[SIZE=5][JUSTIFY]اشترى مواطن يعمل بأحد الفنادق الكبيرة كمية من الخبز لتقديمها في وجبات لنزلاء الفندق و عثر بداخل احدى قطع الخبز على (موس حلاقة) كاملة فأسرع الى نيابة حماية المستهلك و ابلغ بالحادثة ، و من جهتها فتحت النيابة تحقيقاً في الحال و قيد البلاغ ضد صاحب البقالة التي تم الشراء منها بوسط الخرطوم .[/JUSTIFY][/SIZE]
صحيفة الدار
[SIZE=3]ياأخوانا باركوها موس حلاقه دي شيء عادي جدا وحصلت كتير بقول للمواطن ده ولنزلاء الفندق (أصغر منك دوسو) دي كلمه كنا بتقولا لبعض في المدرسه زمان لو صادفتنا حشره صغيره أوذبابه في الأكل أو الشرب والحمدلله ماكان بيصيبنا شيء ليت ذاك الزمان يعود…لكن هسع شايف الحكايه إتطورت وبقت فيها أمواس حلاقه (ياجماعه يمكن دي نظام تشتري الحاجه وتلقى جواها هديه) ذي قصة شاي ودهب دهب دهب بتاعت جمال حسن سعيد….لكن الجماعه قالوا النيابه فتحت البلاغ في صاحب البقاله .. دي نفس قصة حكم قارقوش السمعنا بيها(الذي حكم على سيد الزلابيه بالقتل لأنو كان بجي ماري بالشارع ويكورك زلابيه زلابيه وكان في واحد بيبني في حيطه بحب الزلابيه كل يوم بشتري منو ولما بنا الحيطه بناها أي كلام والحيطه وقعت في واحد وقلته ولما القاضي (والذي كان إسمه قارقوش) سأل البناي رد على القاضي بإنو بتاع الزلابيه كان بجي ماري كل يوم وبيكورك زلابيه وإنو البناي بحب الزلابيه شديد فكان صوت بتاع الزلابيه بيلخمو عشان كده بنا الحيطه بنيان ضعيف..أمر القاصي بإحضار بتاع الزلابيه وحكم عليهو بالإعدام… المفروض يفتحوا البلاغ في صاحب الفرن ..إلا إذا كان زي هنا في البلد دي بقينا عندنا بقالات وفيها فرن داخل البقاله كده معليش…ولكم التحيه أخوتي وعذرا لو حاولنا نخفف دمنا شويه.[/SIZE]
تطور ملحوظ فى فن التسوق للسودانين فى الدول الاخره تشترى علبة الحليب تجد لعبة اطفال.
مفروض صاحب هذه الفكرة يده وسام الانقاذ من الدرجة الاولى
وتعمم الفكرة لتكون فى كل خبزه موس
لتكفى جميع الانقاذين اصحاب الدقون
طوالي تشيلها وتمشي تطهر بيها بتاع الفرن