منوعات
يا أخوانا إن كان لابد من فرتيق مظاهراتنا .. بـ(الموية) فلتفرتقونا!
وبما انني شخصيا لم اشاهد او اسمع بحاجة زي دي لذا وعلى ضوء حقيقة اننا كـ(سودانيين) شدة ما نقصنا احترابا وانفصالا وهجرة وموتا عبثيا لمن قرّبنا ننقرض هذه الانقراضة التي تقف الحقائق الواردة بعمودي انتباهة قلم والذي بعنوان: (انقرضنا!!) عليها شاهدا. لذا وعلى ضوء هذه الحقيقة هانذا اتوجه للـ(السودانيين) القائمين على امر شرطة مكافحة الشغب بالاقتراح التالي قائلة: (يا اخوانا نحنا بقينا شوية لذا فـان كان لابد من فرتيق مظاهراتنا .. بـ(الموية) فلتفرتقونا!)
وبما ان الدين النصيحة فانني لوجه الله تعالى اتوجه بالنصيحة التالية للقائمين على امر شرطة مكافحة الشغب بان يسارعوا بتزويد وحداتهم بعربات اطفاء ومن ثم توطين نفوس وتدريب افراده منو وجاي على فض وتفريق المظاهرات السلمية بـ الموية.. المندفعة من خراطيم عربات الاطفاء.. اللي لا بتتسبب في مقتل المواطن المتظاهر تظاهرا مشروعا وسلميا اكان في اطار مطالبته لديكتاتور شرق اوسطي كرهو الشرق الاوسط وما جاوره بالرحيل، كما ان الموية.. المندفعة من خراطيم عربات الاطفاء.. لا بتتسبب في مقتل ذاك المواطن الذي سيثور غاضبا بوجه رؤية عن?رية وسياسات إقصائية قادت الوطن لما هو فيه من انفصال وتشرذم ووضع اقتصادي القاصي والداني بات يعلم حقيقته.
وحيث ان الموية المندفعة من خراطيم عربات الاطفاء لن تتسبب يوما في مقتل او شج راس اوكسر اطراف واراقة دماء متظاهر مطالب بحقوقه اكان في كجبار والا بورتسودان والا في سوق مواسير الفاشر والا في المناصير ولا اكان امام مستشفى الخرطوم بتتسبب في شج راس وكسر اطراف واراقة دماء مواطن طبيب دكتور! فيا (السودانيين) القائمين على امر شرطة مكافحة الشغب ما احسن تاخدوا بنصيحتي القائلة لكم فيها: يا اخوانا نحنا بقينا شوية لذا فـ(ان كان لابد من فرتيق مظاهراتنا .. بـ(الموية) فلتفرتقونا!)
* عمودي انتباهة قلم الذي بعنوان: (انقرضنا!!) تم نشره بصحيفة الصحافة يوم الاربعاء 26 محرم 1433هـ الموافق 21 ديسمبر 2011م العدد (6607). [/SIZE][/JUSTIFY]
الصحافة – رندا عطية
موضوع ضعيف وركيك جدا معقولة رندا دي صحفية ؟ مع إنو المعنى عميق بس تكرار الكلام في كل مرة بطريقة مختلفة أضعف الموضوع
[SIZE=5]فكرة غبية هسي اخير ارجع البيت وعيوني محمرة من البمبان ولا ارجع البيت وانا مبلبل بالموية زي البايل[/SIZE]
[SIZE=4]ما عارف القال ليها أبقي صحفية منو ؟[/SIZE]
الحديد يستخدم لقطع الكثير من المعادن الأخرى!
و الماس يستخدم لقطع الحديد!
عارفة يا بنيتي الماس بقطعوهو بشنو؟
بقطعو بالماء المضغوط لو تصدقي.
ولا قلتي لي شنو؟
هم السودانيين البنبان مانفع فيهم الموية تسوى شنو ؟
بعدين مع المظاهرات الكتيرة دى الموية الباقية فى النيل مابتكفى أوع تققولوا لى يستوردوها الجماعة ماخلو دولار حايم فى السوق إلا يجيبوا دولارات قطبى المهدى من المحكمة .
إلا أن فى الفكرة مشروع عظيم ، الواحد لما يدور يستحم وطبعا الموية دايماً قاطعة يشيل معاهو صابونته وفرشة المعجون ويدخل فى مظاهرة .