طالبة جامعية ترتدي زياً فاضحاً تعض شرطي بالخرطوم

والله عمرنا ما نتقدم لو بنتدخل فى الحريات الشخصيه يعنى هى طلعت من بيتهم كده قدام ابوها واهلها طيب دخل الشرطى شنو لو هو زاتو ما عندو هدف فى راسو بعدين ياخ الممنوع مرغوب لو خلو كل زول فى حالو ما بتحصل مشاكل يعنى عدم موضوع بلاغ ومحكمه ما فى قضايه اكبر واهم ومعطلعه بالسنين فى المحاكم بقو على دى لبسة قصير ودى ما محتشمه دعو الخلق للخالق

يجزى الله كل خير رجال الشرطة وتكون عظة لجميع البنات فى الجامعات وفى كل الماكن

سمعنا قالوا الكيكة اتقسمت الحكومة والحركة قسمو الثروة والسلطة بينم وقالوا للمواطن انت شيل الشارع واللبيب بالاشارة يفهم ومصداقا للكلام ده والله العظيم لقيت اثنين من الحريم شادات العرقي على شاطئ النيل جنب العزوزاب وقبل المغرب خليك من قصة اللبس:confused:

ممكن يكون العسكري قليل الادب وعاكسها ولما ما لقي تجاوب لفق ليها تهمة والكل عارف حركات العساكر بتاعتنا

ليه القاضي او كيل النيابة ما طلبوا معاينة اللبس عشان يحكموا عليه فاضح ولا العسكري عايز يعمل فيها مصلح اسلامي اجتماعي

ا اخوانا كده خلونا من حكاية البتن دي مع الشرطي في احدى الايام من العام الماضي وانا طبعا مغترب بالسعوديه وراجل عمري 50 سنة وانسان متعلم وجامعي ومحترم عمري وعلمي وخبرتي كان عندي جوازات ابنائي انتهت واردت استخراج جوازات جديده لهم بجوازات المغتربين مشكور جدا الاخ العميد مدير الجوازات احترمني واشر على الطلبات الخاصة بي وقال لي اذهب الى الشباك ذهبت الى الشباك وكان فيه عسكري بشريطين والله العظيم العسكري ده عمل معاي عمايل نهزرني واستفزاني وكانو كده انا بطلب منو كرامة في سبيل الله والجوازات كانت 4 طلبات اخذ مني 2 وقال لي 2 لبكرة والشئ الغريب اخذ جوازات ناس من خلفي في الصف ولما سألت قال لي بس جوازين ان عجبك ورح من وجهي لا تعكر لنا يومنا يعني انا دافع الرسوم واستلموا الرسوم قبل كل شئ ثم بعد ذلك يمنحونا الجوازات بالتقسيط وان عجبنا وكل ما احوال اترجاه لقرب موعد سفري ومساعدتي يسمعني كلام امر من السم وصل مرحلة انو سوف يسجنني وانا انسان متغرب عن بلدي وبدخل عملة صعبة وبدرس ابنائي بالدولار وادفع ضريبة الوطن وبعد نسمع اساءة من اشخاص غير اكفاء وغير جديرين بهذا الموقع ارجو واكرر ارجو من ادارة جهاز المغتربين وشرطة جوازات المغتربين اختيار كادر اولا متعلم وذو اخلاق ومن اسر طيبه لتقديم مثل هذه الخدمات والله انا منذ سنة وهذا الموضوع حازي في نفسي فنرجو من وزارة الداخلية ومن ادارة الشرطة على وجه الخصوص اختيار الناس المدربين وذو الخلق والمتعلين خاصة للافراد الذين لهم علاقات مباشرة مع الجمهور حتى يعكسون الوجه الحسن للشرطة والعمل الشرطي ارجو التوفيق

بخلاف ما جري وما سيجري في البلد فالقادم اسواء …. ولــكـــــــــن

شكرا كثيرا للاخ حاتم عبد العزيز علي تحليله الواعي اكثر الله من امثاله 😉

حمووووووووودي والله نوعيتك الما بتخلينا نتقدم إلأ على مستوى الإنحطاط الأخلاقي
يعني كيف دخلو شنو لو ابوها ولا اخوها كانو ما مالين جلابيتم الشارع ليه حرمتو

من المفترض ان الشرطة احد اجهزة السلطة التنفيذية والتي تشكلها الحكومة لاهداف كثيرة يصب مجملها في راحة وامان المواطن وهذا ما كانت عليه الشرطة في الماضي وهو الوضع القائم في الدول المتقدمة ولكن هنا رجل الشرطة هو القاضي ووكيل النيابة والمحامي والجلاد المنفذ للحكم الصادر منه حسب مزاجه اثناء وقوع ما يدعوه لذلك وحسب تقديره. هل ذهب احدكم الي احد اقسام الشرطة سواء كانت مدنية ام مرورية ام جمارك ووجد ذرة من الاحترام او حتي قابله العسكري المسؤول بابتسامة؟ وحتي لا ابالغ فان العساكر لدينا يرون ان التعامل مع المواطن بابتسامة ينقص من مكانته. ان الشرطة في هذا البلد الطيب عبارة عن جهاز اذلال خلق لدهس كرامة المواطن فبدلا عن ان تهتم الشرطة بتامين المواطنين واسترداد حقوقهم فان العساكر المليئين بروح الاستعلاء -وكأنهم من طينة أخري- يروعون المواطن ويحتقرونه ويقدرون الامور حسب فهمهم ومن يخالف ذلك الفهم فهو متمرد و(ما بحترم الكاكي) لذا فانه يحكم عليه وينفذ حكمه وذلك بأردأ الالفاظ وكل انواع القوة اليدوية و(القاش) و(البوت). فيا رجال الشرطة نصيحة من مواطن قلبه علي حالكم : حاولو ان تعاملونا باحترام وستجدون منا كل الحب الذي لا نصيب لكم منه الان في قلوب المواطنين. وآسف للإطالة.

هي ما تمش القسم المشكلة شنو ؟ لو كان مشل ما كان بيكون في عض , لو هي لابسة كويس كان مشت و دافعت عن نفسها, برضو الجمهور المتفرج اكيد لو لابسة كويس كانت تجد زول دافع عنها. لكن نحمد الله بقي اللبس الفاضح عندو مسميات اظهار رقم و اظهار الما بعرفو شنو داك . يا ساتر

والله عشنا وشفنا ………

دائما البنت هي الجانية و هي الغلطانة سواء في الشارع او في البيت كأننا نشأنا بالتكاثر الخضري من غير امهات يا عالم ما تفيقوا نعم ما في مشكلة نسمع او نقرأمرة هي غلطانة و مرة غلطانيين عليها و لكن هي دائما الخطأ ونحن دائما الصواب كأنهن شياطين و الاولاد ملائكة الموضوع دا كدا فيهو ان

هـا هـا هـا هـا هـا هـا 😀 هـا هـا هـا هـا 😀 هـا هـا هـا هـا 😀

هـا هـا هـا هـا هـا هـا 😀 هـا هـا هـا هـا 😀 هـا هـا هـا هـا 😀

هـا هـا هـا هـا هـا هـا 😀 هـا هـا هـا هـا 😀 هـا هـا هـا هـا 😀

هـا هـا هـا هـا هـا هـا 😀 هـا هـا هـا هـا 😀 هـا هـا هـا هـا 😀

بالله عضتـــــووو !!!

هـا هـا هـا هـا هـا هـا 😀 هـا هـا هـا هـا 😀 هـا هـا هـا هـا 😀

وطالبة جامعيــة كمان !!!

هـا هـا هـا هـا هـا هـا 😀 هـا هـا هـا هـا 😀 هـا هـا هـا هـا 😀

أنا فـي علـم ولا فـي حلـم !

هـا هـا هـا هـا هـا هـا 😀 هـا هـا هـا هـا 😀 هـا هـا هـا هـا 😀

بنات متوحشـــات

:confused:

بعد التحية ، كنا نهتم ونغير علي اعراضنا وسبناهم علي هواهم بوهم المسئولية والحياة ، هذا هو العصر الذي من المفترض فيه وأد البنات ، لقد اصبحن من القوة بحيث لا يكترسن لشي ، وسبب هذه القوة اللامبالاة منا ومنهم في كل أمر.

حقيقة الشرطة فعلاً مسئولة عن ضبط الشارع العام و أي بنت أو ولد مشوه المظهر العام يتحاسب حسب القانون، ولرفع الحرج ممكن تكون في شرطيات مع الدوريات بتاعة النظام العام.

و القانون مفترض يتطبق على الكل، منظر البنات السايقات عربات هم و صحباتهم بيشربو سجائر أو سكرانات بق منظر متكرر في شوارع (الخرطوم بالليل) و أكيد كلهم بنات ناس (مهمييييييين) ما (مهمشيييييين).

الجنوبيات و الجنوبيين ماشين في شكل أسراب بعد المغرب لابسيين و ما لابسين و عاملين فوضى و إزعاج شديد و مافي أي إحترام للشارع و للأسف البوليس بيتفرج؟

نطالب بالمساواة مع الإخوة الجنوبيين في تعدي القانون ؟؟؟
طبعا ما قاصد حكاية اللبس دي.