كوش نيوز .. أخبار السودان بين يديك

مطبات المرور أفضل منها السوق بالليل ..!


شارك الموضوع :
خبيرة التجميل ومقدمة برنامج (لمسة ولمسة) بقناة النيل الأزرق الأستاذة (نهلة فضل) تحكي واحداً من مطبات حياتها قائلة : (مرة خلصت البرنامج وأنا طالعة من التلفزيون ماشة على البيت.. دخلت بشارع غلط وفي اللحظة ديك جاء رجل مرور راكب موتر ماشي خلف سيارتي مباشرة وانا شفتو بالمراية وكان معاي ولدي (أحمد) قال لي : والليلة يا ماما رخصتك ما شايلاها معاك.. وانا دايرة أطلع من هذا المطب أشرت لرجل المرور بي يدي على اساس اني (انا البوقف فيهو وكدا).. أول ما وصل قال لي : (رخصتك) فقلت لي بسرعة جدا: انا الوقفتك ما انت الوقفتني وعايزة أسالك سؤال.. قال لي : اتفضلي.. فما في سؤال خطر على بالي غير (السوق بي وين لو سمحت)؟.. انا ساكنة الخرطوم(الرياض) والساعة كانت الحادية عشرة ليلا فقال لي: (اتفضلي انا ح أمشي قدامك وأنت امشي ورأي بوصلك السوق).. وفعلا ما لقيت أي طريقة (أزوغ) لأجد نفسي في نص سوق امدرمان الساعة الحادية عشر والربع ليلا ومافي أي (دكان فاتح) فما كان من رجل المرور إلا ان ضحك وقال لي: (المرة الجاية بدري شوية)..!

صحيفة حكايات

شارك الموضوع :

أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

This site uses Akismet to reduce spam. Learn how your comment data is processed.

سودافاكس