حاتم أرباب : هل هذا البلد يحكم بالإسلام ؟
اللهم صل وسلم على سيدنا محمد القائل كلكم راع وكلكم مسؤول عن رعيته.
ويقال أن سيدنا عمر بن الخطاب مرة رأى إبلاً سمينة ، سأل خليفة المسلمين هذا السؤال قال : لمن هذه الإبل ؟ قالوا : هي لابنك عبد الله ، فغضب أشد الغضب ، قال : ائتونِي به ، جاؤوا به ، وجده غاضباً ، قال : لمن هذه الإبل ؟ قال : هي لي يا أبتِ ، اشتريتها بمالي ، وبعثت بها إلى المرعى لتسمن ، فماذا فعلت ؟ أين الخطأ ؟ انزعج سيدنا عبد الله ، قال له : و يقول الناس : ارعوا هذه الإبل فهي لابن أمير المؤمنين ، اسقوا هذه الإبل فهي لابن أمير المؤمنين ، وهكذا تسمن إبلك يا بن أمير المؤمنين ، علمت لماذا هي سمينة ؟ لأنك ابني ، بع هيه الإبل ، وخذ رأسمالك ، ورد الباقي إلى بيت مال المسلمين .
اعفي هذه السيارات من الجمارك أنها للوزير وأولاده ،سجل هذه القطع السكنية فإنها للوزير ، ادخل هذه البضائع فإنها للوزير أطلق صراح هذا الشخص الجاني هكذا قال الوزير ،سهل إلى هذه الشركة أمورها معارف الوزير ، بلد سعر سيارة الوزير يساوى مليار وراتب الموظف البسيط لمية سنة لا يساوي مليار فهل هذا بلد يحكم بالإسلام؟
بلد تعدم أحلام مواطنيها البسطاء وهم أحياء
كامتلاك سيارة قد تجدها بملغ 300دولار في الخارج
ونفس هذه السيارة قيمتها في السودان 30.000 دولار، مفارقات كبيرة في السودان سعر بيت يشتري 5 بيوت في لندن ،وسعرو بيت آخر يساوى ثمن تذكرة قطر من لندن إلى نيوكسل ،راتب موظفي حكومي شهري لا يكفى لعشاء وزير .
النيلين – حاتم أرباب
ع.ش
والله أنا لمن أسمع بخبر عمل وزاره للمغتربين مرارتي بتنفق، ماذا قدم لنا جهاز المغتربين؟؟؟ لا إعفاءات جمركيه ولا قطع أراضي بس زله ومهانه وتجرجر وزحف بالصفوف وتدفع من شباك لشباك لا نجد إلا الكبرياء والنرفزة
والتعالي والإستفزاز من موظفي الجهاز، ودي بظبط في مكياجه ودي بتفطر ودا بتكلم بالجوال وواحد شغال في جوازات جايه من جنابه وواحد ناطي بجوه ويفتح درج الموظف ويضع عدة جوازات، علي الطلاق لو عندي سلطه ، أقفل ليك الجهاز دا وأوزع ليك الموظفين على الوزارات وأخلي جهاز الشرطه فقط لعمل إجراءات الجوازات وإستلام الضرائب والخدمات.
و أزيدك من الشعر بيت
أنا شخصياً من هؤلاء المساكين المتغربين كنت مرة فى إجازة فى السودان و الدنيا صيف و أناكنت نايم فى الحوش لما صحيت مع آذان الفجر لقيت البيت كلو مقلوب و الموبايل مافى و المحفظة مافى و عندى ملف فيه الجنسية والجواز و الرخصة السودانية و الرخصة الأجنبية برضو مافى و السبب إنى نسيت أطبل الطبلة حقت باب الغرفة و طبعاً الحرامى لما جاء و الظاهر إطمان لأنو لقانى أناغرقان فى الشخير و النوم تقيل.و كمان حرامى تافه لأنو سرقة القروش فهمناها لكن سرقة الأوراق دى لزومها شنو؟
المهم مشيت ل قسم الشرطة و عملت بلاغ و بعد التحرى معاى و جاء الملازم و معاه أربعة عساكر شافو البيت و مشو
أها بعد داك بقت مشكلتى فى الأوراق الضاعت عايز بدل فاقد للجنسية و الجواز و الرخصة فرجعت للشرطة و طلبت منهم ورقة البلاغ عشان محتاج أطلع بدل فاقد
قالو لى تدفع رسوم البلاغ ………
يا اخواننا كيف الكلام دة ……. أنا زول مسروق و مكلوم و إنتو ما عملتو ولا حاجة و لا حتى عايزين تشتغلو شغلكم تشوفو الحرامية وين
و بعد دة الزول يجى يشتكى ليكم من السرقة تقولو ليه أدفع حق البلاغ ؟؟
سبحان الله !!!!!!
المهم مافى حل دفعت حق البلاغ و مشيت طلعت الجنسية
و لكن ناس الجنسية قالو لازم يحتفظوا بورقة البلاغ الأصلية…..؟
برضو مافى حل أعطيتهم الأصل و عملت صورتين من البلاغ
لما مشيت للجوازات قالوا ما بقبلوا ب صورة من البلاغ لازم الأصل…..؟ و قلت ليهم الأصل إحتفظوا بيه ناس الجنسية قالوا لى دى ما مشكلتنا نحنا أرجع للشرطة و طلع منهم بلاغ أصلى تانى….؟
رجعت للشرطة تانى و قالو لى جداً نطلعو ليك تانى بس تدفع تانى…..؟
يا اخواننا إنتو بتتكلمو جد؟
قالو لى ياخى ما تكرهنا لو ما دفعت ما ح تشمو
اضطريت دفعت و مشيت طلعت الجواز
و طبعاً الرخصة صرفت النظر عنها لأنى إنحملت بالديون و بقيت فى الطريقة التمرقنى من السودان
أها و من ديك وما صدقت إنى سافرت و طلعت من السودان و ترانى أنا لى هسة أجرى و أتلفت
تانى ياالسودان أكان جيتك أبلعنى و غطس حجرى !!!!!!!
[SIZE=6]لما سأل عن العدل أدفن مع عمر[/SIZE]
الاخ الكارب خليهم يجعلوا وزارة للمغتربين لان عدد المغتربين صار خرافي ولسع في ناس في الاجراءات والصف يعني المغتربين يستاهلوا وزارة ويتم استلام مكاتب شؤون المغتربين الذي لا معنى له غير خدمة مؤسسة الضرائب والجبايه . لو الهدف مخطط له ومدروس سوف تكون من انجح الوزارات للاسباب التاليه حسب معرفتي البسيطه 1/ هنالك خبرات وكوادر مهاجره في جميع التخصصات عندما تكون الوزارة لديها احصا دقيق لجميع طوائف المغتربين اعني بالطوائف المهن ممكن تستدعيهم للحاجه لا نريد تسيس للامر لانه مضر اكثر من ما يخدم دولة 2/ سهولة متابعة ظروف واحوال المغتربين 3/ نقل التقانات حسب انتشار المغتربين تقلب حجر تجد تحته سوداني وهنالك سودانيين نسوا اوطانهم بجهل الحكومات لهم 3/ تنشيط الثقافات بين الدول نريد دبلماسية شعبيه قويه لها تاثير
لا وبليون لا وأبعد ما يكون عن الإسلام ” شعارات فقط ” وهم المسؤولون يوم القيامة عن كل ما يحدث وسيحدث للبلد ” كلكم راع وكلكم مسؤول عن رعيته والمسؤولية الكبري على السيد الرئيس عمر البشير ” والليشيل شيلته ويحضر إجاباته للأسئلة أمام الرحمن يوم القيامة ؟؟؟؟؟؟
[COLOR=undefined][SIZE=6]اولا ممكن البعض ما بيعرفو هذا الرجل. انت يا حاتم اول من استفاد من هذا النظام. كم من الجررات ارسلتها السودان. والاستثمارات, وكل شهر بتنزل البلد والظاهر انك شبعته وتحصلت على الجواز الانجليزى.من كنت غلبان لاجئ . الان اصبحت تتكلم فى السياسة. سبحان الله مغير الاحوال. اللهم لاحسد. ولكن هذه هى الحقيقة. اقتل القتيل وامشى جنازتو.[/SIZE][/COLOR]
جهاز شؤون المغتربين ماهو الا جهاز تحصيل فلوس المغتربين.. والمال السايب بعلم السرقة..انا بعرف زول كان شغال فى الجهاز دا سمن لمن بطنو كانت عايزة تتطرشق عارفين ليه ؟ علشان الزول دا بمقابل بسهل للمغتربين كل الاجراءات وهم قاعدين فى مكتبو بشربو شاى..اغرب حاجة مرت فى عقلى وانا انظر اليه انه الزول دا احتمال كبير يكون راتبو البياخدو من الضرائب البندفعا نحن المغتربين وشغلو هنا علشان يخدمنا نحن المغتربين القاعدين ندفع ليهو ماهيتو من عرقنا وكدنا وتعبنا وهسى هو عايز يخلص لى اجراءاتى وكمان عاوز يهبش من جيبى يعنى بالعربى الفصيح الزول دا عايش استنكاح سااااى وما خسران حاجة من جيبو وبدل ما يخدمنى انا البدفع ليهو ماهيتو من قروشى اجى احنس فيهو واكسر ليهو تلج علشان يخلص لى اجراءاتى ولاا يخفض لى ضرائبى يعنى صورة مقلوبة للاخر وهذا لا يحصل الا فى سوداننا العزيز وهسى كمان من جهاز عاوزين تقلبوا وزارة؟؟ هو الزول دا هسى موظف ساااى هابش هبش تقيل وزل جايب ليهو خبر دا لو بكرة بقاموظف فى الوزارة دى تانى نقدر نتكلم معاهو كيف؟؟
يا اخي حرام عليك اسه اسروق الفكرة واعملوها الحرامية بالجد
وبعداك ح ندخل في تعب ما بعده
والقرشات البنحوش فيها دي للزمن والزمان ، اشلوها مننا عشان دارين نبني مدارس او مستشفيات او عشان ناس غسل الكلي محتاجين اجهزة المهم ادخلو باسم الدين والمعاملة الدينة ، ونحنا ناس القلوب الرحيمة ندفع وندفع وندفع و…..و……و…..و…
وبعدين قرشاتنا الجايبنها بعرق جبنا تدخل في بيت الوزير شي عربات فخمة وشي ذهب لى مرت الوزير ومشاين اصيفو في جزور المادليف 😡 😡
وبعدين اقولو لينا
الله اكبر … الله اكبر ….هى لله هي لله هي لله …. لا للسلطة ولا للجاه
وتلقى الوزير خدودو نايرة من الاكل والشراب والراحة
وما تنى علامة الصلاة وسط النيرة دي سوداااااااااااااء:D 😀 😀
واللا انا غلطان
ده كلام خطير كيف يكون سيارة الوزير ثمنها اكثر من مليار ؟ وعليه يجب على النائب العام ورئيس القضاء ونائب الرئيس بعمل لجنه بتقيم كل امتيازات الوزراء بالدوله وعمل مسودة وسيارات جياد اخر موديل بدلها وتسليمها الى وزارة المالية للتصرف فيها واياع المبالغ الى الصحة والتعليم بالدولة والناس احوج للعلاج والتعليم وليست تضيع وتبديد اموال المواطن فى سيارات فارهه وما استفاد المواطن من وزير يعمل يا دوب شهر ما تماهه وبالتالى الشفافيه والله سوف يسالكم عن ذلك واللهم فاشهد بلغنا كيف التصرف السليم قبل الحساب من الله والله المستعان فى حق المواطن السودانى وهل يعقل فى بلد تعانى الضيق الاقتصادى وداعيه باسم الاسلام وووووووووووووووووووووووووووووووو؟
كيف اخونا السيسى يسمح بنفسه بالتفرقه وجعل العلم حكر على فئه معينه او لولايه معينه ويعتبر ذلك شكل من اشكال الفساد والمحسوبيه والمفروض تنافس كل شباب السودان فى تلك البعثات المجانية والتى تاتى من تلك الدول للمواطن السودانى عموما اى كان ويحمل المؤهلاات ل1لك ويجب ان يكون هناك تحقيق فى الامر حتى لا نسمع بكره دوله داخل دوله وعلمتنا الانقاذ مثل هذه التصرفات والله المستعان فى حق المواطن السودانى والمراجع العام يجب ان يذهب الى كل ولاية ويتحقق فى كل الاموال الداخله والخارجه هل صرفت فى المجال الصحيح وبدون تحيز وبكل شفافيه ولم نسمع ذلك حتى الان ؟؟؟؟؟؟؟؟؟؟ فى كل الولايات لم نسمع شىء ؟
لا فض فوهك يا أخ/ حاتم
أصبت عين الحقيقه , واتيت بالمختصر وخلاصة القول والتحليل للوضع الكارثي في السودان .
المشلكة الداء استوطن في كل مفاصل الدولة . والعلاج يحتاج الي مراجعه شاملة واعادة صياغه لكل سياسات الدولة . والله المستعان . بلد راتب المعلم والطبيب فيه في الشهر اقل من ما يتقاضاه ماسح الاحذية في السوق !!!