يحكي عبد السلام جلود الممثل الكوميدي ما حدث له في أمريكا: قبل فترة ومع الأستاذ علي مهدي وأسرة مسرح البقعة المتحرك مشينا أمريكا لتقديم عدد من العروض المسرحية في أماكن مختلفة.. ونحن في فرجينيا وقعت وكسرت يدي والجماعة واصلوا مشوا نيويورك وخلوني قاعد يدي مكسورة وانجليزيي تعبان وجهجهة شديدة أمشي الدكتور، الدكتور بتكلم انجليزي بعد تلتلة واستعانة بالإشارات مقابلة الدكتور تنتهي على خير واعبر هذا المطب .أمشي السوق وأنا عشان أجيب الحاجة العايزها بعدي على عشرة مطبات (أقوم واقع ورا كلمة واحدة) وشان اطلب حاجة اكلأ دا موضوع تأني … الحصل انأ ماشي لي واحد صحبي وقال لي تركب والمحطة البتنزل فيها اسمها بروكلين واتحركنا وأنا ما فاهم أي حاجة وماشين تحت الأرض (الأنفاق) وصلنا محطة اسمها منهاتن ودي آخر محطة سالت البت : دى بروكلين؟ تقول لي : no its last station لا هذه أخر محطة وتأنى أسالها دى بروكلين تقول لي : لا دى أخر محطة بعد مجهود قدرت اركب وارجع وألم في صحبي اللذيذة صاحبي دا هندي ومعاهو آمو وقلت خلاص مادام لميت فيهو تأني أتصرف هو فاتفاجأت انو بحاول يخليني قدام وبتراجع للخلف ليكتشف انو زيي واحد في ما يتعلق بالانجليزي وامو طلبت منى اساعدو فودت نفسي في مطب جديد….
