شاب يفسخ خطبته من فتاة بسبب حسين الصادق
فسخ شاب خطبته من فتاة عشرينية العمر في الشارع العام بسبب الفنان الشاب حسين الصادق ، وتعود تفاصيل الحادثة الي ان الشاب كان يسير برفقة خطيبته بالقرب من نادي الاسرة بمنطقة الخرطوم 3 والذي كان صبيحة ذلك اليوم مسرحا لبروفة احتفال افتتاح استاد الانقاذ للناشئين بمشاركة مجموعة من المطربين من بينهم الفنان المذكور ، وعند رؤية الفتاة للفنان الشاب حسين الصادق وهو يدخل نادي الاسرة وبالتحديد هيئة البراعم والناشئين صرخت باسمه اكثر من مرة واصرت على الدخول للنادي لمصافحته الامر الذي اغضب خطيبها وهددها بفسخ الخطبة اذا تحركت من مكاتنها خطوة واحدة ولكنها ضربت بتهديداته عرض الحائط ودخلت النادي للتعف على فنانها المفضل وماكان من خطيبها سوى إعلانه لفسخ الخطوبة في الشارع العام ، وعلمت صحيفة فنون ان هنالك مساعي من عدد من الذين كانوا موجودين بنادي الاسرة للاتصال بخطيب الفتاة وإقناعه بان اعجابها بحسين الصادق لايتجاوز اعجاب فتاة بفنانها المفضل ولاينبغي له ان يحمل الامور اكثر مما تتحمل .
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
هوي يا المتعنصرين ديل
هو كان راجل بالجد بسوقا للحفلات والكلام الفاضي ده
ولا لو هو راجل بالجد وشخصيتو قوية كان على الاقل سمعت كلامو
دا راجل ضل ساكت يستاهل
عافي منك يا اختي فضحتيهو اب شنيب
منو اسمه اول مره اسمع بيهو بجد علي الدنيا السلام وعلي الفن السوداني السلام
قسم جدع,وهذه انسانه ساذجه خاوية العقل والفكر ولا اظنها تصلح لتكون ربة اسره. صدقني هذه الهبله لا تستحقك
هو حسين الصادق ده منو
الحكاية نكتة لأنه الموضوع ما ماشي لقدام هما الاثنان غير جادين ، لو جادين ماكان يمكن يحصل موضوع زي بسبب زي دا ، البنت أظنها مبطبطة وعايز تخلع وكانت مستحية ، لكن وجدن ليها سبب ، وهو أظنه كان حاسي بالموضوع لكن عايز يسجل موقف
لا هو ضكران و لاهي ماكويسة ولاتحملوا الموضوع اكثر مما يحتمل الاسباب التي ذكرتها في الاول انا متأكد هي السبب
وحتى جرائدنا خلت مشكلة السودان الذي يحترق ومتجه نحو مائة حتة يعني نحن ماشين مع السلطنة الزرقاء في سنار وحانجيب مالك عقار سلطان كلنا اهل الجزيرة ، والجماعة حايرجعوا احفاد علي دينار ليكونوا لهم سلاطين ، واما أهلنا ناس شمال الخرطوم حايرجعوا لعلوة والمقرة السلطانات النوبية ونبتة ومروي.
السودان يغرق كدي خلونا من حكاية الخطيبين الفكوا الخطوبة
عافي منك تب, امش شوف ليك واحدة ذات حياء خلق ودين, و اعفينا من معظم بنات الزمن ديل الواحدة زي الاسد, مافي خجل.
الذكور برضو مشتركين
والله ضكران عفيت منك بلا كلام فارغ
كان يخمشا بنية و يرصعا كف فاااااااااااهم كدا..
عليك الله شوف الغبيانة دي..
يختي حسين الصادق ده لا بضوي ليك ولا بفك ليك بورة ..
احسن تستااااااااااااااااااااهلي
منتهى قلة الادب وعدم احترام للراجل الماشي معاكي ده..
ههههههههههههههههههه عسل وانا كمان خطيبي سابني بسبب هيثم مصطفى لكن مالي حق عليكم الله دا سيداااااا
يا اخواني عايزة لي راجل بشبهوووووو لو في كلموووووني
والله انك راجل بلاش حسين الصادق بلاش لخمة (خلى الفنان ينفعها);(
احسن ليهو يسيبها
دى وحدة هايفة و سطحية ومخها فاضى
وحدة من النوع ده كيف حتقدر تشيل مسئولية بيت واسرة
و الاولاد الحتربيهم ديل حيطلعوا شنو بعدين؟؟؟
نحيا ونشوف
😮 😮 😮 😮