدل ما يقتلها كل يقول
        برفض إطرأ زول ناسيني حتى إن كان فراقو تقيل
        أنا لما أحب بحب بالجد ولا أنسى بنسى عديـــــــل

        الرد
      2. 2

        والله حيرتونا والله المستعان

        الرد
      3. 3

        والله ياجماعة حيرتونا القصص دي قاعدين تجيبوها من وين
        الواحد بقي يخاف يفتح أي موقع سوداني كل يوم قصة قتل جديدة الحاصل شنو
        شيكاغو الكانوا بيضربوا بيها المثل بقت آمنة وأحسن من اي مدينة في العالم
        الله يستر

        الرد
      4. 4

        والله ياجماعه الحكايه دى بقت صعبه شديد عشان كده انا قلت لبناتي مافي خطوبه الداير يجي جاهز عرس عديل لانه مخفنا من موية النار والقتل:lool: ( )

        الرد
      5. 5

        ده مرده ضعف الواعظ الدينى – وعلى الانسان أن يتحصن من الشيطان صباحا ومساءا بالادعية المشروعة ، لان الشيطان يجرى مجرى الدم من الانسان ويلازمه وعلى الانسان أن يفوض أمره لله في أموره الدنيوية ولا يقنط من رحمة اله وكل شىء قسمة ونصيب – وندعو الرحمة والمغفرة للقتيلة .

        الرد
      6. 6

        الشغل بقى يا عرس يا موت 😡 ( ) 😉

        الرد
      7. 7

        خرج ادم من الجنة بسببهن اى النساء عشان كدة ايها الرجل من المفترض ان تنظر لي اي امراةغير والدتك شيطان رجيم وما تودي نفسك في داهية والله ما بستاهلو:crazy:

        الرد
      8. 8

        ظاهرة رفض البنات للأولاد بصوره مفاجئه ومن غير اسباب اصبحت كثيرة وانا شخصيا احد ضحايها

        البنات اصبحوا متأثرات بالفضائيات ودايره تعيش قصه زي قصة مهند ونور ولمن تشعر بأنوا الشاب ما
        لبيلاه احتياجاتاه العاطفية تقوم تديوه بالشلوت يعني يا تحنكا تمام يا مع السلامه معظم البنات بقوا كدا الا من رحم ربه

        الشاب ممكن ردة فعله تكون عنيفة خاصة اذا الموضوع استمر لفتره من الزمن والبنت كانت معشماهو
        نصحيتي للبنات ما تعشمو شاب ساي وبعدين تدو شاكوش كأنوا انسان بدون مشاعر
        كلما فترة الخطوبه طولت كلما الحسابات والتعقيدات دخلت المعادلة فأحسن حاجه الناس ما تطول الخطوبة وتعقد بأسرع فرصه ممكنه
        طبعا في النهايه ضعف الأيمان وسطحية الفكر هي التي تقود لهذا وربنا اتقبلها ويدخلها فسيح جناته
        ل
        كن الموضوع محتاج التفات المجتمع لهذه الظاهرة وتوعية البنات بأمور الزواج والأسره

        الرد
      9. 9

        لذلك فإن الإستخارة مطلوبة فى الإمور كلها…صغيرها وكبيرها كما علمنا الرسول

        الكريم..والزواج لابد فيه من الإستخارة..فإن تبين لك عكس ما تريد فلا تحزن ولا

        تغضب لأن الله أراد لك الخير فى ذلك…

        نسأل الله الهداية والعافية…

        الرد
      10. 10

        الخبر بقول (فسخت الخطوبة) وبعدين (في لحظة لقائه بها) .. هي بعد فسخت الخطوبة تاني لقاء شنو؟، وخاصة انه زي ما فهمنا وصولوا لي طريق مسدود يعني لا تجدي اللقاءات .. الخبر فيهو إنا .. المهم ربنا يرحمه ويغفر ليها .. والشاب ربنا كفيل بيهو

        الرد
      11. 11

        والله يا شباب تعليق شوية علي كلام ااخونا ابو فادي حقيقة وزكرة في القران الكريم الشبطان هدفو نزح الرحمة من قلوب الناس والتفرقة علشان ما تزيد امه تدعوو الي الله . وكلام اخونا الساعة بانو امنا حواء عليها السلام هي الي تسبب في يخروج سيدنا آدم عليه السلام من الجنة كلام غلط وما من حق انساء يقولو ولا يكون برضو ناقص دين هي حكمة ربنا كدا وبعيدن الراجل اللقتل خطيبتو ده ما اول واحد ولا حيكون اخر واحد طالما الشباب بعيدين عن ديننا الحنيف بس انشاء الله ما تحصل لزول قري المواضيع دي وشارك معانا اللهم احفظنا يا الله وارحم امه محمد احمعين يا ارحم الارجمين

        الرد
      12. 12

        غريبة… انا قبل شهرين قريت نفس الموضوع دا في الموقع دا زاتو!!! شكلهم ناس النيلين ديل شغالين recycling

        الرد
      13. 13

        تلقاهو خاطبا كم سنه لاقادر يعرس ولاداير يوريها عرض اكتافو والبت زهجت وشعرت القطر قرب يفوتا وطبعا شايفه صاحباتا كلهن اتزوجن واتستتن وخلفن بنين وبنات وهى قاعده ما حركت ساكن بسبب شوكت الحوت ده وفى النهايه بدل ما يشكرها على السنين الصبرتا معاهو وينسحب من سكات طالما ما جات منها وفسخت الخطوبه يقوم يعمل كده . ربنا يرحمها ويغفر لها ويعوض شبابها الجنه امين يارب العالمين.

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *

    This site uses Akismet to reduce spam. Learn how your comment data is processed.

    سودافاكس