المغترب .. هل أفل نجمه .. أم لا يزال فارسًا للأحلام؟

وقت الحارة و البلد كانت فى ضيق مافى شريحة وقفت فى الصف الأول غير المغتربين دعم مادى و عينى للدولة و للأهل و يصل حتى المنطقة كلها
شباب ضيع عمره فى صفوف الدفع من رسوم و ضرائب و دعم بشتى الوانه و دمغات بشتى اشكالها و فى نهاية الأيصال أخرى .. الكل تنكر لهم و ليس الفتيات فقط كما ذكر حتى الدولة و ضعتهم على الصامت عندما اناخ البترول راحلته لبضع سنوات و الأن ارتحل فماذا هم فاعلون بعد ان اصبح الأغتراب بالكاد يكفى الأسرة الصغيرة من ناحية الدخل .. عندما اصبح الدولار سعره مرتفع ارتفع معه صوت جهاز المغتربين بقيادة الكرار و لكن ليس للسماح للمغتربين بأدخال اغراضهم الشخصية و لا حتى الحلم البعيد سيارة ولكن لأجبارهم على دفع الزكاة والتى هم فى أمس الحاجة لها أكثر من الحكومة.. فكفى تهميش و شماتة على المغتربين الذين لولاهم فى السنوات العجاف لما استطاع الصمود و الوقوف مرة أخرى ..و من يتبجحون الأن من بالداخل فيكفى المغترب فخرا و عزة أنه لم يساهم فى سرقة و نهب المواطن المسكين و لكن عاش و جاهد فى اقسى نضال يمر على حياة الأنسان و هى الغربة الموحشة …
عندما ساءت احوال المغترب كما تقولون ماذا حل ببنات السودان .. عنوسة لا تخفى على أحد و المخفى اعظم .. و كانوا المغتربين ساترنكم بخيركم و شركم
لأنه يبحث عن الحلال و أسرة للمستقبل ..والأن اذا فضلتم من بالداخل عليهم فخموا و صروا و نتمنى ان يكونوا على قدر المسئولية بعد ان اصبحوا فى قمة الحرفنه فى تقطيع النجيلة…
تخريمة …. اتعجبت كثيرا عند زيارتى لموطنى البورت أخيرا فهنالك حديقة حبيبى مفلس و أخرى حبيبى سكران .. وتذكرت الزمن الجميل وكانت لنا فقط حديقة عبود و حديقة البلدية…
[COLOR=#1200FF]نفاج أخير[/COLOR] …(اما الاستاذة سلمى احمد فلها رأي آخر حيث تقول ان الاغتراب في الآونة الاخيرة شبه انتهى لان المغترب ما عاد له [COLOR=#FF006C]وزن في المجتمع كما في السابق[/COLOR] ولكنه اصبح شكلاً من اشكال النزهة او التجوال حول العالم.. )
اللهم لا اعتراض فى حكمك
دى أخرتها استاذتنا سلمى …

نزهة شنو يا أختى ؟؟؟ الكفيل ده براهو يعادل عرمان و باقان وديل مسلطين على 40 مليون سودانى لكن الكفيل ده مسلط عليك برااااااك
و على كده احسبى نزهتك دى .

ههههههههههه يا حليلنا بقينا اي كلام ! والله البنات ديل بياعات جنس بيع
عادي الواحده تبيع الاقل للافضل ,, ودي قصه حصلت حقيقه فعلا في اتنين كانوا على علاقه حب قويه لدرجه وصلت للخطوبه الرسميه بينهم والخاطب دا مغترب في احدى دول الخليج شغال يشيل ويرسل لخطيبته وتلفونات وحنك وكدا ايه رأيكم بعد دا كلووو البت لقت ليها زول في السودان جابت استيكه مسحت خطيبها بالاستيكه وسجلت الزول التاني في درج من ادراج قلبها وتم العرس بينهم !!! اها وتاني الموقف دا حصل لي انا شخصيا قبل كم سنه مشيت اجازة السودان ومشيت احدى الجاماعات لواحد بعرفو لقيتوا واقف مع بنات قال لي اوعك تقول للبنات ديل انت مغترب وبقى يضحك وانا مسكتني الحيره .. المهم الحمدلله هي لحظات وعدت حاليا انا متزوج والحمدلله لقيت الانسانه الكنت فعلا اتمناها

عمليا لقد ساعد الاغتراب في تقليل حدة الفقر الموجودة في السودان و المغترب يعرف حقيقته من هم قائمون على الامر واحكي لكم قصة قصيرة ان هناك طبيب عمل يعمل في وزارة الصحة السعودية ذكر لي ان عند انقضاء سنته الاولى في الاغتراب جمع المال الذي وفره فوجد ان المال الذي تحصل عليه يساوي خدمته عشرون عاما كطبيب عام في السودان .
حقيقة انا اسكن في قرية صعيرة في السودان هذه القرية تعيش في رفاهية بسبب ابنائها المغتربين وعندي اختي خريجة مختبرات اتعينت في وزارة الصحة قبل شهر راتبها 600 جنيه علما انا عامل النظافة في السعودية دخله الشهري يوصل الى 3000 جنيه وراعي الاغنام يصل الى 2000 جنيه . اما فكرة عدم الارتباط بالمغترب عشان بقى دخله غير مجدي فنحن زاتو بطلنا عرس السودان وعرسنا قبلنا في الغربة وشوفي ليك حرامي يتزوجك و يركبك عربية ويسكنك شقة فارهة والجسد النابت بالحرام النار اولى به

الحمد لله بقي ليس لدينا ثقل في المجتمع. وزننا بقي خفيف في وزن الريشه يعني الواحد ممنا كان جاء اجازه وعايز يرجع يقف في عصار يرجعك محل شغلك من غير تزكره وضرائب ورسوم خدمات والدمغات المنتهيه الصلاحيه ور سوم دعم محليه ودعم
هو كان المغترب مجرم والا مسخ من البشر غير اراده الله ودتهو في بلد عشان عنده رزق مقسوم لهو هناك. والله المغتربين عباره عن رئه سخرها الله لاقاربهم عشان يتنفسو بها شويه اوكسجين من زمهرير الاسعار المرتفع. انا اعلم معظم المغتربين ياكلو وجبتتن في اليوم وعدس عشان الاسعار في السودان ارتفعت وعشان يوفروا لاهلهم شئ من المال ما يغنيهم سؤال الناس. دا من غير انو هنالك اناس سخرهم الله لقضاء حوائج الناس المستعجله فلان عندو عمليه فلان عايز يتزوج فلان مطلوب قروش.
الحمد لله علي الائه التي لا تحصي ولا تعد اللهم نحمدك حمدا عدد ما كان ونحمدك حمدا عدد ما يكون ونحمدك حمدا عدد ما وسعه علمك في كتابك المكنون. اللهم نحمدك حمدا يوافي النعم نحمدك اللهم حمدا حتي ترضي ونحمدك اللهم حمدا بعد الرضا نحمدك اللهم ملئ السموات والارض وملئ ما بينهما. ونحمدك اللهم حمدا كما ينبقي لجلال وجهك وعظيم سلطانك.اللهم ازهب عنا المحن والفتن ما ظهر منها وما بطن اللهم ارفع عنا الغلاء والرباء وافقر والجوع والمرض اللهم امنا في اوطاننا اللهم ولي علينا خيارنا ولا تولي علينا من لا يخافك ولا يرحمنا اللهم اجمع كلمتنا في السودان اللهم اقف الحرب وانبت الزع واملا الضرع اللهم صفي نفوسنا واجمع كلمتنا وانصرنا علي من عدانا ان كان الحق معانا وان لم يكن معنا فاكفينا شرهم واهدينا اي ما تحب وترضي اللهم زوج شبابنا وارحم موتانا وجميع موتي المسلمين وصلي اللهم علي نبيك محمدا وعلي اله وصحبه ومن تبعهم باحسان الي يوم الدين واخر دعوانا ان الحمد لله رب العالمين

ما مشكلة خلاص الله يهنيكن بالمحلي وانا انصح المغترب السوداني في كل دول الشتات
ان يبحث عن شريكة عمر مغتربة ايضا من جنسه او حتي فلبينية علي الاقل نشكل المجتمع بسحنات جنوب شرق اسيوية (حلاوة- ونشاط وخفة وزن) واهم حاجة الاخيرة هذه . بعدين ما حتقول (دايرة لي دستتين ملايات) باكلوها الملايات اصلو؟ .خلاصة الامر في هذا المقال تجريح للمغترب الشال البلد وقت الضيق من دفع لفواتير الحرب دمغة شهيد زكاة ضرائب ومساهمات اجتماعية في تبني طلاب جامعات حتى التخرج بمؤهلات والان يساهمون في السودان اطباء ومهندسين ومدرسين. اما ان يرفض الشخص لمجرد انه مغترب فهذا معيب في حقنا ويا ما ستر المغتربين عورات ولكن سياسة الدولة غير الراشدة والتمييز خاصة ما يخص طلاب المغتربين والذين يسموهم (شهادة عربية)وتخصيص جامعة لهم منفصلة ترسخ كل المواقف السالبة تجاه المغترب . هذا المقال يتفق وسياسة الدولة العنصرية

أفل نجمه لبعض الوقت ولكن في عهد الإنقاذ أتي بحضور قوي جداجدا خاصة بعد وصول الريال لمبلغ الألف وتسعمائة جنيه “1900 جنيه للريال” والظروف السيئة التى تمر بها البلاد بفعل سياسة الإنقاذ والتى سوف تضطر السودان لإستيراد الخضار من الأردن التى تعتبر أفقر بلد من حيث الموارد المائية والتربة الخصبة، المغترب سيعود للسوق بقوة رغم أنف الإنقاذ وهم من بفضلهم ظل السودان صامد أمام كل هذه الأزمات لما لهم من مسؤوليات تجاه أسرهم في السودان ولو لاهم وتحويلاتهم الريالية والدولارية لما بقيت الإنقاذ حتى هذه اللحظة. ولكن للأسف الأسيف قدر هذه الدولارات يتم تهريبها للخارج بواسطة أبناء النافذين أمثال إبن أبو الجاز لأنهم من أكبر تجار العملة في السودان وكل العملة في السوق يتم شراؤها لصالحهم هم فقط وكل السمساسرة في الخارج أو السودان أو النبوك تابعين لهم ورجالهم.

أخيرا أصبح المغترب شخص غير مرغوب فيها من بناتنا…أتفرج يا بريمة