بابكر سلك
قون المدينة وحال المدينة
> غلب عديل كده
> طلعنا بي تلاتة نقاط
> زمان كنا بنطلع بي تلاتة اقوان
> قون ينطح قون
> فجأة بقدرة قادر
> طلعنا بي تلاتة نقاط
> ومن نيجيريا كمان
> كورة مشتركة بين لاعب الرابطة كوستي ولاعب شلسي
> بياخدها لاعب الرابطة كوستي من لاعب شلسي
> مالو
> موش لاعب زيو
> غلبنا نيجيريا
> ولا يفوت علينا ان نيجيريا انهزمت في ارضها وبين جمهورها
> وهذا ليس تبخيس لنصرنا الكبير
> ولكنه تذكير بان نيجيريا يمكن ان تنهزم على ارضها
> وده اذا وضعنا الانتصار عليها هدفاً نسعى اليه
> نعلم ان الملعب والارض والجمهور كان سودانيا خالصا
> كل الظروف كانت ضد الاقاشي
> ولكن هذا لا يمنعنا من اكل الاقاشي في قصر الشريف بنيجيريا
> فالشريف زعلان مني
> زعلان من السودان كلو
> وان كان الشريف قد استمع واستمتع بغنانا
> فعلى الشريف ان يتقطع حزنا من انتصارنا
> وحقو الشريف يعرف انو كورتنا ما زي غنانا
> كورتنا لحمها مر اذا اردنا له ان يكون مرا
> أيها الناس
> اللعب في نيجيريا باستراتيجية محددة يضمن لنا الخروج على الاقل بنقطة
> تلك الاستراتيجية هي الاداء بحماس ورجولة
> فالذين يلعبون لاندية اوروبا بالتأكيد يخافون الاحتكاك والاصابات
> القصة قصة اكل عيش
> ودي واحدة من الاهداف التي يجب ان نعمل عليها
> ما ضروري نجيب قون
> نقفلها صاح
> ويا النقطتين يا الكرعين
> عنف قانوني
> يضمن لنا الاستمرار في المنافسة من اجل الوصول للنهائيات
> نلعب بصرف النظر عن الاهمال
> بصرف النظر عن عدم الاعداد الجاد
> بصرف النظر عن اي شيء
> بقوة وفتوة وحماس واصرار
> راس حربتنا يقعد في خط ستتنا
> الماشي ليها قدام شنو
> نقطة تعلن خروج نيجيريا من المنافسة
> وتعطينا الامل في باكر
> ومن هنا لي باكر يمكن ان نحاول تلافي اخطاء الماضي
> ونعد العدة جيداً
> دي نهائيات ما لعب
> أيها الناس
> الشريف أبداً ما يبقى مبسوط مننا
> الشريف لازم يزعل مننا طوااااالي
> كفاية انبسط كتير
> طوااااااالي الشريف مبسوط مني !!!
> الشريف المرة دي لازم يعرف الطفى النور منو
> المهم
> واحد قال لي الناس ما طلعت للشارع فرحاً للنصر القومي
> قلت ليهو موش لما يصدقوا اول
> اها
> نجي لي شمارات والي الخرتوم
> كان شفت يا والينا
> غلبنا نيجيريا في ارضنا اللينا
> وكان شفت يا والينا
> الجماهير ما طلعت فرحاً في شوارع المدينة
> حيرتنا الجماهير يا والينا
> لا طلعت فرحاً بقون المدينة
> ولا طلعت حزناً لحال المدينة
> مالها هي الجماهير دي بقت مسكينة !!!!
سلك كهربا
ننساك كيف والجماهير لا طلعت فرحاً بهدف المدينة ولا طلعت حزناً على المدينة المسكينة
والللللللللللللى لقاء
سلللللللللللللللللللك
في السلك – بابكر سلك
صحيفة الإنتباهة
والله انا رئيس اﻻتحاد العام كان نصبتك رئيسآ لبعثة الفريق القومى المتجهه الى ابوجا عشان نشوف البطفى النور منو ؟ انت وﻻ الشريف ؟
هو الشريف بتكفى يا خوي ؟ انت قائل نفسك شاطر وشيييين خالص يعنى ؟