منوعات
نضال حسن الحاج : مالي كان اصلاً وماله ..!!
شايلة قمرين في عيونك.. واقدة ناري مع دلالك
شايفة شمس الله وتقدلي.. معاك إجاباتي وسؤالك
ورافعة أيديك للبقوّم.. لي جديد الوجعة فالك
لا هواك فيني استقر.. ولا زمان الفرحة طالك
يا خي مالك
يا بنية قدر تعلين.. تلقى قدامك جنونه
وقدر ما تنساها روحك.. تنسى كل الكون بدونه
وقدر ما تقبل عيونك. ما بتشوف غير طيف عيونه
وضحكته المسكونة بيها.. ولون شعاع البدر لونه
ياخي مالك
مالي كان أصلاً وماله..
وينو حيلي عشان أقاوم .. سطوته وسلطان جماله
مرة تتحداني تمرق.. وتاني يتعذّر وصاله
وكل يوم في حالة تانية.. وكل يوم بصب مناله
ووين ألاقي حبيبة زيك..
يا الوهبتي القمرة لونك.. يوم تمنت تلقى ضيك
ويا المتين ما طل فجرك.. خالفة في جوف قلب كيك
ما كفاك آهات وحاتك .. زوري ياخ ورينا حيك
صحيفة المجهر السياسي
[/JUSTIFY]
انتى وانا من فوق على قمم سعيدة نخلى صوتنا دوام يغنى .. ياصوتنا غنى ..