عروس تهرب من الفندق فى اليوم الأول

والله العظيم مراة بت رجال تمام تسلمى ويسلم والداك الربوك .. اذا لم يتب هذا الزوج ندعوا لك بغيرة يحفظك ويصونك ..

[SIZE=3]عفيت منك… بس المفروض قبل الزواج أهلك يسألوا عن الزوج وأهلوا ويعرفوا الحاجات دي مش بعد الفأس ماتقع في الرأس زي مابقولوا……لكن برضو بعد ده مافات شي ممكن تحاولي تستريهوا وتقيفي معاهوا حتى يتوب عن معاقرة الخمر ..حتى لو تكتبوا الكلام ده كشرط لأستمرار الزواج ..يمكن ربنا يجعل توبته على يديك وتكوني كسبتي الثواب من الله وكسبتي زوجا صالحا.. وأيه فايدة الزواج إذا ما حاول كل واحد متزوج مع التاني عشان يصلحوا العادات السيئه التي في كل واحد فيهم..بالرغم من إنو الخمر من الكبائر لكن برضو أنا مع الرأي الذي يقول أعطوا الزوج فرصه عسى ولعل يتوب على يد هذه الزوجه الكريمه (ولا أريد أن أكون مثاليا) وزي ما بقولوا الأيدو في المويه مش زي الأيدو في النار لذلك تجدني أيضا أعزر هذه الزوجه فيما ذهبت إليه وخاصة إنها الصدمه من أول يوم زواج.
نسأل الله أن يتوب على الزوج ويعافيه من شرب الخمر ويرزقكما حياة زوجيه سعيده ويرزق كل المتزوجين المسلمين السعاده والذريه الصالحه والغير متزوجين يرزقهم زواجا سعيدا ومباركا.[/SIZE]

يا نجم الدين ما وريتنا العرس دا حصل فى رمضان ولا قبل رمضان بس كتبت الخبر هسع لانو لو كان الخبر فى رمضان حصل يبقى دا اغرب عرس لانو مافى سودانى بيعمل عرسو فى رمضان تقديسا لحرمة هذا الشهر ولو حصل يكون مسيحى ولا حاجة انشاء يطلع مسيحى والشىء التانى عاوز اقول للبت دى عافى منك وربنا يوفقك وما تخافى ما تقولى عقد عليك والعصمة فى ايدو اخلعيهو طوالى بس جيب شهودك واتوكلى على الله