كوش نيوز .. أخبار السودان بين يديك

فنان شاب يدعي تهديده بالتصفية الجسدية بسبب محمود عبدالعزيز



شارك الموضوع :

قال المغني الشاب صلاح ولي بأنه ظل يتلقى تهديدات متوالية وبصورة مستمرة منذ أن القت الشرطة القبض على الفنان الشاب محمود عبدالعزيز بحسب الاجراءات القانونية التي اتخذها الفنان صلاح ولي متهماً إياه بالاعتداء عليه ضربا مبرحا بالكفوف والشلاليت داخل غرفته بمنزله بمدينة المزاد بحري، وقال صلاح ولي كلفت مستشاري القانوني برفع عريضة دعوى جنائية تختص بالتهديدات المتواصلة التي وصلت في مجملها إلى عدد من المكالمات الهاتفية التي تطالبني بتحديد موقعي إن كنت راجلاً لأنك باي حال من الاحوال تود الاشتهار على حساب محمود عبدالعزيز وهذا ما لا يمكن أن ندعه يحدث.
وتابع صلاح ولي قائلا أنه ليس خائفا من هذه التهديدات التي وصلت إلى درجة التصفية الجسدية ما دعا والدتي أن تقلق علي للدرجة التي أصرت فيها أن أغادر الخرطوم للدويم مسقط راسي. واستدرك قائلا أنه سيتابع البلاغ الذي فتحه في محمود تحت المادتين 142 ، 182، من القانون الجنائي مؤكدا أنه يرفض كل الوساطات ما لم يأت محمود لمكاتب صحيفة فنون ويتم الصلح من خلالها وهذا ما ابلغ به الفنان كمال ترباس الذي يقود مبادرة لرأب الصدع بين الطرفين.

شارك الموضوع :

8 التعليقات

إنتقل إلى نموذج التعليقات

      1. 1

        معقولة بس فنان بقامة محمود عبدالعزيز يعمل كدة انا متاكدة انو اتهام باطل…:mad: 😡

        الرد
      2. 2

        هو عليك الله زي محمود عبد العزيز ده فيهو حيل عشان يديو ليهو كف وشلوت،،ياخي انا لو مسكتي في رقبتو دي بقلما ليهو كش ،،وان كيف يخلي واحد ميتان زي ده يديك كفوف وشلاليت،،،،ودنيا الغرائب

        الرد
      3. 3

        محمود معروف لدي كافة الشعب بتاع

        الرد
      4. 4

        بالله عليك هسي محمود عبد العزيز يقدر يمد ايده على بت ؟؟ والله والله اي واحدة تلفحه بنية تقسمه اتنين دا شنو دا ؟؟ محمدو قال ..هههه

        الرد
      5. 5

        السبب شنو البخلي زول يضربك بالكفوف والشلاليت
        انت يديك وين لو عشان في بيتن

        ياخواف الخواف الخواف اهو

        الرد
      6. 6

        ياخي انتا زول خواف اول شي محمود ده تأكل في ايدو وانتا ود بتين عشان محمود اعرفك زاتو قال كفوف قال ياخي ماتخجل علي كلمتك دي

        الله الوطن الهلال الحوت

        الرد
      7. 7

        انت فنان ومحمود فنان يعني أولاد شغلانة واحدة ما احسن تحلوا مشاكلكم بالهداوة والروقة واذا ما قادرين تحلوها وسطوا العمالقة وحلالين المشاكل زى كمال ترباس و أبو عركي وحمد الريح

        الرد
      8. 8

        ياخي الله ينعلك انته ومحود علي العموم محمود اكيد كان سكرا ن او محشش

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *

    This site uses Akismet to reduce spam. Learn how your comment data is processed.

    سودافاكس