منوعات

نايل يغادر ” ذا فويس ” بأمر التصويت


[JUSTIFY]غادر المتسابق السوداني نايل مساء أمس برنامج ” ذا فويس ” وذلك بعد أن أنصب التصويت لصالح المتسابقة المصرية ” وهم “.
وهذا وقد شهدت الأمسية الكثير من المفاجآت من بينها غناء نايل لأغنية ” الليل الهادي ” رائعة الفنان الجميل شرحبيل أحمد إلى جانب الإفادة المهمة التي ألقاها الفنان التونسي صابر الرباعي في حق نايل واصفا إياه بالنجم سواء بالبرنامج أو دونه .

هذا وقد عمت حاله من الحزن الكبير كل البلاد مساء أمس بعد إعلان النتيجة لكن هذا لا يمنع على الإطلاق من توجيه الشكر لنايل ، على ذلك الظهور المميز بالبرنامج ، والذي قدن من خلاله صورة مميزة لأهل السودان وللمواهب السودانية ، فاتحا بذلك الطريق للكثير من المواهب السودانية للتحليق عاليا في مثل تلك المسابقات العالمية والعربية .

صحيفة السوداني
ت.إ

[/JUSTIFY]

تعليق واحد

  1. تعرض نايل لحسد من ابناء جلدته الذين لا يعجبهم العجب ولا الصيام في رجب . عايزنوا يغني سوداني قوموا لفو هو يعني الغناء السوداني غناء عالمي بالرجالة وحمرة العين . عالم ما تستحي . دا لو غنى بالسوداني من اول مرة كان طردوهو .

  2. ههههههههههههه نجم شنو .. هو الرباعي ولا الخماسي ده زااااتو منو عشان يتكلم

  3. اسعدتنا بحضورك المميز ايها الفتى الاسمر الشامخ شموخ النيل وفتحت أفقا جديد للشباب السودانى رغم احباطه وسرقه أحلامه نتمنى ان تعبر بإبداعك مساحات ارحب من ضيق الحيز العربى فانت اهل لذلك لك منا تحيه التجله والعرفان لكل لحظه فرح عاشها معك الشباب السودانى صانع الفرح وشراره التغيير مبروك نايل لقد نجحت بجداره وكنتا فارسنا المغوار فى تلك الجوله وفارسنا القادم فى جميع جولات المستقبل واصل عطائك بكل الحب والثقه والامل فانت بوابه امل شبابنا القادمه

  4. يستاهل لأنه من الأول أنكر إنه سوداني ولا يعرف يغني بالسوداني “و خليه يغنى لبناني أو مصري وخليه ينفعه” السودان لا يتشرف بك يا “النيل” ونحن ذات نفسنا نشك في أنك سوداني لأنه …. “

  5. نامت كل المدن حزينه لان كل الجمهور كان يتوقع فوز نايل وايها الفتى عد لنا واشدوا بالليل الهادى بصوتك وتاكد انك فوزت ولا تحزن لان المشوار الذى وصلته ما هين ونشكر شيرين لحبها لك والسودان العين الشمال

  6. فى حاجة فايتة على كتير من المنظراتية انو المرحلة الاولى هى مرحلة الصوت وبس لكن فى العروض الاخيرة هى باختيار الجمهور يعنى بالتصويت نايل دا لو حفظ ليهو غنية اغنيتين كان ممكن يثير حماس الكتير لانو ما كلنا بنحب نسمع غربى واتهيألى لى الناس البتحب غربى هم الوصلوهو المرحلة دى ثم ثانية ليه مايغنى زى كل الناس لبلدو ماشفنا العراقيين بغنو لبلدهم وكل الجنسيات بغنو اغانى وبمجدو بلادهم لكن اتا يانايل مشيت هناك عشان تعلم المذيع المصرى كلمات سودانية وكان الاجدر انك تغنى للسودانين حاجة اقلاهو وهم امبارح غنت لست الحبايب بمناسبة عيد الام ياريتك لو حفظت اغنية امى الله يسلمك كاملة وغنيتهاانا متاكد كان ممكن تعمل شغل كويس لانو الجمهور البستمع لغنا غربى دا ما كتير وزى ما اسلفت هم الوصولوهو المرحلة دى او كان تغنى اى من الاغانى الوطنية (حتى لو كنت فى خلاف مع النظام الحالى الاغنيات الوطنية الفت بضم الفاء قبل هذا النظام
    ثانية من يختار فئات ارسال الرسائل هم اصحاب البرنامج وليس شركات الاتصالات لان فكرة البرنامج قائمة على الرعاية ودخل الرسائل النصية الورادة للبرنامج
    ولكم مودتى

  7. فاتحا بذلك الطريق للكثير من المواهب السودانية للتحليق عاليا في مثل تلك المسابقات العالمية والعربية

    ماقلنا ليكم … العرب بنايل ده دايرين يفتحو ليكم سكة المنتشه ..

  8. هههههههههههههههههه يلا بلا نايل بلا كلام فارغ والنتيجه اصلا معروفه من الاول ،، قال صوتو لي ههههههه قوم كده

  9. [SIZE=7]احييك اخي دوشكا وعلا (سواء كان ولد او بنت)…لماذا التحبيط والتقزيم ؟؟؟ اي سوداني طلع واجتهد انو يمثل السودان باي صورة (فنية او رياضية او اخلاقية) يجب ان نوفر له كل الدعم…ملايين في السوداني يستمعون للاغاني الاجنبية وملايين الشباب بيشبهو الشاب ده في تفكيرهم….هل معني ذلك ان كل هولاء غير سودانيين فقط لانهم لا يشبهونكم ؟؟؟ احي كل سوداني جلب اسم السودان للاضواء بخير سواء كان راعي غنم في الخلا او طبيبة نالت امتياز او فنان تاهل لمراحل متقدمة اوفريق كرة قدم عبر مجالات مهمة…ودهـ السودان[/SIZE]

  10. أسعدتنا نايل وأمتعتنا وفعلاً النيل يشرف بأمثالك وإنت عزة ورفعة للسودان ويكفى إنك أول سودانى فى هذه البرامج بس السؤال ليه النتيجة كدا؟ على العموم إلى الأمام مايهمك الطريق قدامك طويل وكل الأبواب مشرعة وكييييييييييييييية لحاسدك اها