كوش نيوز .. أخبار السودان بين يديك

صاحب دكان معاق حركياً يقول: الدولة حرمتني من ابسط حقوقي واعاني جداً في اشياء لا تستحق



شارك الموضوع :

[JUSTIFY] الدولة لم تمنحني حقي كمواطن معاق … احب الهلال حد الثمالة والبرير كرهنا الهلال واليوم العرفنا فيهو الهلال… الهلال بقي مسيخ بعد مشي منو هيثم مصطفي…. كل امنيتي ان تكون لي وسيلة نقل كاي معاق.. بدأت التجارة مبكراً وما ناجحة معاي لهذا السبب… ابراهيم العبيد صاحب الشخصية المرحة والقلب الطيب كما يقول عنه أهالي الثورة يسكن بالثورة الحارة53 ويعاني من إعاقة حركية قابلناه في متجره الصغير بالقرب من مكان إقامته وتحدث الينا بكل شفافية وقال:بدأت إعاقتي منذ فترة طويلة واعاني بشدة في الحركة من مكان لاخر…وعندما سألنه لماذا لا يكون لك موتر معاقين؟؟قال: اي شي الزمن ده داير واسطه وانا ما عندي واسطة عشان اجيب لي موتر وانا بسمع في كثير من البلدان العربية والغربية ان موتر المعاقين هو شي تمنحه الدولة للمعاق لكن عندنا هنا لو ما عندك واسطة ما بتقدر تطلع اي شي..وقال ان ابسط الحقوق هي بطاقة المعاقين ولكن انا عشان اتطلع البطاقة دي روحي طلعت من الجري وطلعتها بعد سنة كاملة..وقال اتمني من الدولة مساعدتي حتي اتمكن من الحصول علي وسيلة نقل تنقلني لانو بصراحة عشان اطلع مشوار بركشة بتعب جداً…وقال انه ظل يعمل في مجال التجارة لفترة طويلة ولكن دون فائدة او ارباح اجنيها لان كل الارباح التي اتحصل عليها بصرفها ركشات وامجادات…وحاولنا ان نخفف من احزانه حتي يطرح وجهه الذي بدأ حزيناً وسالناه…ماهي علاقتك بالفن والرياضة فقال: بعد ابتسامة خفيفة انا بحب الهلال جداً جداً ولكن البرير كرهنا تشجيع الهلال بعد ما شطب البرنس وعلاء الدين وسادومبا لكن الحمدلله المشي خلي الهلال..وعن علاقته بالفن قال انا شايقي واكيد مدمن طمبور وبستمع لمحمد النصري بصورة كبيرة…وفي الختام تمني ابراهيم ان تسهل الدولة اجراءات حصوله علي وسيلة حركة حتي يرتاح قليلاً ويمنح حقه كمواطن معاق…

ياسين الشيخ _ الخرطوم النيلين[/JUSTIFY]

شارك الموضوع :

2 التعليقات

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *

    This site uses Akismet to reduce spam. Learn how your comment data is processed.

    سودافاكس