جرائم وحوادث
محتال بيده مايكرفون يستولي علي مصوغات طالبة بالخرطوم
وقعت طالبة جامعية ضحية لإحتيال شخص إدعى إنه يعمل إعلامياً بالتلفزيون ، وإستولى علي مصوغات ذهبية كانت ترتديها وأختفى في الزحام . وقالت الطالبة الضحية في عريضة تقدمت بها لوكالة نيابة الخرطوم شمال أن المتهم صادفها في شارع الجمهورية وهو يحمل في يده (مايكرفون ) ، وأدعى إنه إعلامي بالتلفزيون يستطلع المارة ويقدم لهم أسئلة مسابقة سيعلن عن جوائزها في برنامج يقدمه للتلفزيون . وبحسب صحيفة حكايات أضافت إن المحتال شغلها بأسئلته ، وبهذه الطريقة إستولى علي مصوغات ذهبية كانت ترتديها وإختفى فجأة في زحام السوق الأفرنجي وفرنداته . من جهتها وجهت النيابة بفتح بلاغ في مواجهة المتهم تحت المادة (178) من القانون الجنائي (الاحتيال).
معقوووووووووووووووولة يا ناس ..القصة دى ما ركبت راسى كلو كلو …….؟
كـيـف يـعـنـي غـفـلـهـا وهــي كـانـت تـلـبـس صـيـقــتـها دي عـاوزا شـرح
كيف تجي دي..؟ ماسك المايك بيد ويسرق باليد التانية سواء كان غوشية أو حلق أو عقد لازم يستعمل يده التانية إلا إذا كان عملها سحر كدا ممكن نقول كلامها صح.. وبعدين هي طالبة الملبسها دهب شنو.. يا ناس الصحيفة النشرت الخبر صيغوا الخبر كويس وتاكدوا من المعلومة ولا تشوهوا صورة الزول السوداني الطيب وهي ما ناقصة!
شارع الجمهورية ولا شارع بانتيو ههههههههههههههههههه
ما فهمت شى
كيف كان بيتكلم معاها ومد يدو عشان ياخد دهبها
الرواية فيها شى من عدم المنطقية
,والله دى خضر الحاوى الله يرحمه لو مان داير يعملها ما كان قدر عليها يلا يا بت بطلى لخمة واعترفى وين وديت الدهيبات واطلبى العفو من اهلك بلا دهب بلا ضهب
دا شغال في قناة الشروق مرت من هنا ولا صنو
عدلو القصة يا بتاع الزاوية 😡 قصدي الناصية :rolleyes:
يا اخوانا امكن البت دي رافعا ايدها فوق توري في دهبها وعلى ما اظن القويشات اكبر من ايدها املصن صاحبك عمل يع وشتت بيهن . فكونا دة لو لابسة دهب متسحيل اسرقوا منها الا اقطع رقبتها ولا اضانا ولا ايدها فطونا انتو قايلننا فارات ولا شنو
كلام غريب لا يصدقه عاقل .. هل كان المذكور يحادثها وهو يمسك بمصوغاتها التي ترتديها أم ماذا .. يعني القصة لا تصدق حسب الرواية أعلاه .. الا اذا كان صاحبنا بتاع الميكرفون عنده مساعدين هو شغلها بالأسئلة والآخرين سحبوا المصوغات ؟!
ياناس الحكاية أنا كشفتها وهي إنو صاحبنا ظهر ليها في شكل حمار النوم والبنت تابعتو بدون وعي وسرح بيها في زقاق ،،،،،، مش تحليل منطقي برضو ؟؟؟؟؟؟؟؟؟ يا ناس النيلين والله حرام عليكم خمسماية مرة قلنا ليكم ما تجيبوا لينا أخبار مبتورة من صحيفة حكايات. شاكرين جهودكم ولا نبخس حقوقكم بس إحترموا عقولنا .
;(
افهموها يا جماعة …. نومها مغنطيسيا … وسرقها … تستاهل … ودى حرامى آخر زمن وياما شوف … وسلامتكم
idont belive this this man rigjt this is bic laier:mad:
ده كلام عارى من الصحة اطلاقا… ويا ناس صحيفة حكايات خبر ذى ده ما مفروض تنشروه انتو قايلين القارئ راسو خاوى للدرجة دى .. احترمونا شوية يا ناس…
والله ياجماعة دا لو فيلم هندى ممكن نصدق
كالمعتاد كل مرة حكايات تطلع بقصة صعب تصديقها والهدف زيادة المبيعات . حرام عليكم احترموا عقول القراء . لكن ليكم حق ما دام في ناس بتشتري الجريدة المشكلة في النيلين ليه ينشروا خبر زي ده ؟ ده خبر طفل ما يصدقو :lool: :lool: :lool: