[SIZE=5][JUSTIFY]تبدأ محكمة جنايات الخرطوم شمال اليوم محاكمة أربعة شبان وجهت إليهم اتهامات بالإزعاج العام و الإخلال بالسلامة و الطمأنينة أثناء مرور موكب رئيس الجمهورية و كان طاقم التأمين المرافق لفخامة الرئيس أثناء عودته من أداء فريضة الجمعة قد أوقف المتهمين و هم طلاب كانوا عائدين من احدى مباريات كرة القدم مروا أمام الموكب و لم يسمعوا توجيهات طاقم الحراسة و تم تدوين بلاغات في مواجهتهم بالإزعاج العام و الإخلال بالسلامة و الطمأنينة و قال المتهمون خلال التحقيق معهم أنهم لم يكونوا على علم بان الموكب لرئيس الجمهورية كما أنهم لم يسمعوا توجيهات حراسه و عزوا الأمر الى ان سيره كان عادياً بالشارع .[/JUSTIFY][/SIZE]
صحيفة الأهرام اليوم
[SIZE=3]والله المفروض الرئيس يتدخل ويتم العفو عنهم إذا هم ما قاصدين حاجة والرئيس قلبه واسع[/SIZE]
والله انا شايف مافي اي شئ يخليهم يحولو الشباب للمحاكمة ؟؟؟ الموكب مر عادي تاني شنو المشكلة ؟؟؟ وبعدين الرئيس ده ما قال هو عادي زي اهل السودان الغبش ؟؟؟ طيب الحصل شنو يعني ما شافو عمربن الخطاب رضي الله عنه كان بنوم تحت الشجر ؟؟؟ تشبهو بهم يا ناس الانقاذ اللي قلتو مسلمين
Download: eType1.com/f.php?FfdekC
دي آخر تقليعاتكم يا ناس المؤتمر الوطني .
الامر عادى جدا الرئيس يمر و الناس تمر و لا خلاص الشارع اصبح حكرا على الرئيس الم يكتفى بما يمتلكه من اراضى سكنيه و زراعيه و حى كامل باسم قريته و فى موقع استرتيجى و غيرها من الاملاك غير المعلن عنها ؟
يا خسارة يا سودانا اصبحنا فيه اغراب و نحاسب و نحاكم و لو مررنا بالشارع العام و الذى يجمع الكل .
ليمنح الرئيس شارع من الخرطوم الى كافورى و من كافورى الى ودبانقا و من القصر الى صراصر و من القيادة العامة الى المناقل .
لكى لا يكون هناك ازعاج و اخلال بالامـن ..
عجبى يا بلــد .
[SIZE=3]في إعتقادي إنو الريس عمر البشير سوف يتدخل لمصلحة الشباب ديل لأنو فعلا هو رجل متواضع جدا…أذكر إنو في أحدي إجازاتي بالسودان كانت هنالك مناسبة زواج لأحدي قريبات نسابتي (أهل زوجتي) الجعليه وجاء البشير في المسجد الذي في الحي وشهد مراسم العقد وكانت الحفله في نادي في الخرطوم وسمعنا إنو برضو جاي الحفله …لم أصدق في بادي الأمر ولكنه فعلا جاء بالجلابيه والعمامه والعصايه وكان يعرض ويرقص ويبشر للفنان (صفوت الجيلي) مع الناس يعني جوه الداره والله مابتعرف إنو ده البشير إلا يقولوا ليك ده البشير وبين كل أغنيه وأخرى كان يستريح في نفس الكراسي مع الجمهور وكان بعض النساء من كبار السن يسلمون عليه بقولة: (كيفك ياعمر ياولدي) وكان يسلم عليهم بكل حب وتواضع ويقف على حيلو للسلام عليهم…فقلت في نفسي لازم أسلم عليهو ..وفعلا قمت من مكاني وتوجهت إليه في التربيزه التي بعدي مباشرة وسلمت عليه في يده وكان مبتسما وهاشا باشابالرغم من إني فجأة لقيت بعض الناس قاموا من الكراسي الحولينوا وهم ينظرون إليا شذرا وكانوا بتشابهوا فعرفت على طول إنو ديل ناس(الهوا) ذاتو..المهم سلمتا ورجعتا في الكرسي الكنت جالس فيهو .. وقبل نهاية الحفله بلحظات خرجت وكان الريس لسه في نص الناس يعرض ويرقص بمزاااااااج.
[/SIZE]
[frame=”6 80″]
[B][FONT=Simplified Arabic]الخبر بصيغتو دي عبارة عن موضوع عادي جدا ولا منطق وراء المساءلة، لأنو الريس ده كثير جدا شارك المواطنين في أفراحهم وأتراحهم وكان وسطهم. اللهم إلا إذا الشباب ديل كان عملوا حركات إستعراضية قدام الموكب يبقى هنا في قول تاني. [/FONT][/B][/frame]
ما قلتوا لينا (الازعاج العام ) دة تحت المادة كم ؟! ولا شرعتوهوا فى نفس اللحظة!!
فلاحتكم مع الناس البسطاء وينو الرئيس ده الخائف من الغرب وقسم السودان وينكم من الحلو وعقار والدخلو امدرمان ومسكوهم الرجال وحكمتو عليهم بالاعدام وسيدكم بوش طلب اطلاق صراحهم وفكيتوهم وكنتو بتعكسو الطرق وحراسات كانهم سيارات ذاهبه لحرب واخر النهاية اطلاق سراحهم تتمسكو بتواف الامور .
[SIZE=6]لا حول لله ولله الكلام ده في اسرائيل مابحصل ياخي سيدنا عمر بن الخطاب ماعمل لنفسو ربع العظمه العاملينها للبشير ده ياخي بلا موكب بلا بطيخ[/SIZE]
الريس واحد من الشعب ، وأنتو يا الحرس الخاص تتشطروا علي الشعب ، أسألوا الريس لما كان في شبابه ما كان شقي ، ويكفي حديث والدتة الكريمة في مقابلتهاوأيام رمضان قبل الفات التلفزيونية وهي بتحكي عن ولدها عمر البشير وشبابه ، البشير رشحه الشباب القبض عليهم يعني لو لاهم ما كنتم بقيتوا حرس الرئيس ، خلوهم في حالهم وما تخليهم يحملوا غليلهم ويفتكروكم بالخير ، وطبعا ده ما حيحصل……………