على مَن تنشن فطومة !!!

[CENTER][B][SIZE=5] على مَن تنشن فطومة !!! [/SIZE][/B][/CENTER] [SIZE=5] > فطومة اختي اليومين دي عندها صور في النت
> بالبندقة يا هريدي
> بتنشن صاح
> تشوف الصورة شدة ما منشنة صاح
> تزوغ طوالي من شاشة اللاب توب
> كان ما اخاف الكضب
> ريحة البارود ظاااااهرة
> لكن السؤال
> على من تنشن فطومة
> الزولة دي جاااااادة
> الخوف تجي بي بندقيتها دي داخله النادي
> البواب يقول ليها معاك سلاح ؟؟؟
> تقول ليهو ابدا
> يقول ليها اتفضلي
> وتتفضل بي بندقية القنص
> وتااااااااااااخ
> العيار المايصيبش يدوش
> لكن المشكلة
> المواسير في الهلال كتار
> والطلقة يا فطومة لو مرقت من الماسورة وضربت الماسورة
> بترجع في العين
> هددي سااااااي
> قولي ليهم هانضب
> هنضبيهم
> اقرعي بيها الواقفات
> العقربن والبختن سيبيهن
> اقرعي الباقيات
> المهم
> سمعنا بي تلطاشر محترف هلالي
> ما شفنا غير بانغورا الماسورة
> والحبشي الامو جات معاهو
> اين البقية يا ناطقة يا رسمية!!!!
> الكاش بقلل النقاش
> والكديس المربيهو جمال في فداسي
> الكديس البوليسي
> جاب ليهو غنيمة من غانا
> نجاو ما قالها
> السواي ما حداث
> لكن كردنة ده طرباق ساي
> وغداً سنقرأ
> نساء ورجال حول الكاردينال
> الفاتحة الفاتحة
> أيها الناس
> عجوبة خربت سوبا
> وابو الهل عمل بيت اللاعبين في المعمورة
> جمب سوبا
> يعني الخراب بقى ساهل لي عجوبة
> وسنرى
> ايها الناس
> فنياً عمر بخيت مهم جداً
> ولو لحين
> ان اعطانا سنة سنتين
> بالتأكيد سنستفيد منه
> وعملية البناء تبدأ بالنظر لليوم وغداً وبعد الف سنة
> القرار فني في المقام الاول
> ويا حبذا لو الجهاز الفني اوصى المجلس بالحتة دي
> عمر خبير
> ومتمرس
> ومحترف على قدر من الحنكة
> نحنا جامعة
> ومن ينجح في الثانوي
> بالتأكيد يدخل الجامعة
> وعمر نجح في الثانوي بدرجة امتياز
> المهم
> مزرعتنا البتفرخ لينا
> شايفها لمت ليها كتاكيت عمر يوم كتااااار
> فيهم اللاحم وفيهم البياض
> ربوهم لينا كويس
> ليهم يوم
> ايها الناس
> إن تنصروا الله ينصركم
> اها
> نجي لي شمارات والي الخرتوم
> كان شفت يا والينا
> الشتا بنعرفوا بي ضل الشتا يا والينا
> لا برد بجينا ولا السخانة بتخلينا
> بلد تغلي يا والينا
> تنزلونا من المنقد ده يا والينا
> ولا ننزل برانا ونبرد السخانة علينا ؟؟؟

سلك كهربا
> ننساك كيف وفي الشتا عرقنا يتقطر …. تف … تف … تف … وكندشة غيرنا شغالة .. سف …. سف …. سف

والللللللللللللى لقاء
سلللللللللللللللللللك
[/SIZE]

في السلك – بابكر سلك
صحيفة الإنتباهة