في حافلة ركاب : تصفع راكباً بيدها فيهبط صامتاً

عفارم عليك ويا ريت لو بنات البلد كلهم يكونوا زيك وتسلم البطن الجابتك والحبوبة الربتك . واتساءل لو رد عليها الشاب بلطمة هل كانت تجد من يمد لها يد المساعدة ؟ الشارع السوداني اصبح متفرجا واصبح كل واحد في حاله زي جماعة كنا بنتندر بيهم زمان ويا حليل زمن الرجال ويحكى ان امراة في السوق العربي تعرضت للضرب المبرح من احد السائقين وابنتها بقربها تصرخ وتطلب المساعدة ولا مجيب حتى انهارت الام ونقلت لاحقا للمشفلى وهى فاقدة للوعي وابنتها تبحث عن سوداني من بتاعين زمان فلا تجده وحليل بعانخي وحليل المك وحليل المهدي وحليل وحليل …….

الله يعينا

كل يوم مضايقات جديدة والمشكلة مافي زول بيقف معانا غير انو الواحدة تتحول ولا

تنزل لانو اللوم بيقع علينا ومرة ضايقني واحد واول مرة انفعل لانو استفزاني رد لي

واحد قال لي يكون مجنون .

يعني برضو لقو ليه مبرر

والله للاسف بقى شبابنا كده لاحول الله وياما سمعنا اكتر من كده يا ريت كنتا حاضر
بس للاسف بعد ما اشتهر السودانيين بلرجوله وحرارة الدم بقينا لاحول الله بس اخواتنا يا ناس اخواتنا يا نااااااس اخوانتا ديل اخواتنا والله اخواتنا اللي بتعملو فيهم كده ديل اخواتكم يا شباب وبناتكم يا رجال الوحده يكون وضعها المادي صعب تضطر انها تركب مع اخوانها يقومو يعملو فيهم كده لاحول الله
لكن يا اختي عجبتيني بت راجل وبت بي الف راجل الله يحفظك ويحفظ اخواتنا السودانيات كلهم

أولاً خلونا ناخد المشكلة من كل النواحي، بقول لي أخواتنا البنات إنتو في حدقات العيون لكن كمان حاولوا إلتزموا بي الزي الشرعي عشان ما تتعرضوا للمهانة والذلة من البسوى والما بيسوى وزمان المثل قال مافي نار من غير دخان. وبقول لي شباب الزمن ده ياخ البتتعرضوا ليهم ديل ما إما أمك أو أختك أو بنتك وما بتطلع من التلاتة ديل ولو فكرت فيها كويس ح تلقاها ح تلف وترجع ليك، وبالله عليك أسأل نفسك بعد ما شافت الصورة وإنصاعت لي رغبتك إستفدت شنو..؟ وهل إذا رجع ليك الموضوع ده في بيتك وأهلك موقفك ح يكون شنو..؟ وهل إذا الناس عرفتك ووصلت الموضوع ده لي أمك مثلاً كيف ح تقدر ترفع وشك في وشها. وهمسة في أذن كل بنت خايفة علي نفسها وشرفها إنستري عشان الله يسترك.. ولا شنو..؟

السؤال البفرض نفسه ايه علاقة هذه البنت بهذا الكشرة وايه يخليه يتجرأ ويعرض عليها هذه الصورة الفاضحة امكن غشاها ولا حاجة عموما ما نظلم بنت الناس وربنا يعينها على زوى النفوس المريضة ديل والادهى والامر هناك مناظر اقل ما يمكن ان يقال عليها فاضحة نراها اليوم على الطرقات يعنى صورة حية يا اخوتى مسألة التربية داخل الاسر اصبحت عايزة شوية مراجعة وذكرنى الامر قصة جارنا الذى حكى لى قصة العلقة الساخنة التى اخذها من ابيه فى ثلاثينات القرن الماضى عندما كان يطلع فى سقف المنزل وينظر عند الجيران وعندما يفقدونه يشى به اخيه الاصغر هو على راس البيت بعاين للسماحة وكانت هذا العلقة سببا فى عاهة مستديمة له فى رجله اليمنى بعدها لم يتمكن من طلوع راس البيت برضو تقول لى موبايل ومناظر على الموبايل

بنت رجاااااااال أصيلة وطالعة من بيت نظيف

ربنا يحفظها ويحميها من كيد الكايدين

اما الشاب نعتبره طائش وربما مراهق نسأل المولى ان يهديه

توصية : ليه الإدارة العامة للمرور ما يخصص مقاعد خاصة للنساء والرجال
فمثلا باب الدخول الأولى خاصة بالنساء عموماً ويخصص حولى 10 مقاعد لهن والباب الخلفي خاص بالرجال ويخصص باقي المقاعد لهم

اه ويعني شنو لو وراها صوره فاضحه هي ذاتها البخليها تعاين في موبايلو شنو
ولو اصلا ماكانت مركزة معاهو ماكان شافت الصورة وكان بيحصل شنو لو نزلت راسها وعملت ماشايفه حاجه

اولا ياشباب هي بنت ناس وشجاعه كمان وبركه الادتو كف لانو دا ماراجل اصلا.وانا بقول لبعض المعلقين اولا هي لو كان الحال عجبها ياالاسمك شمس انت ماكانت ادتو كف اولا .وبجد شباب الزمن دا لو لبستي عبايه بيقل ادبو عليك وانا متاكده هو عمل كده عشان انسان مامحترم وعشان يقيسها هي حتتماشه معاهو ولا لا .وهو نزل ليه اكيد عشان هو غلطان وماراجل

والله ما نقول غير شجاعة لوكان راجل محلها كان سكت وعمل نفسه ماشايف … لكن يا خسارة كان تاخد الجوال منه باي طريقة وترميه من الشباك وبعدها يحصل الحصل اكيد كان يتكسر
ولا كان تغافله وتختفه منه وتصوت لمن توقف الحافة وتجي الشرطة ويشوفوا اخونا قصته شنو
ولا يمكن ينكر الجوال؟؟؟

يمكن شتل ساكت ؟؟؟

دي بنت شجاعة وردت على التافه ده . لكن ……. في بنات كتار بيحصل ليهم أكتر من كدة لكن بيسكتوا ساكت يمكن خوف أو خجل . الحل في تفعيل قرار فصل مقاعد النساء من الرجال

اولا اشيد بسلوك هذه البنت الذى يدل على انهابنت محترمه ومن اسره ملتزمه ومن هنا ادعو كل البنات على الالتزام بالزى المحتشم الذى لا يلفت الانتباه خاصة فى الاماكن العامه والموصلات لان المظهر سبب رئيسى فى لفت الانظار لها من قبل ضعاف النفوس والمراهقين

انا احييها على جراتها …البقول انو احنا بحصل لينا كتير بس بنخاف ونفضل ساكتين ومانرد لازم يعرف انو احنا بنخاف على سمعتنا واهلنا منو البصدقنا في الزمن دا لما نتكلم ولا نرفع صوتنا يطلعونا احنا بنات ما كويسات والله الشارع السوداني بقى مقرف جدا …. انا شخصيا بقيت اكره حاجة اسمها مواصلات لانو الناس بقت وسخانة وافكارها منحطة

عفيت منك يابت المك والله تصرف سمح جدااااااا ألكف ما بيشل الحركه وقام نزل قبل المحطه بتاعتوا هيع عفيت منك بت رجال;)