جزيرة مقرسم تستقبل الزوار في مارس
وتقع الجزيرة السودانية على بعد 200 كلم من مدينة جدة السعودية و280 كلم من مرسى علم المصرية، وتعود ملكيتها لمجموعة الحصيني السعودية للاستثمار.
وسيشيد على الجزيرة مطار تبلغ مساحته 6 كيلومترات، وميناء مصمم بشكل حاويات لاستقبال السفن الكبيرة، إلى جانب مدينة المعرفة للجامعات، وأكبر منطقة مخصصة للغوص في البحر الأحمر، ومجمعات تجارية ومناطق ألعاب، لاستقبال جميع السكان على مستوى العالم.
وكان الرئيس السوداني عمر البشير، قد وضع حجر الأساس لمشروع جزيرة قلب العالم في شهر ديسمبر 2012.
مناخ مثالي
وقال الخبير الاقتصادي عادل عبدالعزيز الفكي، إن ساحل البحر الأحمر يمتاز بنقاء مياهه وخلوه من الملوثات، بجانب جمال الشُّعب المرجانية. وأضاف أنه خلال الشتاء يمتاز الساحل بطقس يمكن الهاربين من الشتاء القارس في أوروبا واليابان من المجئ إليه والاستجمام به.
وأكد د. عادل أن أي منشآت سياحية تتم على منطقة ساحل البحر الأحمر تكون لها جدوى اقتصادية كبيرة وستضيف للاقتصاد القومي والولائي.
يشار إلى أن جزيرة قلب العالم التي تربو على مساحة 30 كيلومتراً مربعاً بولاية البحر الأحمر تعد منطقة حرة متكاملة باعتبارها أول مشروع عربي عالمي استثماري يقع في منطقة واحدة تتضمن مطاراً وميناءً دوليين وسكناً عقارياً وتعليمياً ومراكز مالية واعتمادات عمالية ومكاتب وقنوات إعلامية وفضائية وفنادق ومدن رياضية شبابية علاوة على أسواق تجارية ومدناً سياحية وصناعية وتجارية وتخزين.
ويربط المشروع بالتقارب البيني العربي السوداني وبين الدول الأفريقية والعربية خاصة السعودية.
شبكة الشروق
[/JUSTIFY]
[SIZE=4]صدقوني بعد كم سنه السعوديه حتعتبر الارض حقتها وحطالب بضمها للسعوديه لانو بملكها بالكامل سعودي وحنخش في حقي وماحقي عشان كده من هسي ختو قواعد وقوانيين واضحه تحفظ حق السودان في ملكيتها [/SIZE]
مع ان شبكة الشروق سودانية الا ان الشخص حين يقرأ الموضوع او لخبر يحس من الوهلة الاولى ان لاعلاقة للسودان بالموضوع وكانما صيغ وحشر اسم المستثمر وكانه في بلده وليس في بلد اخر وكان السودان لا علاقة له بالموضوع رغم ان الرئيس هو واضع حجر الاساس..
ونصيحة ما ترمو كلام حلو دا واطة المرة دي الزول كلام صاح وحقيقة حيقع في مكشلتها الاجيال القادمة ..
وان شاء الله يا حلو تمشي شهر العسل هناك دا ان لقيت ليك عروس
نحن الاستثمارات من اي دولة في العالم لكن ان بقوانين وقواعد تثبت حقوق كل طرف في المصلحة ولذالك يكون الامر متفا علية حتي لا يبقي كسابق الاحداث
ومثل ما قال الاخ حلو كلها بضعت سنوات والا السعودية هقول حقتها واما كاتب هدا المقال لا حول ولا قوة الا باللة تقرا الموضوع كانو نحن المستثمرون
والاخرين اصحاب اتق اللة
“تقع الجزيرة السودانية على بعد 200 كلم من مدينة جدة السعودية و280 كلم من مرسى علم المصرية، وتعود ملكيتها لمجموعة الحصيني السعودية للاستثمار”
كلام عجيب!!!!
المفروض تكون نقطة الجوازات فيها سودانية والسعودي والمصري وباقي الخلق يدخلوا بفيزا والسوداني بأي إثبات شخصية ساري المفعول- ده هو الفيصل في السيادة السياسية. أما المردود الاقتصادي فيعتمد على ما اتفق لعيه الوزراء السابقون في فترة عرفت بالتفريط في كل شيء وإغداق العطايا على الأجنبي لمجرد كونه أجنبي.
*** أول شئ ناسنا ديل مابيعرفوا شئ عن الإستثمار
*** وتعود ملكيتها لمجموعة الحصيني السعودية للاستثمار
*** في إستثمار بالشكل ده
*** ياريت نلغي أي شئ إسمه إستثمار ده إسموا خراب بلد كامل
*** حكومتنا فاشله بمعنى الكلمه أعطت المصريين إستثمارات زراعية بملايين الأفدنه لمدة 90 عام
*** ……………………………………………………
حدث لي موقف اعتقد ان له علاقة بالخبر
بحكم عملي كمهندس في مجال الاستثمار بالمملكة بنقابل مستثمرين سعودين من كل الاصناف فيما يخص الاستثمار داخل السعودية، واحد من المستثمرين البتعامل معاهم بشكل اسبوعي تقريبا وعندو استثمارات بسيطة كان يتصف بالتقشششف الشديد في تنفيذ المشروع بشكل ازعجني جدا وبقينا نتحايل عليهو عشان يطبق اقل شروط العمل، كان رجل في شكلو مختلف عن باقي المستثمرين ولا اقصد الاهانة ولكن كان بيتنطط بين المكاتب عشان يمشي اموره وحتى كان يفضل الواتساب عن المكالمات في امور ممكن تكونرسمية وغيرو وغيرو.. ما علينا
الرجل وفي الاغلب بزلة لسان وانزعاج من ادارتنا قال السودانيين ادوني جزيرة كاملة ما عملو البتعملو دا!!! وكانت بشكل استهتاري وتهكم اغضبني جدا ومعاهو مفااااجاة كبيرة انو الاخ دا هو مستثمر قلب العالم (والله انا القلبي وجعني)، فضلت مستمع للنقاش بين الموجودين وهم يضحكو ويسخرو من المشروع ومن انو رئيسنا شخصيا مهتم بالمشروع للمستثمر دا والضحك يملأ المكان، الرجل شكلو ما كان يعلم اني سوداني (ملامحي شوية مخلوطة ومواليد الخليج) وبغضب رديت عليهو وبحاول اجمع في نقاط القوة في حكومتنا وسياساتها للاستثمار للدفاع عن ما بقي من كرامة… ما لقيت شي غير اقول انا سوداني ويا ريت تستحو على دمكم واتمنى يااا سيد الحصيني ياالتاعبني في صيانة ما بتتعدى الكم الف ريال انو ربي يوفقك ويجعل على يدك مشروع بيكلف اكتر من 11 مليار دولار ممكن نفتخر بوجوده على الاراضي السودانية ونسكت على الاقل القاعدين ديل ويكون وضعك العام الشايفو دا تواضع لله وتخلص لي الحاجات الطالبة منك بكم الف ريال من ال 11 مليار دولار المحوشة دي….
وللعلم يا جماعة افتكر في ظلم واقع على المواطن دياب إبراهيم دياب بخصوص ارض المشروع ما متاكد من صحة الموضوع دا ولا عارف الحصل فيهو شنو…
دايما حريص اني ما اكون متشائم ولكن …. لكي الله يا بلادي !!
لكي الله يا بلادي . و الله كلامك حيرني ما عارف اصدقك ولى لا . على العمووم لغايت حسا ما حصل اي تقدم و ما شايفين و لا سامعين اي حاجه . فاظن انو مشروع تافه (كلام خارم بارم) و عملو بيهو قومه و قعده ساكت . و اصلا المفروض الجزيره دي تكون مستأجره لي دياب ابراهيم دياب . لمشروع محميه طبيعيه للحيوانات .