البعيو :زوجة واحدة لا تكفي وينصح الفنانين الشباب بتعدد الزيجات

[HIGHLIGHT=#FF0055][B]اولاً أنا اؤمن إيماناً جازماً بتعدد الزوجات و انه الحق من رب العباد جل جلاله و لكن ما لفت نظري و اثار استياءي و سخطي هو عبارة (زوجة واحدة لا تكفي)…… و هي في رأي عبارة سخيفة و مبتذلة لا يليق ذكرها عند التحدث في هذا الشأن من شؤون الدين لأنها تقلل من شأن المرأة التي عظم الدين شأنها و رفع من مقامها، فهي الام و هي الاخت و هي الزوجة و هي ام الرجل نفسه. ان استخدام مثل هذه العبارات في هذا الامر الحساس على وجه التحديد هو عمل ضد الدين و يهدف الى الفتنة و الله ليس بغافل عما تعملون. فاتقوا الله فيما تكتبون….. و حتى ان كان (البعيو) نفسه قد ذكرها بالحرف فلا ينبغي لكم انتم ذكرها كما هي حتى لا تكونوا مروجين للفتن فتتعرضوا لغضب العزيز الجبار و حينها اين تذهبون؟ ألا هل بلغت اللهم فاشهد. هذا و الله من وراء القصد و هو الهادي الى سواء السبيل.[/B][/HIGHLIGHT]

إنت عارف يا البعيو يا أخوي .. يظهر موضوع تعدد الزوجات ده عايز ليه (( درس عصر )) … شوف أنا عندي مره في الحقيقة ما مقصرة معاي بشيء .. لكن لما تسمع بي واحدة زوجها توفى .. أو إتطلقت منو حتى لو كان سنها صغير وقامت عرست ليها واحد تاني .. .. طوالي تقوم تقول عنها دي واحدة (( دنية )) .. ولى حسي أنا ما عارف بتقصد ب (( الدناوة شنو )) ؟؟ وبيني وبينك أنا خايف أسألها من السبب الدخل الدناوة هنا شنو ؟؟
دي حاجة بسيطة .. لكن تعال شوف المصيبة وين !! لما أنا أجيب ليها سيرة العرس .. أقوم أقول ليها عندي واحد صاحبي إتزوج على مرتو .. وفي الحقيقة أنا عايز أعمل جس نبض وبس .. والله الساعة التهيج كده .. وتقول لي أسمع هوى !! يظهر عليك إنت ناوي تعرس فوقي .. بس كدي أنا حية أشوفك تعرس ..!! والله كما كتلتك .. تشوف براك أنا في .. وإنت في .. بصراحة كده .. أنا بقيت مرات مرات أخاف من كلامها كده (( عد ي ي ي ي ي يل )) .. و مرات مرات .. أتشجع و أقول دي هرشه منها ساكت .. وأقول في سري .. يا زول ما تخاف وكان لقيت ليك بنية (( فرفوره )) كده .. وبت حلال .. عرسها طوالي .. و سكنها مع الجماعة في (( عمارة بالدس )) .. و بعد داك البحصل احصل .. يعني في النهاية حتعمل لي شنو ؟؟ الله أعلم تكتلني .. لكن بالله يا البعيو يا أخوي مره زي دي الواحد يعمل معاها شنو ؟؟؟ ويقنعها كيف بالدبيل ؟؟ غايتو شوفوا لي حلل .. (( ما بقصد حق التمساح )) .. كما فسره فضيلة العلامة البروف / عبدالله الطيب .. رحمه الله .