بابكر سلك
الجنتلمان ولا موت الضان
> قبل علي أغاني ترباس
> قلنا ليك يا حمادة
> المريخ بخلي العاقل يطقع والمجنون يهبش
> اسي هابش ترباس مالك ؟
> ترباس ده من مشى «يشرب» تاني جاب سيرتكم!!!
> ويواصل حمودي الحديث عن ترباس
> ويستعرض أشعار الكاردينال
> قال ما عاجباهو
> كلمات فارغة
> ترباس لملمها ساي وغناها
> ترباس يا حمودي اصلوا بلملم الحاجات
> قبل كده موش لملمها وقال مشيت اشرب !!!!
> وبعدين ترباس قال يا محمد عبدالماجد
> جني وجن الزول البقلب السمكة وما دافع فيها
> كردنة داير يقلب العقرب بالعقد وما دافع فيها !!
> اها العقرب اتقلبت عليهو يا حمادة
> لكن محمد عبدالماجد قصد انو كلمات كردنة شعراً زي كلماتو عقداً
> كلماتو الغنائية زي كلماتو التعاقدية
> ربربة ساي
> بدليل العقرب قرصتو
> يا حمادة
> نحنا عارفن المريخ بخليك تكتب عن عثمان حسين زي ما عودتنا
> لكن ان تصل الحكاية لدرجة الكتابة عن ترباس وكلمات الكاردينال
> تبقى حكايتك بقت «كرونك»
> محتاج علاج بره
> قلنا ليكم يا ابو حميد
> الجنتلمان ولا موت الضان
> اسي فات العقرب
> وكردنة هضرب
> ما دايرين عمر بخيت وما دايرين المعز ومهند وجمعة وسيسيه وسيدي بيه ونلسون وفوزي ذاتو
> ده ما موت الضان ذاتو؟؟؟
> الجنتلمان كان ساترة الاخوان
> ابيتوا تسمعوا الكلام
> قلتوا الحشاش يملا شبكتو
> شفتوا الحشاش كيف ملا شبكتو؟؟؟
> ملاها غربال وغزال
> والسنة الجايه نزار
> والسنة البعدها شعار الهلال
> قالوا عصمت عارضو للبيع
> المهم
> نطالب المجلس باعادة النظر في موضوع باسكال
> باسكال ما شوية يا نااااااس
> لاعب مكروه لدى اخوتنا الاهلة
> امسكوا فيهو قوي
> ايها الناس
> سيدفع بكري الثمن
> حايبقى العنكبوتة بعد كان العقرب
> في المنتخب حيحارب
> طبعاً ده اذا ما تخطاهو الاختيار
> وسيواجه بحرب
> البحلك من الحرب دي يا عقرب
> تقرصهم في اول مواجهة قرصة شديدة
> قرصة في حتة لا يعرفوا يحكوها ولا يعرفوا يخلوها
> مع الحديدة
> تاني ما بجيبوا سيرتك
> زي طمبل وكليتشي
> المهم
> لا نبخس الناس حاجاتهم
> لكن فيصل موسى لو بنفع كان نفع
> تلاتة سنين وفي مريخاب لي اسي ما بعرفوا اسمو
> تلاتة سنين وقع فيهم تلاتة الف مرة
> لاعب ما ثابت
> ما بشبه المريخ
> يمكن يكون بشبه الهلال
> لكن طموحاتنا الجوية تجعلنا نستغني عنه ونشكره على الفترة التي قضاها بيننا
> خت في راسك يا فيصل
> اللعب في الهلال ساهل
> الشغيل كان عندنا ببوظ الكورة
> في الهلال بقى صانع لعب
> الطشاش في بلد العمي شوف
> يا لطيف
> ايها الناس
> إن تنصروا الله ينصركم
> اها
> نجي لي شمارات والي الخرتوم
> انت يا والينا
> شنو حكاية المكياج والرواج والبدكير والتاتو الانتشرت فينا
> تلقانا قاعدين زروووووووق يا والينا
> واختنا في وسطنا بيضا زي الرتينة
> لا نظرية وراثة ولا جينات ولا العروق الدفينة
> مقتنعين يا والينا
> بانو الكندشة بتخلي الموز الاخضر اصفر يلالي فينا
> قول اللون جابتو الكندشة يا والينا
> الشعر ده ما بياكل فينا
> قول يوم القيامة واحدة دخلت النار منينا
> الحواجبين ما حقاتنا ما من عندينا
> والشعر هندي ما زي العندينا
> والروج الكان بقدل ويروج لينا
> حتى الشحم واللحمة السمينة
> والعيون البتتلون كلو يوم يا والينا
> والحواجبين وشم تاتو قالوا لينا
> والرجول ما زي حقات سكينة
> والكلام عطش الجيم الفينا
> يبقى النار حاتاكل شنو يا والينا
> كلو ما من عندينا
سلك كهربا
ننساك كيف والبت تقول طيف كلو يوم تتغير لينا
والللللللللللللى لقاء
سلللللللللللللللللللك
في السلك – بابكر سلك
صحيفة الإنتباهة
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
المحامين الجد جد الذين درسوا القانون في ارقي الجامعات والذين يحملون اعلي الدرجات العلمية افتوا بان قضية بكري المدينة محسومة لصالح الهلال وسوف توقع عقوبة علي اللاعب والنادي وتوجد سوابق الحضري مثالا. وانت كما تقول والعهدة علي نفسك انك محامي ولو ما عارف دي تبقي مصيبة ولو عارف تبقي المصيبة اكبر . سؤال انت محامي وكمال الجزولي محامي؟ حكم.