السلطات توقف برنامجاً تليفزيونياً لاستضافته غازي صلاح الدين

بس تانى الحكومه تبطل الكلام عن حريات وانتخابات
البشير يفقد احترامه يوما بعد الاخر فبعد خداعه للناس بنزع البزة العسكريه واعلانه مدنيته يمارس الان الكبت فى اوضح صوره

كده بعملوا من غازي بطل

دا كلام جميل وقف البرنامج والتهديد بغلق القناة للأبد؟
ليه كلام جميل ؟
الاجابة: عشان يعرف غازي ورزق وجماعة المذكرة سياسة تكميم الافواه ..غازي مفتكر الاعلام دا حر عشان يقول أي كلام..انت في غيبوبة يا غازي ورزق تحتاجون ربع قرن للخروج منها ومعرفة ماذا كنتم فاعلون..هذه قنوات للغناء ..للظهور فيها يمكنك الاستعانة بندى القلعة او حرم النور او شريف الفحيل ..والخ
هذه فرصة يا غازي لك ولجموعتك ان تنفرد مع نفسك لترى كم هو مرير طعم الحرمان وكم انا شاركت فيه ضد مظاليم..فرصة للتروي والأوبة الى الله ..العمر لم يبقى فيه الا القليل ..الاعمار بيد الله

[COLOR=#F12511][SIZE=7][FONT=Arial]ناس جهاز الامن ديل عينم للفيل ويطعنو في ضلو .. بدل ما يوقفو البرنامج اليوقفو غازي صلاح الدين لو بقدرو .. بس فلاحتهم في الضعفاء.. الليلة لو المستضاف اي زول ما تابع للمؤتمر الوطني كان اعتقلوهو بتهمة الإدلاء بمعلومات تضر بالامن القومي .. انتو ما جهاز أمن وطني انو جهاز أمن مؤتمر وطني.. حسبنا الله ونعم الوكيل..[/FONT][/SIZE][/COLOR]

أول الغيث قطرة .. هذه هي البداية يا دكتور غازي وبكره يا ما حتشوف لتعرف فداحة ما ارتكبتموه بحق الحريات والعدل بين الناس، يوم كنتم تصدرون ذات التوجيهات للامن و”المخابراط” للتضييق على الاخرين وكبت حرياتهم ولسان حالكم يقول “لا أريكم الا ما ارى وما اهديكم الا سبل الرشاد”. ولا استبعد ان يستخرج الملف الاسود لكل منكم لينتهي بكم الامر الى سجن دبك او شالا، فكل شئ مباح لكم بحكم تاريخكم الحافل وكسبكم في التمكين لثورة الخراب الوطني، الا الاقتراب من قلب السلطة وجذوتها فهي محاطة باسلاك كهربائية عريانة تصعق كل من يقترب منها ولو كان من البدريين او الدبابيين. أما البروبوغاندا والحديث النظري عن المرجعيات الاسلامية في ادارة الخلاف بين الاسلاميين انفسهم، فمكانها صفيحة الزبالة لافساح المجال للاساليب البعثية والنازية والشيوعية والضرب تحت الحزام وربما التصفيات الدموية لادارة الخلاف. لا يختلف في ذلك البشير الاسلامي ولا ستالين الشيوعي، اذ ان اسلوب ستالين الشيوعي هو المرجعية وليست السنة المحمدية التي يتشدق بها رئيسنا المحبوب من 99% من الشعب السوداني الذي شرد منه الملايين ليعيشوا في معسكرات النزوح بالداخل والخارج لتتولى المنظمات الصهيونية اطعامهم وايواءهم وغسل ادمغتهم وتنصير ابناءهم بارسالهم الى فرنسا من تشاد.

انتو بالمناسبة
ويييييييييين باقى ال 31 ؟
قالو (الادلة لم تكن كافية ضدهم) هم الناس ديل كتلو زول ولة كتبو مذكرة ؟ التفاوت فى العقوبة دة جاء من وين ؟ يوقفو عضوية ناس و يعفو ناس و يفصلو ناس و هم كلهم سواسية فى العملوهو التفاوت دة سببو شنو ؟

و بعدين هم ليه يقولو نحن لو فصلونا و وقفو عيشتنا ح نملك الحقائق للشعب ؟ طيب لو ما فصلوهم ؟ و غازى دة ذاتو ليه يقول “مرحبا بالمحاسبة التى تاخرت 20 عاما” يعنى هو عارف انو فى ناس يستحقو المحاسبة من قبل عشرين سنة و ما فتح خشمو الا بعد قطعو عيشتو ؟

هووووووووووى ياناس اصحو و فرقو بين المصلح و المستصلح

ايوة البرنامج وقفوهو و التلفزيون ذاتو كان دايرين لكن باى طريقة غازى دة و لة المعاهو ح يكشفو المدفون بينكم لكن للاسف ما من اجل الشعب بل من اجل انفسم لانو الشعب دة ما ولدوهو الليلة اصلا موجود من بدرى يبقى السبب فى “تمليك الحقائق للشعب” ما هو حب الشعب لكن حاجة ظهرت قريبات دى

و بعدين انتو ليه تخفو الحقائق و تجو تهددو بيها بعضكم لو ما هى شينة ؟

الشعب ما راجيكم و المظلوم اكيييييييييييد ح ياخد حقو لان الخالقنا بالمرصاد عشان كدة ح يجى يوم ينتفض الغبار و تظهر الصورة جلية و الناس تعرف الحقائق … خليك من تختلفو فى بعضكم ممكن الواحد يختلف مع نفسو كمان لمن يجى اليوم داك

يقول تعالى:
(أفحسبتم انما خلقناكم عبسا و انكم الينا لا ترجعون)
و يقول تعالى:
(أتقوا يوما ترجعون فيه الى الله و توفى كل نفس بما كسبت)