جرائم وحوادث
مطربة مشهورة تقضي ليلتها بالسجن
ألقت الشرطة السودانية القبض علي مطربة مشهورة في جريمة إحتيال علي صاحب محل لبيع الهواتف النقالة ، وإستلمت من الرجل (15) جهاز موبايل وراوغته في سداد قيمتها . وكشفت مصادر لـ(حكايات) عن المطربة تعرفت علي الرجل عن طريق سائق عربة أمجاد كان ينقلها لقضاء حوائجها ، فأرشدها علي صديقه الذي يعمل في تجارة الموبايلات ، وإستلمت منه (15) جهاز موبايل بقيمة أربعة مليون وسبعمائة ألف جنيه وعدت بسدادها وكتبت وصل أمانة بالمبلغ . بحسب صحيفة حكايات قال الشاكي في بلاغه للشرطة إن المطربة ظلت تتهرب منه ولاتجيب علي مكالماته وأمرت النيابة بعد تأكيد الدعوى بالقبض عليها وتم تنفيذ الأمر ووضعها بالحراسة.
ياناس النيلين شنو الحاصل الخبر ياتجيبوه كامل ياتسيبوه يعني اسي نحنا نقول دي منو فيهو حنان مسكول ولا عوضية الحنانة ولا سارة نشادر – ولا انتو ما متأكدين من الخبر 😡 ولو خايفين تقاضيكم عندكم صورة من البلاغ اتأكدوا اول ما تغيظونا(؟)
يا ناس النيلين بالله خلو اوهامكم دى يا ام تجيبوا الخبر كامل او بلاش منو يعنى مطربة مشهوره نحن المشاهير عندنا معروفات الماتو عائشة الفلاتية ومنى الخير والباقين ناس ام بلينا السنوسنى وسمية حسن وحنان بلو بلو وندى القلعة وسميرة دنيا وهاجر كباشى وفاطمة الجعلى ومنال بدر الدين ونانسى اختها وبقية يدعدو باصابع اليد منو فيهم العملة نايمة بالموبايلات وبعدين دى الواحدة فيهن يعنى لو طلعت حفلة حفلتين تجيب محل موبايلات من عشرة ولا عشرين فيعنى بالله عليكم الخبر تأكدوا من صحته او ما تجيبوه
حنان مسكول ما اظن تعمل العملية دي- الظاهر انو الفنانة دي شغالة دلالة موبايلات عايزة توزع الموبايلات لاعضاء الفرقة الموسيقية بالتقسيط لاخر الشهر و الي حين التسديد الاقساط و نسبة للركود- و الازمة المالية العالمية صارالعازفين من المعسرين ولم يتمكنوا من دفع الاقساط- اصبروا عليها شوية وخلوها تعمل مسكولاتاو اخروها شوية لينا – نقصد القضية حتي يتم جمع المبلغ المطلوب.
كلامكم صاح صح
والله الفنانات السودانيات الزمن ده الوحدة كان طلعت حفلة مش تجيب محل موبايلات ده تجيب LXI والهمر جاي
راح ابطل السجائر واشيل كمان حديد
هييييييييه هيييييييييييييييييييييه
يا اخوانا ورونا الحاصل شنو براحة كده عشان نكون عارفين
يستاهل صاحب المحل يعني شنو فنانه مشهورة مشهورة في حاجه كويسه يعني ؟؟ اكيد جاتو لابسه كيف ومتبرجه وفكت فيه شويه كلام معسول وكده – والله لوقلعت لي واحده من عيونها ماأ ديها حاجه من غير قروش – دي تجارة ما بتتحمل الخسارة –
بركة الحافظها انت يا ود تكتوك