مواطنو شندي يتدافعون صوب ماء نبع في منطقة خلوية !
توافد المئات من مواطني شندي لمنطقة (قريش) علي ضواحي المدينة للتبرك بنبع مائي ظهر أثناء حفر أساس منزل في المنطقة . وقال عبد القادر الدباغ صاحب المنزل انه كلف أحد العمال بحفر أساس لتشييد مبنى بمنزله إلا أن نبعاً من الماء الصافي انفجر في وجه العمال . وأشار الدباغ (62 عاما) ويعمل مزارعاً بأنه فقد كل الاواني المنزلية التي تصلح مواعيناً لحمل المياه بعد أن صار بيته قبلة للمواطنين للنهل من ماء الينبوع . وأضاف الدباغ ضاحكاً : (أصحاب عربات الاجرة أنشأوا خط مواصلات يسمى ( البئر الصالحة) لحمل المواطنين الي بيتي ).. وعلم ان شيخ الزاكياب ، الشيخ الحاج حمد الرفاعي زار البئر ووصف ماءها بانه مبارك يعالج الامراض مثل (البرص)و(الحميات). وذكر أحد المواطنين إلتقته صحيفة حكايات ان ابنته التي تعاني من (سخانة العيون ) شفيت بعد أن استحمت بالماء الذي أحضره لها من البئر.
يعني زمزم بقى عندها منبع جديد فتح في السودان ولا شنو ؟؟؟!!!!!
ده التخلف والمرجعنا كل يوم لي وراء .. يا ناس أصحوا صالح شنو وعلاج شنو ..
صحي الفاضي بعمل قاضي !؟!؟!؟
انتوا (مضايقين مالكم) اصحاب التعليقين االاول والثانى ربنا ماقادر خلق الارض والماء والبشر ودى ماء ماخمرة مايشربوا ويعملوا الدايرنوا انتوا ابلغوكم بسبب نبع الماء!!!:mad: 😡
ياأهل شـنـدي بركـه شـنو ؟ دي زي قـصـة مـويـة القضارف في منتصف السبعينات
كان الاعمي شايل المـكـسر وطبعـاً كلها دجل في دجل
أرجو من أهلنا العاقلين في قرية قريش أن تبصر الناس بأن ما يحدث ينم عن جهل ليس إلا ونرجو أن يستفيد الناس منها بعمل صهريج ماء ضخم ليغذي القرية بالماء الصالح للصحه….والتحية لأهلنا في قريش والقليعه ومويس وحوش بانقا وقندتو ….ألخ
واللة ياناس قريش حيرتونا . كمان جابت ليها موية مباركة . المرة الجاية ماعرفين حاتقولو شنو . عمار حسن . مويسابى
والله يا جماعة الله قادر ويمكن يكون فعلا ماء مبارك بس الخوف ما يكون العمال ديل بحفروا قطعو خرطوش الموية بتاع الحكومة الداخل للبيت وعملو لينا فزورة فشنك;) 😀 😀
والله يا جماعة حكاية غريبة الناس دائما بتصدق وأخونا القال مضايقين ليه ما اضايقوا ياخي الناس في القرن 22 ونحن لسع في بئر الدباغ . . هذا إنما ينم على تعلق أهلنا الطيبين بقشة لكن أدوها صنه بكرة الموية بتبقي أي كلام
السلام عليكم , نبع ماء عادى ما داعى للكلام دا وشنو اتبركوا بيها دا والله تخلف , ودا كلام شنو يا ابونا الشيخ انت حللت الموية دى ولا شنو علشان تعرفها مباركة . شوفوا ليكم شغلة غبر المواضيع دى
والله يا اخوانا نسال الله الهدايه طبعا انا جار صاحب المنزل والمويه مالحه لاتصلح للشرب اطلاقا…………………… والشئ المخوفنا اكتر انو الناس بدات تعتقد فيها
كان كده والله يا ود العجب كتروا العناقريب سااااي ، اللواري جاية في الطريق وراجيكم جنس تكسر ؟؟؟!!!
الدنيا مليانا بالدجالين هو الزمن ده فيه معجزات مع كثرة شياطين الانس وبعدين الامر عادي اسع لو مشيت منطقة بارة تحفر بسيط بيجيك الموية انقية وصالحة للشرب يعني بارة كلها بركة في بركة عقلوا يابشر
اقسموا لصاحب هذا المنزل جزء من الاموال التى تحلون عليها للناس الذين يبيعون الماء وأصحاب عربات الاجرة هذا لرزق ساقه الله لكم اتمنى ان تكون ماسورة قديمة منسية .
للاسف الشديد مازال اهلنا في السودان عايشين في ضلال وجهل شديد موية شنو المباركة شغلة بتاعت ناس فارغين العمل وحده المبارك العمل الذي يتكسب منه الانسان ليوفر لقمة العيش له ولاهله والعمل العبادة لله وحده دون سواه اما موية تشفي وتراب من ضريح الشيخ فلان ده جهل شديييييييييييييييييييييييييييييييد والواجب على الناس تعمل على ترشيد وتوعية الناس الجهلة دي لان الاعتقادات دي ممكن تؤدي الى شرك اصغر والعياذ بالله والله المستعان وكلكم راع وكل راع مسئول عن رعيته والدين النصيحة
كلوا جائز ومافي شيء بعيد
ارجو عدم السخرية من اهلنا البسطاء فكلنا منهم وكلكم منهم
:crazy:
بالله عليكم دي موية ناس (قريش) عملت كده .! طيب موية ناس (بني هاشم ) حتعمل شنو؟
حسبنا الله ونعم الوكيل..أعوذ بالله من الشرك..أدعو لهم بالهداية فالشافي هو الله:mad:
طبعا كان الواحد قال رأيوا يطلعو المنظراتية ويتهموك بانك ما مقتنع بالمعجزات والبركات وكده لكن فعلا الغريق بيتعلق بقشة وكم وكم حوادث حصلت وشيوخ طلعو دجالين والغريبة الناس بتسمع وبرضو ترجع تصدق من جديد:mad: 😡
ذكرتونا حكاية الفكى اب نافورةالطلع هو ذاته واحد نافورة
الجماعة ديل قايلنها زمزم ولا شنو :confused:
دي كرامات اال قريش بشندي اهل البشير
و قريبا جدا سنسمع عن خوارق ستحدث في
لاهي و مع اوكامبو
اللهم اصلح امرنا 😮
هههههههههههههههه اكيد الحكومه حاتصادر البيت والبئر للصالح العام
حصلونا ياناس المياه الجوفية قبل ما يعدى المرضي بالامراض المعدية الاصحاء … انتبهوا ياناس شندى … وين ناس وزارة الصحة .. اتحركوا ياناس قبل ما يحصل الحصل في مياه القضارف …
عووووووك اااناااس الجماعه قبل كم يوم حفروا الزريبه ولقوا ليهم كم حمار ميت على كديس على ضب … يلا اجرو اتبركوا ما دي بركات الشيخ البرازيلي
يا عالم ما تفكونا بلا وهم بلا كلام فارغ و أصحوا شويه
ديل عندهم نفسيات يفتشو عن الحجج
ده زي زول الكريمت القال بعالج الناس بالكي ولكن للاسف الشديد أمرض الناس بهذا الفعل الشنيع والدجالين كثر
احذرو الدجالين
أبو محمد أتق الله فيما تكتب
أنا من المناقل وبعرف زول الكريمت
وأنت ما فاهم حاجة بتسمع بس
أولاً الراجل تقي وبخاف الله
وما تسمع وتحكم وأتق الله ياخي
هنالك بعض المياه الجوفية بها المواد التي تعالج بعض الامراض الجلدية زي ابار عكاشة لو سمعتو بيها في حلفا القديمة ولكن ليس فيها نوع من البركه او المعجزة ولا تعالج كل الامراض كما يشاع عنها ، وعلى الجهات المسؤولة ان ترسل لجنة من المختصين لتحليل المياه ومعرفة المواد الذائبة فيها حتى لا تكون بها بعض المواد الضارة بالناس وبعد ذلك يتم التعامل معها على ضوء تقرير الخبراء .
:lool: :lool: :lool: :lool: :lool: :lool: :lool: :lool:
نحن نقفز بالزانة إلى الوراء يعني بعد مضي أربعة عقود على خرافة الفكي أبو نافورة بالقضارف نعود الآن إلى البئر الصالحة في شندي، يا أمة ضحكت من جهلها الأمم.