المذيع مجدي صلاح الدين يحكى في (في بدايات عملي في الإذاعة الرياضية ..مرة في يوم ما كان عندي شغل في الإذاعة وجيت سوق سعد قشرة اشترى بعض الحاجات .. لقيت نفسي قريب للإذاعة قلت ادخل اسلم علي الشباب.. كانوا موجود في الاستديو زميلنا باش مهندس معاذ في التنفيذ والمذيع نزل مادة مسجلة وطلع من الاستديو يشرب موية ويصلي وأتأخر .. الحصل أنو المادة المسجلة خلصت وبقت شغالة موسيقي الربط والزميل معاذ أول ما شافنى أشر لي ادخل الاستديو لأنو الموسيقي طولت شديد وفعلاً رغم أنى ما عندي خلفية عن البرنامج الكان شغال والمذيع كان بتكلم عن شنو دخلت الاستديو وبديت أتكلم واشتغلت شغل منوعات تتناسب مع المسائي الكنا فيهو .. طوالى باش مهندس معاذ قال لى (في أغنية بعد أديك إشارة) وكتب الكلام في ورقة صغيرة والخط ما واضح عاينت للورقة وهزيت راسي بمعنى أنى فهمت قصدو وقلت : أعزائي المستمعين نستمع الآن إلى أغنية (بعد أديك إشارة) ونعود ونتواصل..!
