توجيه بحل كافة مشكلات المرأة التي قاطعت خطاب البشير

طيب كلام زي العسل والناس البتطلع مظاهرات دي مش هم عندهم نفس المشكلة وليه البشير ما يحلها ليهم بقرارات سليمة ومحاربة الفساد
والاغلبية لا يمكن لهم ان تقابلوا مع عمنا بشة عشان يقاطعوه
ولا الواحد يقعد يجري وراء المناسبات ويتخطى الحواجز الامنية ويطول لسانع مع الناس ومع الرئيس عشان الناس تسمع كلامه مباشرة ويعملوه دعاية وكانهم حلوا مشكلة السودان

المراة دي ربنا يكون في عونها وان شاء الله يكون الكلام صاح ما يكون باسمها طلعت عشرات قطع الاراضي والتسهيلات ووصلها الفتات

زى المراة دى بيكون فيه مئات لو ما الاف من الارامل فقدوا المعيل يا ريت لو كان الحل دعم منظمات الايتام او اى حل بدل ما يكون الحل فردى

بس ننتظر خطاب عام وكل الناس حتقاطع اها بتحلوا ليهم مشاكلهم

اجزم انه كلم اعلامي بس وبعدها لن يسمح لها حتى بمقابلة وزير الدولة ولا حتى مدير مكتبو

وفرحان كدا مالو البشير خلاص الود عمل حاجه ادانى احساس انه عايش فى وهم ان الناس كلها (مبسوطه ومرتاحه ماكلين شاربين متعودين على الرفاهيه زى ما قال مصطفى ود اسماعيل) ماعدا تلك المرا المدسوسه والمفبركه للدعايه ليس الا – والله انا ما بصدقكم لانكم تربيه اخبث مخلوق واخبث من الشيطان وامكر من الماكرين الترابى فوراء كل قصه من قصصكم مصيبه للشعب