كارو يعفص الإعلامي عبدالمطلب الفحل…وينجو من الموت بأعجوبة
نجا الإعلامي د.عبدالمطلب الفحل من الموت دهساً تحت عجلات عربة كارو (عفصته) بكامل حملها ما أسفر عن إصابته بجروح بالغة في كلتا قدميه في حى شمبات. وتعود الحادثة بحسب الإعلامي عبدالمطلب الفحل الذى روى تفاصيلها لـ(صحيفة فنون) أنه عندما أراد قطع الشارع الأسفلت بحي شمبات ظهرت امامه فجأة عربة كارو وهي تسرع بسرعة شديدة فإصطدمت به بقوة ورمته أرضاً ودهست العربة قدميه اللتين أنحشرتا أسفل إطاراتها التي وطأته بكامل حملها، ماأسفرت عن إصابته بجروح وكدمات بالغة في كلتا رجليه، وقال انه تم نقله الي المستشفي لتلقي العلاجات وهو لايكاد يصدق نجاته من الموت تحت لساتك الكارو. وكشف الفحل عن حادثة مماثلة تعرض لها الاسبوع الماضي عندما يتأهب للذهاب الي الاذاعة القومية لمزوالة عمله اليمنى، واصطدم بص سياحي بحافلة الترحيل التي كانت تقله عندئذ، ماجعله يتدحرج داخلها ويصاب بعدة كدمات وشروخ في أنحاء متفرقة من جسده. وطمأن الاعلامي المعروف الجميع بتماثله للشفاء الا أن قدميه المصابتين لا تزالان تعانين من الجروح التي نجمت عن عفص عجلات الكارو لرجليه.
صحيفة فنون
دا كارو دفع رباعي بدون فرامل ……. وبعدين الحمار ما كان يهنق لو ما عندو بوري
يا جماعة سرعة شديدة في كارو …. دا اكيد كارو تجميع وتصنيع جيــــــاد ….. أقصد (حصين)
ههههههههههههههههههههههههههههههههههه :lool: :lool: :lool:
ههههههههههههههههههههههههههههههههههه
والله اصلو ما كان كارو دا ويا دكتورنا لو متا بالكارو دا كان تبقي فضيحتك فضيحة
( ) 😀 ( ) 😀
وعموما كدا الف سلامة عليك وما تشوف شر ان شاء الله
ولا يهمك يا فحل اذا احب الله عبدا ابتلاه
حسناتك يوقنك يادكتور عبدالمنطلب الفحل يا زول يا رائع يا اصيل ود بلد في كل شيء انت سوداني مطبوع مثقف نير بسيط ثاقب الفكر جميل النفس وربنا قدر لكن لطف اللطيف الرحيم القدر ودا شيء مكتوب وزكاة جسم وان شاء الله تقوم بالسلامه يا دكتورنا وراجين منك الكثير فعجل بالقيام من السرير وهب هادي قومه وبا الاذاعه جاك زول هب.
ياراجل ………….غايتو الف حمدا على السلامه نحن الكارو دى عفصتنا عشرات المرات مافى زول اخد نمرتها ..ههههههههههههههه…عشنا وشفنا ياحليلك يابله كارو….قال فحل
دكتور وفي زمن المؤتمرجية وما عندو عربية و الله ده ليه كلام تاني
اذا كان الصحفي من المعارضه ((فهو حادث مدبر)) لقد عدد لنا عدد من المعارضين اللذين تاتيهم سيارات من الخلف ووجها لوجه وتاخذ ارواحهم اما اذا كنت من بتوع الحزب الحاكم (( ناس عبد السميع اللميع)) عفارم عليه حمارا اخدر او حصانا اجرب اخذ حقو وحق الغلابه منكم .
الف حمدالله ع سلامتك يا دكتورنا .. وسلامتك والالم بزول الف كفارة ليك يا دكتور
يا ود العمدة فعلا في ناس مجردة من الإحساس ……….. تحياتي
أل حمدا للسلامة يا ود الفحل
سلامة ليك يادكتور ياعظيم :
انت السودان كولو فداك
وانت النيل الطمح لاعداك
انت الجنة أزلفت بحداك
وحب الناس ليك برضو بفداك ….
الله لاحرمنا منك أن شاءالله …
عربه كارو وفي شمبات ماهي سرعه الكارو عندما اصطدمت بالدكتور وما هونوع الحيوان الذي يجرها حماراسود ام بغل ذوشعر اشقر وهل تم رسم الحادث المشئوم وماهي جنسية السائق حبشي ام بنغالي حاقد ام سوداني من ام ضريوة وكم عدد عجلات العربة التي عفصت الصحفي وماذا كان يرتدي سائق هذة الجرة عمة صوف ام شال مرقع ام صديرية لها جيوب مثل جيو ب الكمساري وماذا كانت تحمل هذة الكامري بصل ام جوالات زبالة ام صفائح فارغة يكسوها الزيت القديم وماهي نمرة الشاسي خليحية ام افراج ام سودانية ترخيص جبرة اسئلة تحتاج لجواب شامل ليس لشرطة الصافية ولكن من المصاب /سلامة برضو لكن غلطان الحصان ما فطروا بدرى:lool: :lool: :lool: :lool: :lool: