جرائم وحوادث
كاد يموت من المقلب : صيدلية تبيع بخاخ فاضي لمريض بالأزمة
ألجمت المفاجأة ضابط شرطة في المباحث والتحقيقات الجنائية إشترى دواء أزمة (بخاخ) من إحدى الصيدليات فاكتشف أن علبة البخاخ فارغة تماماً ، وقال الضابط لشرطة حماية المستهلك إنه إشترى علبة البخاخ من صيدلية لمريض يعاني من نوبة (ازمة) كان ينتظره ، وعندما حاول إستخدامها إكتشف ان العلبة كانت فارغة ماكاد يتسبب في وفاة المريض . وفور البلاغ شرعت شرطة حماية المستهلك في تدوين إجراءات أولية بمواجهة الصيدلية التي إشترى منها الشاكي (البخاخ المضروب) وبحسب صحيفة حكايات تم إستدعاء صاحب الصيدلية للإدلاء بأقواله حول الإتهامات التي وجهها له الشاكي .
نحن لينا الله بس..!!
يوم الثلاثاء الماضي مساء ذهبت ببنتي المريضة الى الطبيب وكتب لها مضاد حيوي وكانت اقرب صيدلية هي صيدلية بت حليب بالحاج يوسف نزلت وكان معي بتاع الرقشة وجدنا المحل اقصد الصيدلية مليانة بالبنات لشراء صبغة شعر .. نعم صبغة شعر ..!!
مددت الروشتة للصيدلانية وان كنت اشك في صيدلانيتها .. وبسرعة ناولتني الدواء ودفعت لها 7 جنيهات عدا نقدا ..وما كتير على الصحة ..
تفاجأت في البيت ان الدواء منتهي الصلاحية .. (مصنوع شهر عشرة 2007 ومنتهي شهر 10 2009) عملت كم اتصال اشاور فيه الناس احدهم طلع بيعرف صاحب الشركة المصنعة للدواء وهي شركة اميفارما وهاك يا شكر في الزول وكيف انه خيري وعندهم مستشفى اطفال بامدرمان المهم اقنعني بانه سيتصل بصاحب الشركة ويالفعل اتصل به وعاد ليخبرني الساعة 11 ليلا بان صاحب الشركة اتجه للصيدلية بعد اخذ الوصف مني..!!
حقيقة خفت البت بتاعة الصيدلية تنكر ذهبت ومعي شخص اخر لزوم الشهادة وسألناها انتي اديتينا الدواء دة قبل شوية قالت نعم قلنا ليها طيب الدواء منتهي الصلاحية .. تصوروا مدى البجاحة لمن قالت لي الدواء منتهي الصلاحية ما بيقتل زوووووووووول (بهذه الصورة) وهاك يا قلة ادب صيدلي وصاحب الصيدلية ينظر من بعيد وما في حتى كلمة اعتذار…!!
المهم من يوم الثلاثاء لحدي الليلة منتظرين اطلالة السيد/ احمد البدوي مدير شركة اميفارما او حتى مكالمة منه فيها اعتذار.. ولكن على ايه من عنده القروش لا يهاب القانون…
أكيد الحكاية محبوكة والصيدلي لم يعطيهم ألفيها النصيب ودبرو له مقلب 😀 😀
ديل ناس معروفين بتاعين زبالة
هل يعقل أن يبيع صيدلي أدوية فارغة وليه ماتكون من بلد ألمنشاءة فارغة
ويا حضرة ألضابط دقستة لان كل عبوة فيه رقم متسلسل ورقم عالمي بالدواء
وألكرتون وهذا ليس فقط علي الدواء بل يشمل أي بضاعة مستورده
وشربته ألمقلب أنت ( ياعوض الله يا…….( ) ( ) ( ) )
طبعاً الصيدلية الباعة البخاخ أكيد اشتروه فارغ وطبعاً ماممكن يراجعوه وحدة وحدة
عشان كدة
لكن الشي البيحير شرطة حماية المستهلك دي قاعدة تعمل في شنو يعن بعد المستهلك يتهلك بعدين هم يشتغلوا
:confused: اول شى هذا الحدث طبيعى
من الممكن جدا يكون البخاخ فارغ من مصدره
علما بان الوزن واحد ولا فى فرق ظاهر
عشان كده صاحب الصيدلية ليس عليه اى ذنب فى ذالك
التعامل بحسن النية ما بنفع والثقة العمياء الاكتر من اللازم برضو ما بتنفع ولكن للاسف الشديد عندنا فى السودان حسن النية والثقة العمياء لاز م نتعامل بحذر شديد ونفحص كل شىء وقع فى ايادينا وحتى الفحص يكون بحذر شديد وذلك لسلامتنا وسلامة ابناءنا
والله الموفق
الواحد لما يشتري ليهو اي حاجة لازم يتاكد هل هي فاضية ولا مليانه= علي االاقل كان يديها خجه خجتين قبل ما يشرب المقلب مرتين
وما خفي اعظم …..الله ستر وما كانت مليانة موية ملح كان فعلا المريض راح فيها في انتظار الدواء ان ياخذ مفعولة ….معاقبة المسئول و بحزم شديد..حياتنا ما لعبة يا حرامية
يا جماعة الخير العارف ليه عنوان لشرطة حماية المستهلك يدينا خبر