الحبشيات يُدخلن الرعب في نفوس ربات البيوت
هل تتضايق الزوجة السودانية (وتخشى) من (الشغالات) الإثيوبيات والأريتريات ؟؟
ورغم أن أجر (الشغالة) الأثيوبية أو الإريترية أعلى من الآسيوية.. إلا أن المرأة السودانية تحبذ (خدامة) دولتي الجوار.
ميمي (م) وهي ربة منزل.. قالت: أنا أصبحت بخاف على زوجي من (شغالة البيت).. والعاملة في المكتب.. والأدهى (إثيوبية).
وكما أن بعض ربات البيوت لديهن رأي في أمر أن تعمل معها بالمنزل، في وقت اشترطت فيه سمية محمد رابح أن تكون التي تعمل معها (شغالة) ذات خلق ودين، وأن تتأكد من تربيتها.. وأيضاً تشدد بعدم السماح لها… أي الشغالة.. بدخول غرفة النوم. وأن يكون التعامل معها محدوداً بحيث يقتصر على العمل والخدمة فقط.
أما هبة (ع)، فأثارت نقطة خطيرة: بعض الرجال عينم طايرة وأنا الشغالة الجميلة، ما بتدخل بيتي.
الإثيوبية أمينة دافعت عن بنات جنسها: (نحن لم نأت بحثاً عن الحرام.. وإنما نفتش على الحلال.. وما ذنبنا إننا نحن جميلات وسمحات).
الإريترية (لملم) قالت إنها من أسر كريمة، وأضافت: (أهلنا ينتظرون تحويلاتنا كل شهر.. ووصونا بألا نفعل حاجات غلط).
صحيفة الأسطورة
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
ولكم في الخليج عبرة يا أهل السودان
هلا اتعظتن
الكعب أصلو كعب . الناس دي جات من بلادها اما خوف من الحروب او الخدمة الماليها نهاية . جات تبحث عن الامن ولقمة العيش . هل ذنبهم انهم عايزين يعيشو؟
العيب مافي الشغالة العيب في الرجل او الابن او سلوكيات اصحاب المنزل ولو الزوجة اهتمت برونقها وجمالها وخلق جو جميل خالي من النكد مااظن الرجل يهتم بغيرها
والله حقيقة سمحات شديد خاصة الحبشيات ويخوفن بالتاكيد ، فيا مره خليك عينك على راجلك ولازم تكون هناك ثقة .
اثيوبيبا بلد جميلة وكل شىء فيها جميل خاصة الحنس اللطيف والمغالطنى يمشى هناك حيشوف العجب العجاب .
بعدين ما نمشى بعيد عاينو فىالصورة الفوق تجدوا الفرق واضح ولا كلامى ده غلط
غايتو بنت بلدنا نعمل شنو ؟؟؟؟؟؟؟؟؟؟؟؟؟؟
اتقوا الله يا ناس الصحف السودانية .. نحن لسه دولة فقيرة، صحيح الوضع تحسن شوية لكن ما بالصورة اللي تخلينا نفتري على ناس بيبحثوا عن لقمة عيشهم خصوصا لو كان من الجنس الناعم.. تخيل كل واحد ذهبت اخته لدولة أخرى لسد رمقهم (تخيل فقط) لا تكون صحافتكم عن الخدم والأجانب مثل ما يحصل عندنا هنا في دول الخليج، فالله اعطانا نعمة فلا نفتري على الغير حتى يزيدنا منها.. وبكرة سودانا ما عارفين ح يحصل عليه شنو قبل وبعد الانتخابات دعواتكم.
العيب على السودانيات المفلهمات..الواحدة عاوزة تنوم ومادايرة تخدم في بيتها وخايفة من الحبشية كمان؟والله أنا لو لقيت حبشية أدبل بيها طوالي وأنسى أم السودانية ذاتو..فلهمة وشناة كمان؟