بابكر سلك
ديمقراطية المريخ وحركات الهلال المسلحة
> نادي المريخ ملتقى المريخاب
> تجد فيه الحكومة والمعارضة
> اي اعلامي مريخي ترحب به دار المريخ العامرة
> دون ادنى تأثير لموقفه من المجلس او من المعارضة
> فالباب يقابل جمال بالاحضان
> ويقلد قريش بالاحضان
> مزمل مرحب به في النادي
> وابو عاقلة اماسا يجد الاحترام والتقدير والترحيب
> نادي المريخ مكان جميل يمارس فيه المريخاب الديمقراطية باريحية وراحة
> عادل محمد نور كان يساند قريش أيام الانتخابات
> وعبدالوكيل كان يناصر الفريق طارق
> تجدهما حتى اثناء الانتخابات معاً
> مودة واحترام وانس
> انها ديمقراطيتنا التي نفخر بها
> اما في الهلال
> النادي محرم على المجلس
> الراجل يجي
> المراة ذاتها كان مرة التجي
> وتغطية المعسكر محرمة علي اي صحفي تناصره الجماهير التي تحتل النادي وتحتجز البص
> ومن صرح لهم المجلس بتغطية المعسكر
> لم يسمح لهم فصيل النادي بالولوج الى النادي
> ومتحرك روشا يتربص بفصيل المشاهد
> وفصيل المشاهد لغم المنطقة حول النادي
> وحركة عبدالواحد التي اسست فصيل المشاهد
> ترفض الحوار
> وفصيل الناطقة يخرج في البيانات التي تؤجج الوضع اكثر
> ومتحرك مولانا ماجد اسماعيل استلم معدات حربية حديثة حسب ما وصلنا من انباء
> فصيل روشا برر قرار منع الصحفيين الغير موالين من حضور مؤتمر الاعداد
> برره بقوله انها ليست بدعة
> وقبل كده فصيل عبدالواحد عملها
> ومن جهة اخرى
> تدخل الأجاويد ودعوا الاطراف لحوار بالمنطقة الوسطى وهي دار النادي
> فصيل عبدالواحد رحب بالفكرة
> اما فصيل روشا فرفض المبدأ تأسيساً على عدة اسباب منها
> ان دار النادي ليست منطقة وسطية ففصيل عبدالواحد له فيها من العيون والاتباع ما يهدد عملية الحوار
> ان احتجاز اتباع عبدالواحد لبص فصيل روشا بالحوش يهدد سلامة وامن وبطارية ولساتك البص
> سيما وهو بص مسلوخ
> حيث سلخت منه صور العقرب ومهند ومعز وعمر بخيت وخليفة
> ان فصيل عبدالواحد لا يعترف بفصيل الناطقة وبالتالي لا يرحب بوجوده في الحوار
> ومعروف ان فصيل روشا وفصيل الناطقة هما في الاساس كانا يكونان معاً حركة كردي كرداوي
> المهم
> فصائل الهلال المتناحرة ألغت الديمقراطية «ان وجدت» في الهلال
> واستعاضت عنها بدكتاتورية للحركات المسلحة بالهلال
> ففصيل عبدالواحد يسيطر على النادي
> وحركة كردي كرداوي بفصيليها فصيل روشا وفصيل الناطقة تسيطر على مقاليد الحكم بالعاصمة
> الجدير بالذكر ان حركة كردي كرداوي نقلت العاصمة الى شقة مؤجرة
> وشعب الهلال يعاني من ويلات المعارك والاعتراك
> اطفال الهلال «مريخاب الغد» في خطر داهم
> وكثير من النسوة فقدن نون النسوة رعباً من الحال في الهلال
> ايها الناس
> شعب الهلال بتفرج
> لكن صدقوني
> اول قون في شباك الكاميروني في الدوري
> سيثور شعب الهلال
> سيأتيكم من غابات المدرجات
> سيقضي على الفصائل وعلى الفصل الفصائل ذاتها
> ويحرق ابو خاشكم كلكم ويحرق البص ذاتو
> أيها الناس
> بعد الحاصل في الهلال ده كلو
> ناس روشا وجعوا راسنا بعدم سفر ابراهومة وشمس الفلاح
> مع العلم بانو الهلال كلو ما سافر لي اسي
> غايتو ناس الامارات في المطار
> لو الهلال سافر
> وقالوا دي بعثة اليوناميد ما تزعلو
> بعد كلو خمسة افارقة حتى يشوفوا ليهم سوداني
> الخوف رابطة الهلال بالامارات ما تعرف اللاعبين
> غايتو الا يسوقوا معاهم للمطار عمك قوقل
> عشان يوريهم ده منو وده منو
> أيها الناس
> بتعرفوا زول في مجلس الهلال غير عماد الطيب والكاردينال؟؟؟
> أين البقية ؟؟؟
> وهل فعلاً معظمهم ينوي الاستقالة خوفاً من غضب الجماهير والاقالة ؟؟؟؟
> وكتب روشا
> الاسياد وعالم النجوم وبس والما عاجبو يمشي يغطي معسكر الارسنال
> الم أقل لكم حركات الهلال المسلحة !!!!!!
> غايتو انا لو محل طه بسخن
> الزول ده بجي قريب رئيساً لفترة انتقالية حتى تعود الحياة للهلال
> فطومة وروشا عازمكم قهوة علي حسابي في نادي الهلال
> متين حددوا انتوا ؟؟؟؟
> المهم
> معسكرنا يسير تمام التمام
> بكل تراحم وانسجام
> وفدان أب سبعين بتاع جمال القطعوا لي بكري
> خدر من جديد لي نزار
> زوغ يا كاردينال
> أب سبعين جيمي ده مية قطعة وبقوم تاني
> العتبة قزاز والسلم نايلو في نايلو
> هكذا يغني اخوتنا المصريين حيث نقيم معسكرنا عندهم
> ايها الناس
> ما خطته زميلة عن شارع النيل مؤلم
> مؤلم لان السواد الاعظم من ستات الشاي أجبرتهن الظروف على السهر حتى الصباح
> سهر مباح
> ليوفرن لقمة عيش كريمة لكيمان من اللحم تخلت عنهم الدولة والدنيا
> ياكلوا على حسابهم
> يقروا على حسابهم
> يتعالجوا على حسابهم
> ويموتوا على حسابهم
> وإطلاق الوصف دون قيود كما فعلت الاستاذة التي نكن لها احتراماتنا
> ما هو الا ظلم لمن طلبن العفة لتوفير القفة
> شخصياً أرتاد شارع النيل
> وبعد قريت المقال مشيت
> طلبت واحد شاي بالنعناع
> ست الشاي قالت لي النعناع كمل
> قلت ليها عندو ليت ولا شنو
> قالت لي شنو ؟؟
> قلت ليها كمل بدري
> قالت لي ايوه
> قلت ليها خلاص اديني شاي بي لبن
> الله يكفينا شر اللبن
> فاحضرت لي شاي بي لبن زي اللبن
> شربت وحاسبتها وقلت ليها
> بارك الله فيك وفي عملك واعانك على رسالتك العظيمة
> عذراً أستاذتي سهير عبدالرحيم
> اعلم ان ادبك وتأدبك يجبرانك على افتراض الجميل في الناس
> ولكن القلم أحياناً يعجز عن التعبير
> أيها الناس
> إن تنصروا الله ينصركم
> اها
> نجي لي شمارات والي الخرتوم
> كان شفت يا والينا
> جدل كبير في تحريم ختان الإناث بالبرلمان
> ونحن ننادي للمرأة بكل حقوق النسوان
> وابسط حقوقها ان تعيش سليمة وفي امان
> ان تعيش كريمة ان كانت ام او زوجة او اخت اخوان
> وطالما نعيد شأننا للدين وما خابت دولة تحكم الشرع والاديان
> يبقى نتخلى عن عاداتنا الفرعونية الزمان
> زيارة بحر شنو وجرتق منو وفرعون الختان
سلك كهربا
ننساك كيف والبرلمان ساوي العوه في ختان النسوان , دي دايرة ليها خلاف كمان موش بتتفقوا سريع لرفع الدعم وتصفقوا كمان !!!اشمعنى وكت بقت على الختان كلو زول داير يعمل مان
والللللللللللللى لقاء
سلللللللللللللللللللك
في السلك – بابكر سلك
صحيفة الإنتباهة
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
في المريخ ننعم بديمقراطية لا يوجد مثيل لها بامريكا ذاتها !!!!! ناخد اول سطر فقط من مقالتك … واحيلك الي بيان المعارضة واضرب لقريش واساله عن ديمقراطية جمال الوالي … انت والعراب بتضحكوا على من ؟؟؟؟؟
والله ياسلك انت ومزمل وواحد ثاني كرهتونا الطورة والاندية بتعصبكم الغميء واساءاتكم وتجريحطك للآخرين اتقوا الله يا ناس