بابكر سلك

السيستم جاب البستم؟


السيستم جاب البستم؟
> امس انتهت فترة التنقلات الشتوية
> مشت خلاص ببح
> شالها هو
> اكتب قبل قفل الباب
> وما عارف السيستم جاب افادة العقبي
> ولا العقبى عندنا في المسرات !!!!
> غايتو الاحد ما اجازة في الجزائر
> ممكن اتحادهم يكون شغال ويرسل
> لكن في افريقيا
> الاحد زي ود اللحد
> مافي مخارجة إطلاقاً
> غايتو يا روشا ورقكم ده لو جا
> الا يكون سكرتيري الاتحادات المعنية شايلين معاهم لاب توبات اتحاداتهم في الكنيسة
> والغريبة لو فيهم زول ما بمشي الكنيسة
> الا يرسلو بالواتس
> والغريبة شبكتنا هنا ما مضمونة
> غايتو الاربعة ديل
> الشافهم شغالين اسكراتشات لي شهر ستة ما كضب
> أيها الناس
> العاقبة عندنا في المسرات لي شهر ستة
> لكن اوكرا من الطيارة للصالة
> دي الاخبار الجاتنا
> والواتس شابكنا ليك كضب لمن حيرنا
> كلو دقيقة تجيك رسالة بي خبر
> قوق اوغستين في المطار
> قوق ده منو
> قوقو ذاتو ما عارف
> المريخ يكتفي
> تجيك رسالة المريخ يسجل المعز
> غايتو الواتس ده يوم بكتل ليهو زول
> كضب زي الكضب
> المهم
> نريد من مجلسنا الموقر تبصيرنا
> عن ما قام به من احلال وابدال وبالاسباب
> وان يطمئننا على موسمنا الجديد
> فالفريق ليس لاعبين ومعسكرات
> الفريق ادارة قوية تترصد لاي مجاملة او محاباة تعوق سير التنافس
> يعني تربص زي ما قال كردنة
> ادارة لا يهمها الا مصلحة المريخ وصالح الفريق
> وبعد داك بتجي بقية الادوار
> الموضوع ده واجعني
> وحانرجع ليهو بالدلائل
> المهم
> امس كان اليوبيل الذهبي لافتتاح القلعة الحمراء
> الزعيم اسماعيل الازهري كان بعيد النظر
> فقال في كلمته وقتها
> بعد ان بارك الصرح الكبير
> انه يرى ان من قام بهذا العمل خطط للطابق الثاني
> وتمنى ان يحضر افتتاح الطابق الثاني
> وكان الطابق الثاني
> ولكن للاسف لم يحضره الازهري
> ولكن حضره توقعه وبعد نظره
> المهم
> خمسين سنة على افتتاح الاستاد
> يعني يا كردنة كان فكيناها بتجيب خمسة وعشرينين من خمسة وعشريناتك البتتكلم عنها
> بالتأكيد نحلم بالطابق الرابع
> وحبذا لو كان مواكباً لمانديلا السابع
> ولسيكافا الخمسة وعشرين
> لانو الما عندو قديم ما عندو جديد
> المهم
> سيدي بيه السستم قبل كده قفل عليه
> المرة دي السستم حاتعملوا معاهو ايه !!!
> اقول ليكم
> لو قفل ياروشا
> البخوهوا بالمر الحجازي
> او بالحلبة
> سستم البلد دي زي الحبن
> بفتح بفتح
> بس شيلوا الصبر
> أيها الناس
> امس اسدل الستار عن موضوع سيدا
> يا ربي الحصل شنو ؟؟؟
> نحنا غايتو قروشنا اسسسسع ناوووووووو
> أيها الناس
> جاتنا اخبار بالواتس اسي دي
> قالوا انصار الامام سيدا يعتركون مع الامين العام لانصار كردنة
> خبر واتس ما معروف صحتو
> أيها الناس
> إن تنصروا الله ينصركم
> صدقوني
> والبخاف من الناس ما بخاف من الله
> والبخاف من الله ما بخاف من الناس
> اها
> نجي لي شمارات والي الخرتوم
> كان شفت يا والينا
> قالوا جوبا فيها فساد شديد يا والينا
> الحمد لله الما بقينا من مواطنينا
> في الفساد ما بنقدر نعيش يا والينا
> عشان كده متمسكين بيكم وانتوا متمسكين بينا
> اخير لينا حياتنا دي فساد ما فيها يا والينا
> ولو كنا في جوبا والفساد نازل علينا
> كنا زمااااان متنا يا والينا
> منقو قل لا عاش من يفسدنا ويفسد فينا

سلك كهربا
ننساك كيف والفساد كال حسن والتوم وحماد

والللللللللللللى لقاء
سلللللللللللللللللللك

في السلك – بابكر سلك
صحيفة الإنتباهة


تعليق واحد

  1. بلاهى يا سلك استفدنا شنو من كلامك ده
    يا ناس احترموا عقولنا