حليمة الجاك: حبيبي عمر البشير ارجوك لا ترحل
الأمن جيد في كل بقاع السودان إلا من ابى(بعض متمردي الأطراف البعيدة يذيقون أهلنا هناك سوء العذاب ويدمرون سمعة السودان) العراق موت ودمار، ليبيا ومصر يقتتل الأهل مع بعضهم سوريا أخبارها تفطر القلب كل ذالك تفوح منه رائحة الموت والدم، والخوف والهلع لا يغادر أحد.
حبيبي عمر البشير استحلفك بالله أن لا تغادر إنجازاتك أكثر بكثير من الإخفاقات البسيطة بسبب بعض البطانة الفاسدة حولك.
لن أفصل في إنجازات كالشمس لا يراها من به رمد في عينيه لا يراها إلا حاسد أو حاقد.
حبيبي البشير يكيفيك أن ترفع العصا لمن عصى، ستجدنا في طاعتك ونلبي نداءك أنت رجل يعشقه السودانيون.
وإن شاء الله ربنا لا يوفق أي شخص يزعلك، أنت والينا ورئيسنا وحبيبنا وأميرنا ويجب علينا سمعك وطاعتك.
البشير أنت رجل طيب عفيف وكريم ومتواضع وبسيط وذكي لذالك نحبك ونعشقك،حبيبي عمر البشير أرجوك لا ترحل.
حليمة الجاك
[SIZE=4]يحبك …. [/SIZE]
حبتك الجرادة يا حليمة قولي امين
عشان الاشكال دي السودان متزيل كل شي ولو بحثت عن سبب الحب تجدها قطعة ارض او منحه في بنك ربوي او هبه من حبيبها البشير قبح الله وجهك وجمعك به في النار انتي والهندي بئس الصحفيين
حليمة الجاك، الإسم المستعار للهندي عز الدين.
ان شاء الله الحب يترجم في ارض الواقع ويزوجك
شبهينا وتلاقينا
واللة يا جماعة البشير في شخصو انسان طيب وودناس لكن الكيزان التحت منو دوول الخربو البلد ودمروها مع اولادهم حتي لا تشكو في اني مرشتي جا تصنيفي كالاتي الزول دا بيدي المصرين بالجزمة والجنوبين بالعصي وما قاعد يصيع في القاهرة ذي الجماعة التانين والواحد تلقاهو في القاهرة ما جايب خبر لمن يشيلوة من الحكم ودا انا ما معناة اريدة ان لا يتنحي ولكن الذي ياتي من بعدة ان لا يكون منبطح هسي عليك اللة الضغط اللاقاهو الزول دة لو كان اي واحد فيكم ما كان جري مانقول الحق واللة لو دا كان نافع المانافع كان يكون مشي ماليزيا والرئيس الجاي يكون انسان شجاع وصاحب قرار قوي ويعامل بالمتل مع كل من تسول لة نفسة واللة نحن معاة في الحق…. واللة اعلم بما اريد
اذا كانت هذه الكلمات حركة من حركات سراج النعيم أو غضبة من غضبات الهندي عزالدين أو حليمة الجاك, فهي تعبر عن رأي صاحبها أو صاحبتها وعلينا احترام أراء الجميع فهذه سنة الله في الارض, بشرط على الجميع عدم كيل الشتائم والاساءات عند ابداء الأراء.
هــــوى يا حليمــه الجاك شــنو كدى قولى بسم الله الرحمن الرحيم و ختى رويسك دا نومى والصباح رباح نوديك لى شيخ ابرق اقرأ عليك .
يا ساتر من الدعاتر ..
يابت الجاك الحكاية شنو ؟
انت قلتي في مقال البسيط دا حبيبي ( للرئيس عمر البشير ) ثلاثة مرات ، وكمان حبيبنا مرة واحدة ونحبك مرة واحدة .
انتي عايزاه يستمر في الحكم ولا يجي يتزوجك ؟؟؟؟؟
( الجاتك ) في عقلك سامحتك ياحليمه ..
عصايه اليقطعوا بيها جلدك ده ….
بطانه فاسده بس يعني هو ما فاسد ؟؟؟
لا بالله نوديكي زياره لي كافوري ولا شنو؟؟؟؟
انت عايشه وين ؟؟؟؟؟
انا غايتو شاكي في الكلام ده كتبو واحد من ناس الامن يكون … لانه سوداني عاقل كده وعارف البشير مابيكتب كلام زي ده … والموضوع ده قطع شك من ناس الامن تلميع ليهو ساي …
الحبة التقوم ليك فى صنقورك يا الهندى …الرئيس هو رئيس ليشنو لو
مجمع الحرامية و حاميهم من القانون و المحاسبة ..قال حليمة الجاك !!!
يا جماعة في ملاحظة
انه لم يكون الموضوع عن انجاز او فتح مرفق او اي عمل وطني في ناس مابيعلقوا ويكتوا ساكت ولم يكون فيه فضيحة من نوع متلتل او امر يخص الحركات والمعارضة برضو يسكتو او يهربوا لكن بمجرد ان يكون الموضوع عن الرئيس او الحكومة بتجي نوعية معينة وتتواتر ردودهم وكانهم كتبوا في لحظة واحدة .. بمعنى اكثر من مرة لاحظت ان هؤلاء لاتجد اي مشاركة تخالفهم الراي وسط مشاركاتهم .. ياترى هل من تفسير
الولية دي هبلة؟
كسير الثلج ذاتو مازي ده
حبيبك يا بت الجاك؟؟؟ اتاريك كل يوم يجو يصحوك من النوم تقولي لا دقيقه يا عمر ياحبيبي خليك لسه
ههههههههههههااااااااا نكتة ظريفة و الله يا حليمة الجاك بتشمت في سوريا و ليبيا و نحن فقدنا تلت بلدنا و الباقي اسوء من كل بلدان العالم و برضو بتحبي البشير يا حليمة انشا الله حبكم يتوج بالزواج