كوش نيوز .. أخبار السودان بين يديك

وزير المالية يسخر من “حسين خوجلي” صاحب صحيفة ألوان وقناة أمدرمان



شارك الموضوع :
خلال لقاء الدكتور “نافع علي نافع” نائب رئيس (المؤتمر الوطني) مع رؤساء تحرير الصحف السياسية (الأربعاء) الماضي بالمركز العام للحزب، تحدث الأستاذ “حسين خوجلي” رئيس تحرير (ألوان) رافضاً بشدة الإجراءات الاقتصادية المرتقبة، وقال: (نرفضها ولو جاءت مبرأة من كل عيب). فما كان من وزير المالية “علي محمود” إلا أن صفق بيديه بصوت خافت وبطريقة ساخرة!! وبحسب صحيفة “المجهر السياسي” صاحب (الألوان) لم ينتبه لحركة وزير المالية، غير أنه غادر مع آخرين المكان قبل انتهاء الاجتماع.
معتصم السر :النيلين
شارك الموضوع :

7 التعليقات

إنتقل إلى نموذج التعليقات

      1. 1

        [SIZE=4]ما ملاحظين انو على محمود الايام دي فاكه منو حبتين واليوم كلو بسخر من الشعب وبتكلم عن البيتزا والعصائر
        بقى ما سك الاخبار على حسابو بي سخافتو دي[/SIZE]

        الرد
      2. 2

        [SIZE=5]
        [COLOR=#FF006C](نرفضها ولو جاءت مبرأة من كل عيب)
        [/COLOR]
        هذا رد كل مواطن شريف على امتداد الوطن ولا يغرنكم تطبيل المنافقين
        و المستفيدين من النظام .. والله فى سبيل نهوض الوطن و انتشاله من المحن
        نتحمل عيشة الكفاف و المعانة و ندفع بما لدينا من كل رخيص و غال حى
        يعود معافى و لكن ان نضحى من أجل فئة معينة امتصت دمائنا و تذبح فينا
        صباحا و مساء و تنهب و تسرق بلا استحياء هنا نقول لكم … لا لا لا والف لا
        اذهبوا الى الجحيم و اتركوا الوطن لابنائه الشرفاء حتى نعيد له الحياة …[/SIZE]

        الرد
      3. 3

        كما وزير المالية عنده كلام في حسين خوجلي ” إيش جاب لجاب … ” ورحم الله أمرء عرف قدر نفسه ” والوزارة مادايمة لكن كما يقولون .. العز بالأهل …

        الرد
      4. 4

        هو وزير المالية دا عندو شنو غير السخرية..ما عندو التكتحوا ..ربنا ياخدوا

        الرد
      5. 5

        [B]هو دا ما الوزير القال ارجعوا للكسرة ؟ ولا دا واحد ساخر تاني غايتو يالوزراء بقدر ما تاسخروا مننا نحن كمان ما بنقصر ونحتفظ بحق الرد لان الصحافة بشتي الوانها تعتبر لسان حال الشعب المغلوب علي امره الا ما شذ منها والطبالون[/B] [B]

        ياسيادة الوزير تاني الكسرة
        فاكر الكسرة هينة وسهلة
        ولا مفروشة ساي في السهلة
        زي عاطلا خريج يفتش شغله
        انسي الفكرة
        لوفاكر الكسرة لقمه واكلة
        بتقوم شكله دق بالعتله
        الكسرة ياسيادة الوزير
        صارت ذكري
        وحلم الناس ليوم بكره
        وين القش والفحم البعوس الكسره؟
        ووين الحله والكنش البكتل الكسرة؟
        وينو الصاج وين الغله وين البذره؟
        ما تحيي الفتنه
        كنتوش العجين ياحضره
        دخل البورصة اسهمه فوق تباع وتشري
        كان راجل ارمي اكسره شوف كان تاني تاكل كسرة
        ده اصبح في المتاحف اثري سيرته عطره
        اظنك مادخلت السوق لامتابع خبر لانشره
        ولا حتي الجرايد تقرا؟
        ولاساكت طلعت في يوم كترابه وعجاجة ومطرة
        راكب رقشه تقطع خور تقع في حفرة
        يوصفوا ليك ست الكسرة
        في الشارع البودي لجبره سوق العشرة
        او في نيفاشا ريفي ام بده
        ولا في بحري سعد قشرة
        جنب الداية حاجه التاية ست الخضرة
        تحت كوم القمامة اب كتله
        تلقي التومه ست الكسرة
        وفي لاب توبها تاخد نقره
        وتقول ليك :
        احاتك اغالي اتاخرته
        اخر لفه خلصت حسه
        لكن في الكلاكلة اللفة
        عندنا لفه جوه القفه
        ولا انتظر العجين اللسه
        ما خمرته ليوم بكره
        بحجز ليك لوتجي بدري باكر بكره
        اه ياحسره واه ياحسرة
        ((والجيعان مابرجي فورت البرمه))
        ياسيادة الوزير وين الكسرة
        دي مشت وزارة الهجرة
        سوت ليها جواز وطفشت بره
        اغتربت ياسيدي الكسرة
        في الامارات وهناك في جدة
        وفي باريس ودولا اخري
        دخلت اعظم الاسواق وزادت شهره
        وفي احسن مركز الاسواق بتلقي الكسرة
        مع البسكويت وجلكسي والبرتقال ابوصره
        مع الشامبو والطيب الاريجه يفوح وكريما بيفتح بشره
        بتلقي الكسره لابسه التوب وفستان سهرة
        راسمه الحنه يانعة ونضرة آخر قشرة
        ارتاحت من الكتاحة وام دفسو وسوق الحفرة
        لافاكره في الكناتاكي لا البيقر والبيتزا الحارة
        وعقبال السخينه ام توم والبوش والمجاهدة القدرة
        دي الكسره ياسيادة الوزير دى الكسره
        لورجعنا نحن للكسره، منو البرجع لينا تاني الكسرة؟[/B]

        الرد
      6. 6

        [FONT=Arial][]ياجماعه المثل بقول الما شفتو في بيت ابوك بخلعك . ناس الانقاذ ديل رئيس الجمهوريه ووزير الماليه ووزير الاستثمار مخلوعين بي الهوت دوغ وعصير المصاصه عشان كده ليهم حق يقولو الشعب عايش رفاهيه ويصعب فطامه واحنا نستاهل عشان ساكتين علي الذل والسخريه . اما أن ان نتخلص منهم . لعمري هذه هي الشراره فلنضرم النار عليهم[/FONT]

        الرد
      7. 7

        بخصوص حسين خوجلي يعني الموضوع لايخص امثالة لانهم هم المعنيين لانهم هم من يتنفع بالدعومات فمافي داعي يدافع عن المساكين والتعابة لهم رب كريم فما الداعي ان يتحدث بلسانهم ام هي طولة لسان خليك بالفن والثقافة تكفيك وخلي الاقتصاد لاصحاب الاختصاص ولا داعي ان تعمل ادوار بطولات يعني السودان كلة مافي شخص بيتكلم اشمعنا حسين خوجلي لمعتو الاسما حتى اصبحت بدون اي طعم وبعدين تحدث وخرج علي طول يعني جاي عشان يظهر بالكلمتين وبس (خلاص انت بطل افرح ياعم)

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *

    This site uses Akismet to reduce spam. Learn how your comment data is processed.

    سودافاكس