بابكر سلك
شهادات باتريك برضو من أبيي !
> لا يهزم المريخ إلا المريخ
> اعتدنا دوماً أن نبدأ في حرب المريخ منذ بداية الموسم
> نسمي حربنا تلك بالنقد
> ولا ندري أثرها السالب على المريخ
> ويتزامن ذلك مع قيام اخوتنا الطيبين بخلق جو مستقر لناديهم
> وبالطبع يخوضون مع الخائضين منا في خلق المشكلات بالمريخ
> لا يمكن أن اعقل مدح الكاردينال الذي خسر بكري
> فتهور وخسر المعز والمعلم ومهند بخطأ واحد
> ولا يمكن ان اعقل مدح الكاردينال الذي فشل في اتمام الاتفاق مع بكري
> وفجر قنلبته على نفسه وجماهير الهلال تنتظرها سنوياً
> قنبلة التسجيلات
> البرازيلي فجأة يتغير لي ايطالي بيتزا ديلفري
> ويمدح كردنة في فشله في تسجيل جمعة بمستندات أبيي
> ويمدح عندما يسجله عن طريق كبري كوبر بمستندات تختلف عن الاولى
> ومع كل ذلك ينتقد ويذم مجلس المريخ
> الذي كسب بكري وكسب تشتيت ذهن الاهلة ففقدوا اعمدتهم الاساسية
> وبرروا ذلك الفشل بانهم يسعون لصغار السن
> فاتوا بفيصل موسى
> ولا ادري هل لفيصل موسى أيضاً شهادة ميلاد من أبيي تثبت صغر سنه
> ام انه التسنين والتقدير
> مع العلم بان احلال الصغار مكان الكبار فجأة
> يضيع الصغار سريعاً
> فالصغار يدخلون في التشكيل بالتقسيط
> ليكتسبوا ثباتاً وخبرات
> اما بطريقة كردنة
> صدقوني
> لما يثبتوا يلقوا روحهم في ميدان عقرب
> صعبتها على الحكام السنة دي يا كردنة
> الا يتموها ليك مويه
> المهم
> وبالامس اشادات بكردنة لانه دعم بنك الثواب بي ميتين مليون
> ما فضل الا يجيبوا مكرفون يحوموا بالبكاسي ويذيعوا التبرع
> والبص
> سنة بتكلموا عنو
> ولما وصل قربوا يجيبوهوا للناس في بيوتا
> مع العلم بانهم عندما كانوا يتحدثون عن بص الهلال
> بص المريخ جابوا جمال قبل سنة من مجرد الحديث عن بصهم
> ومع كل ذلك
> ينتقدون جمال ومجلس جمال
> ويتبعهم للاسف منا البعض
> ميتين تبرع كردنة دي الوالي بدفعها في اليوم ستة مرات
> ولا تعلم شماله ما قدمته يمينه
> الموضوع ما محتاج برابقاندا قدر ده
> ولكنها محاولات لخلق شخصية قوية وفاهمة
> وناسنا داقسين
> او قل البعض
> يبنون مع الجماعة في شخصيات الكرتون
> ويحاربون شخصيات يشار لها بالبنان
> وهم لا يدرون ماذا فعلوا ويفعلوا
> ايها الناس
> كردنة ادارتو زي شعرو
> وقريبا ستعرفون الحقائق كاملة
> أيها الناس
> بداية الموسم تحتاج لجهد كبير
> ولوقفة من الجميع
> ما تبقوا زي اولاد الوطن البخدعوهم الاجانب ويجندوهم ضد وطنهم
> الوطن اول
> بعدين نشوف الصاح منو
> المهم
> سمعنا بانو الاتحاد طالب بشهادات باتريك
> والجماعة بقوا كلو يوم في بكرا
> هل شهادات باتريك برضو من أبيي؟؟
> لو في كان جابها معاهو جيتو الفاتت
> ولا تقيلة ما كان عندو وزن ؟؟؟
> أيها الناس
> نحنا فريق كبير
> من حقنا ان نجلب ونستجلب من اي فريق اصغر مننا
> بما فيها الهلال
> لاننا الكبار الوحيدين في البلد دي
> وبي حقنا
> ما كبار جعجعة ساي
> بجوياتنا وسجلاتنا في لوح الشرف الافريقي
> لذا طبيعي ان تفرخ لنا الفرق الصغيرة
> برغم انو فيها واحد
> بقى جنينتنا وحقتنا وبنرييييدها
> البص ذاتو لو عجبنا بنجيبوا عندنا
> بي استيكرو السلخوا منو وما لموا ده
> دقيقتين يبقى احمر
> ونعلق فيهو صورة المدينة
> ايها الناس
> توفير الاستقرار والمناخ المناسب للاعداد
> هو اول خطوات الوقوف مع الكيان
> الناس كلها تعرف ان المريخ اتى بسيكافا الاولى
> ولكن معظمهم لا يذكر اعضاء المجلس وقتها
> الناس كلها تعرف ان المريخ اتى بسيكافا التانية
> ولكن معظمهم لا يعرف من هم اعضاء المجلس وقتها
> الناس كلها تبصم بالعشرة على نيل المريخ لمانديلا
> افريقيا كلها عارفة الكلام ده
> ولكن معظمهم لا يذكرون اعضاء المجلس وقتها
> والناس تعرف ان المريخ جلب دبي والشارقة
> ولا يذكر معظمهم اسم السكرتير في ذلك الوقت
> والناس كلها شافت بي عينا سيكافا التالتة
> ولا يذكرون اساء نصف اعضاء المجلس الحالي
> إذاً يذكر الناس والتاريخ الانجاز للمريخ
> ولا يذكرون اعضاء مجلس الانجازات
> يبقى الحرب على منو وفي شنو ؟؟؟
> حانحارب مجلس لتهرب بطولة التاريخ مستعد لقيدها لصالح الفريق ؟؟؟
> خلونا واعين يا ناس
> ونهتف جميعاً
> مريخنا يا
> مريخنا يا
> مريخنا يعيش يعيش يعيش
> بالمناسبة
> ميتين الكاردينال يا روشا
> السنة الفاتت هيثم اداكم ليها تبرع للمسجد
> هيثم مصطفى كرار
> نسيتوا ولا بتتناسوا ؟؟؟
> طيب ليه ما مليتوا بيها صحفكم يا فطومة ؟؟
> ولا الوكت داك كنت سايلنت وما كنت ناطقة ؟؟؟
> روشا
> دحين قبل تلاتة سنين موش كتبت لينا
> انو البرير وقع عقد القناة في الامارات
> وانو القناة قريب حاتبث لينا !!!!
> العقد داك قام
> ولا القناة طلبت الطلاق وقتها
> واسي قبلت بالعقد ؟؟؟؟
> أيها الناس
> إن تنصروا الله ينصركم
> اها
> نجي لي شمارات والي الخرتوم
> كان شفت يا والينا
> امس في الصيحة قرينا
> دولة الجنوب تلاتة سنوات لم تدفع حق الكهربا لينا
> ليه ما ربطوها ليهم بالمويه زي ما ربطوها لينا
> ولا خايفينهم يربطوا المويه الجايه علينا ؟؟؟
> وفي جريدة تانية قرينا
> يمكن نستورد كهربا من اثيوبيا يا والينا
> بدل نودي الجنوب مجان ونجيب من اديس بالكاش
> ما نقفل كهربتنا علينا
> اخير من تمشي الجنوب بي كبري
> وتجينا من اثيوبيا بي كبري
> وكترت الكباري علينا
سلك كهربا
> ننساك كيف والكهربا لحقت السكر.. تتصدر عشان نستورد..
والللللللللللللى لقاء
سلللللللللللللللللللك
في السلك – بابكر سلك
صحيفة الإنتباهة
وانت شهاداتك من الجو الرطب قال محامي قال والله انت شكلك عبيط واهبل وبصلعة كمان
ننساك كيف وكبري كوبر يربط بين الجنوب والشمال