الشاعر والملحن والموسيقي الأستاذ الفنان الشافعي شيخ إدريس ومعه أصدقاؤه وهم ماشين يشيلوا الفاتحة مع صديقهم الفنان الشاب الذي توفي شقيقه ، قابلهم مطب جعل الفنان يضحك في عزاء شقيقه ويحكي الشافعي : ذهبنا لوفاة شقيق صديقنا فنان شاب مشهور واتفقنا أنو انسب حاجة نشيل شوال سكر وفعلاً مشينا اشترينا شوال السكر وكانت دى أخر قروش معانا وتوجهنا إلى بيت العزاء وصلنا ونزلنا شوال السكر والجماعة شالوا الشوال دخلوهو وجابوا لينا الفطور والشاي ونحن حتى هذه اللحظة ما شايفين زميلنا الفنان عشان نشيل معاهو الفاتحة قعدنا مسافة وسألنا عن زميلنا الفنان الجماعة قالو لينا : ايواااااااااااااااا انتو قاصدين الفنان فلا ن ديل فارشين في الشارع التاني مننا ، وأصروا علينا انو يرجعوا شوال السكر ونحا كنا أكثر إصراراً بعدم ردو ، طلعنا منهم ومتنا بالضحك بعد مشينا لزميلنا وشلنا معاه الفاتحة وحكينا ليهو هذا الموقف انطلقت منو ضحكة أذهلت جميع الموجودين في بيت العزاء، وكان جد مطب بي فطورو وشاييهو..!!
