رأي ومقالات
الهندي عزالدين: ما المانع من إرسال قوات سودانية بالتنسيق مع (جوبا ) لتأمين حقول البترول في إقليم (أعالي النيل) وولاية (الوحدة)
} السودان بلا شك، يتأثر سلباً بتطورات هذا الصراع الدامي سياسياً وأمنياً واقتصادياً، ولهذا فإنه في وضع يفرض عليه التحرك الفاعل والسريع (منفرداً)، ثم (مجتمعاً) في الإطار الدبلوماسي الأفريقي الذي تحرك فيه وزير الخارجية ” علي كرتي “, ضمن وفد منظمة( إيقاد) الذي زار “جوبا” أمس الأول.
} و(منفرداً) تعني تكثيف التعاون والتواصل مع رئيس الدولة الشرعي الفريق ” سلفاكير” وتوفير الدعم اللوجستي المناسب لإعانته على إخماد هذا التمرد, أو محاصرته وتخفيف آثاره إلى حين الوصول لتسوية سياسية سلمية متوقعة.
} من مصلحة السودان الإستراتيجية استمرار” سلفاكير ” في الحكم, ولو إلى حين إكمال دورته الانتخابية في العام 2015، لأن المجموعة الأخرى المناوئة له تستبطن عداءً مرحلاً لنظام الحكم في السودان لأسباب واعتبارات مختلفة .
} ومن واجب السودان حماية مصالحه الاقتصادية, بتأمين حقول ومنشآت النفط في جنوب السودان, بالتنسيق مع حكومة الفريق “سلفاكير”، حتى لا تتأثر اتفاقية التعاون المشترك وللمحافظة على استقرار واستمرار ضخ النقد الأجنبي في خزينة بنك السودان.
} شارك السودان في دعم الثورة الليبية لإسقاط “القذافي” بالسلاح والإسناد الحربي, والسيطرة على المناطق القريبة من الحدود السودانية، وقد اعترفت القيادتان السودانية والليبية بذلك عقب نجاح ثورة الشعب في ليبيا، فما المانع من إرسال قوات سودانية بالتنسيق مع “جوبا ” لتأمين حقول البترول في إقليم (أعالي النيل) وولاية (الوحدة)، خاصة وأن قوات الأمن السودانية, هي الأسبق والأعلم باستراتيجيات وخطط تأمين البترول قبل الانفصال.
} في كل الأحوال، نرجو ونأمل أن يعود الاستقرار إلى جنوب السودان قريباً, وأن ينعم شعبه بالأمن والرفاهية .
} سبت أخضر . . شمالاً وجنوباً .
صحيفة المجهر السياسي
[/JUSTIFY]ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
فليتنازل كرتي لهذا الطفل عن سدة وزارة الخارجية وأن تجمع له معها وزارة الدفاع حتى يقوم باللازم تجاه حرب الدينكا والنوير … ما هذا التفكير السطحي .. أهذا صحفي متمرس … الطفل في نواحي أم صفقن عراض يعرف أن على حكومة السودان أن تنتظر حتى تعرف ملآت الواقع وأن تحسب كل خطوة تخطوها .. وأن يتغلب الفكر الدبلوماسي وصوت الحكمة في التعامل مع الموقف الحادث في الجنوب
يا عالم انتو ما دايرين تفهموا . الجنوبيين اصلا ما دايرين آى حاجه من الشمال لو ح تودوهم الجنه هم ما دايرنها منكم
باختصار(ما دايرين معاكم)
حتى ولو كان فى فكرة فى عمل ذلك يصرح بها فى الاعلام صراحة يالهندى انت ماحصيف وعقلك صغير .. فكرة مثل هذه تصرح على الصحف ..
يا الهندي اكيد سمعت بالرمه والحراس ولعبتها لانه في وقتها كانت البلي استيشن حقنا وتتوالي الالعاب شليل ومين نطاك الي ان تصل زرق البصله
نرجع لموضوعنا الرمه والحراس تتخيل بلد تتكل علي الجنوب في ميزانيتها حتمشي قدام ؟؟؟
انتو لو ماقادرين فراقهم فصلتوهم ليه يمكن لليله بساحات الفداء كان مرقتوها في كمبالا
اتضح جليا ان لا خير في سودان ولا في بلا سودان يعني الاتنين رمم بالعربي فطائس ومالاقيه حراس
عايز تحرس براميل بترول للجنوب عشان تشيل حق العبور ؟؟
ياخي موتوا بكرامه ومنتصبي قامه خير من ان تذلونا حتي وانتم نيام
فليذهب الجنوب بما فيه ومن فيه الي الجحيييييييييييييم
[SIZE=6]كلام غريب و الله نموت فى حقول بترول لا نملك فيها شى و مين قال ليك اصلا نحنا نستطيع تامينها هو نحن قادرين نؤمن الخرطوم ؟؟؟؟ بصراحة انت انسان سطحى و مغرور و تعتقد ان مفاتيح مشاكل السودان فى يدك [/SIZE]
إنت يا الهندي بتاع مشاكل وخميرة عكننه ، البترول دا بتاع السودان ولا بتاع جنوب السودان ، الجنوب هو أولى بحراسته ، إنت عاوز تدخل السودان في مشاكل نحن في غنى عنها عشان يقولوا ساندنا فلان على علان وندخل في دوامة
، إنت بتاع لخبطه.
(( الهندي عزالدين: ما المانع من إرسال قوات سودانية بالتنسيق مع (جوبا ) لتأمين حقول البترول في إقليم (أعالي النيل) وولاية (الوحدة) )).
هوي يا هندي أحسن ليك تقعد في علبك .. وعاين في المرايا كويس عشان تشوف حجمك كيف .. البتتكلم عنه ده موضوع استراتيجي .. موضوع في ناس مختصين للقيام به.. يعني إنت عايز توري الناس .. إنك بتفهم في كل حاجة ؟؟ خليك أحسن في سجمك ورمادك.. كفاية لما تجيب الشمارات بتاعت النسوان ( البتول ) .. والعرسوها منو !! والحامل منو !! والطلقوها منو !! زي الموضوع الكتبت عته إنت قبل يومين .. عن الاستاذة / سارة نقدالله والاستاذة / سامية احمد محمد ـ لهما مني التحية والاحترام .
الكتاب الأغبياء ديل طلعوا على رؤوسنا كيف
الأخ الكريم الأستاذ الهندي، مع إحترامنا الكبير للآرائك، إلا أنا نرى أنه ليس من مصلحة السودان في هذه المرحلة أن يتدخل. وأن تدخل السودان العسكري سيوحد الجميع مرةً أخرى تجاه العدو المشترك التقليدي.
الأفضل أن ننأى بأنفسنا بعيداً، بعيداً جداً عن التدخل المباشر. خاصة ونحن نرى أن الله سبحانه وتعالى يسوق الأمور بمقاديره الربانية لصالح وحدة السودان.
أخوانا الجنوبيين لا أحد يفهمهم مثل اخوتهم السودانيين، وكل المدعين بأنهم منهم ويفهمون أساليبهم فشلوا فشلاً ذريعاً الآن وأمام مرأى ومسمع العالم بأسره.
على الدولة السودانية أن تنسى موضوع البترول وتحمي حدودها فقط، خاصةً والجو مهيأ الآن والكل مشغول بنفسه.
علينا جعل تدخلنا فقط من خلال الحكماء ويمثلنا السيد وزير الخارجية وذلك يكفي الآن، وإن غداً لناظره قريب.
وكما ترجوانت وتامل نحن ايضا نرجو ونامل انت تتخلي عن هنديتك البتسوي فها دي -النفط لما كان تابع لينا ما امناه نامنو بعد ما مرق من ايدينا وتفتكر الجنوبيين حيكون ردهم شنو بعد ما يشموا العافية حيجازون بعشرة كفوف -انت ناسي لما اتفصلوا عملوا شنو -دعموا الجبهة الثورية وضربوا هجليج وكاودا -الرئيس ما ياهو سلفاكير دا زاتو ولا واحد تاني -ديل كلهم ماسونيين خليهم مع اسرائيل وامريكا وبريطانيا اسيادهم يلعبوا بيهم زي مادايرين هو الشفنا منهم شوية ربنا يكفينا شرهم يا ابو الهنود يا اكشن انت
اي تدخل من جانبنا مهما كان لن يفيدنا بل سيتركون مشاكلهم ويتحدوا ضدنا السنا العدو القديم المشترك.دعونا في حالنا الفينا مكفينا
Fom both political & military point of view I think this would be a very dangerous move, particularly that the outcome of this nasty conflict is every body`s guess. On the other hand the Southrn oil shall be diverted(rerouted) soon via Kenya, so why should we worry its now>
I sincerely hope that the north should play the good old wait and see game towords this conflict, That would seem rather than poking our nose in such a conflict,which purly tribal, or a power struggle at best.
صراحة لا اقرا لهذا الدعي كثيرا الا عندما اري حاجه مشاتره وما بتتبلع زي الكلام الفارغ البيكتب في ده. انت عارف ليه حق علي عثمان يطردك من القصر الجمهوري . يا اخي اطفال الروضه يعلمو ان ما بيننا وبين الجنوبين ما صنع الحداد, يعني بالدارجي عشان تفهم نحن العدو المشترك والاوحد واليوم اليشوفو ليهم جندي سوداني واحد عبر الحدود يسيبو كل شئ ويبقو لينا في تولا , والامم المتحده تطلع قرار ورا قرار وامريكا ترعد وتزبد وتهدد ولو ما انسحبنا البي 52 فوق فاخورتك المليانه طايوق دي. يا اخي انت والله طلعت ماسوره ولا تفقه اي حاجه عن اي حاجه.
الصحافى الفذ في العالم الذي يمارس حرية الصحافه هو الصحافى الناقد فى مجاله الصحفى ولا يملى إقتراحات فى غير إختصاصه فارضا نفسه وصيا على الامه فهذا تعدى من حدود الحريه الصحفيه الى الهمجيه والفوضويه . أمثالك من يفتح بمثل هذه ‘ الشطحات الإستفذاذيه’ ابوابا لرجال الأمن لتكتيم أفواه الصحافه ثم يتباكى على بعدها على حظر صحيفته.
قمة السذاجه
1/ هذا قرار استراتيجى امنى لا ياتى باختراح فطير كهذا
2/ ناسنا كان قدروا يأمنوا بترولهم الهنا يكونوا ما قصروا