منوعات
بالصورة : إستخراج رخصة قيادة سودانية لأجنبي بجنسية مواطن سوداني تثير السخرية بمواقع التواصل !
وكان الاجنبي الذي يعمل بمهنة مهندس قد استخرج رخصة قيادة من إدارة شرطة المرور باحدى مدن الولايات بإعتباره مواطن سوداني حسب بيانات الرخصة التي تحصلت سوداناس على صورة منها ، مما يشير إلى مخالفة صريحة ، أو خطأ مضحك إرتكبته جهة الإصدار .
سوداناسركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
ههههههه وكمان جعلي
[SIZE=4]عادي بتحصل[/SIZE]
الرحصة هينة الله يستر من استخراج الجنسية وجوازات السفر للاجانب – طالما ان هناك نظام مبرمج بالكمبيوترفى استخراج الرخص فمن السهل الوصول لمن اصدر الرخصة المذكورة وتقديمه للمحاكمة العادلة ردعا لامثاله .
خطأ طبيعي يمكن يحصل في أي مكان. الا اذا كان هناك تزوير او تلاعب مقصود و هذا الاجنبي لا يحق له استخراج الرخصة.
بالامس ذهبت لتجديد رخصة سيارتي وازالة الرهن في سلطنة عمان وبعد دفع الرسوم اصدرت لي رخصة سيارتي بصلاحية 21يوم بدلا عن سنة ولم يتم ازالة الرهن.
وزميلي باكستاني ذهب لاستخراج الاقامة واخذوا الصورة بالكمبيوتر والبصمة وكتبوا في اقامته هندي رغم ان كل المستندات بتاكد باكستانيته
عطفا علي ماسبق من تعليق ربما يكون الاجنبي متجنس، ممكن بالزواج من سودانية مثلا بحكم انتشار ظاهرة زواج السودانيات من اجانب
استخراج رخسة سياقة او جواز سوداني لأجنبي وليس سوداني شيئ عادي في السودان .ؤ أعرف واحد اجنبي غير سوداني ولم يرى السودان تم استخراج استخراج رخسةسياقة سودانية له وهو لم يرى السودان . وقد تم اكتساف هذا الامر في الدولة الخليجية التي يقيم بها .
في السودان تدفع فلوس تحصل الممنوع .
[SIZE=5]بصراحة المؤسسات اثبتت فشلها لكي يعلم الجميع بان المواطن اوعى من المسؤولين اي فضيحة اي مخالفة يتم ضبطها من قبل المواطن اين الدولة اولا الموظف الذي يقوم بالعمل غير مؤهل في التعامل مع الحاسوب من حق اي بني ادم اي كانت جنسيته امتلاك رخصة قيادة لكن الجنسية ليس من حق اي شخص الامر الاخر لكي نعرف نحن دولة جباية لماذا لم يتم ضبطه من قبل شرطة المرور واكيد هذا الشخص بعد ما غادر البلد اقر بذلك مسؤولين همهم ملي كروشهم الفاسد نتوقع منه اي شيء [/SIZE]
[SIZE=6][JUSTIFY]أسهل حاجة في الزمن الغابر العلينا ده انك تستخرج أوراق ثبوتية او شهادات علمية في السودان ياخ إذا كانت الجنسية ب 100 الف (جنيهنا القديم ماجنيه الزيف الحالي) يعني أرخص من رخصة القيادة لأنو الرخصة على حسب علمي بمليون تجيك في بيتكم وكلو رسمي [/JUSTIFY][/SIZE]
بلد فوضة الجنسية صارت تعطي للحبش والاريتريين وباقي الافارقة بودن حسيب ولارقيب طالما لاتوجد محاسبة وعقوبات رادعة سوف تستمر هذهي الفوضة
ياخ ناس المرور ديل لو ((عصرت)) ليهم بيعملوك حفيد المك نمر زاته ..
[SIZE=4]ان شاء الله هو ذاته يكون مهندس ؟؟؟
لان اسهل شيء انه يطلق عليك لقب مهندس ,, اذكر اني في احدي السنوات كنت مع صديق لي وقال لي سنذهب سويا لنركب ماكينة فاكس في احدى الدوائر الحكومية ، وهي جهة امنية وحين وصلنا اخطر الحارس انه اتى بالمهندس لتركيب الماكينة فارجو ان تخطر القائد وقوله فلان جا ومعاه المهندس وانا استغرب من كلمة مهندس .. وحين دخلنا المكتب وفتحنا الكارتون ووضعنا الفاكس على الطاولة وتم شبكه بالهاتف والكهرباء اكيد سيعمل تلقائيا فقط قمنا باخبار احدهم كيف يمكنه من استعمال التلفون او الفاكس .. وعند الانتهاء اشار اليّ صديقي يا باشمهندس يا اخي ما راجعت البرمجة وفصل الجهاز مرة اخرى وبدأ يتصفح في الكتالوج ودون قرآة ومرة ثانيا قام بتوصيل الجهاز الا انه حوله لهاتف فقط وبدأ يتصل على رقم فاكس وبالطبع لن يتحول لفاكس الا بعد التغير وثانية طفأ الجهاز وتصنع انه يقرأ من الكتالوج فقال لي يا باشمهندس يا اخي شوف البتاع خلينا نخلص فتحت الجهاز وحولته الى فاكس وقلت له جرب كدا طبعا اتصل على فاكس اخر وارسلنا ورقة وقلنا لهم ارسلوها لنا مرة تانية فقاموا بارسالها وساعتها كان هناك حوالي خمس او اربعة ومنهم برتب صفقوا جميعا ونادى احدهم وقال جيبوا لينا فطور للباشمهندس وحاجة باردة فعلا فضلة خيركم جابوا الكبدة والسمك والفول وضربنا وشربنا البيبسي وعند الخروج التحايا والتوديع للباب ..
سالت صديقي يااخي ماهذه الدراما كلها وشنو باشمهندس اللقبتني بيها دي .. قال لي انا اصلا كاتب ليهم في الفاتور على سعر الجهاز 80 جنيه اجور مهندس وانت المهندس ,, ضحكت حتى كدت استخرج فطوري ,, وبالبساطة دي قال لي اي واحد يجي شايل شنطة ولا لاب توب بيقولوا ليه يا باشمهندس ..[/SIZE]
الكلام دا واضح ولا عايزلو شرح الزول كان سخى والجماعة ديل اعتبروه سودانى يمكن اخذ الجنسية السودانية لانة تم الفترة القانونية للتجنيس ولذلك اصبح مواطن سودانى ماهى خمسة سنة ولا كم
أنا السوداني جيت أطلع رخصة طلعوا روحي غير الدفعتوا تحت تحت …
يعني لو كنت أجنبي كنت أستلمتها لحظتها وبدون تعب ….
هذا زمانك يا مهازل أمرحي …
[SIZE=5]يا أبو مازن … شندي هي عاصمة الجعليين التاريخية .. ولكن تعرضت لنكبات كثيرة مثل حملة الدفتردار التأديبية ومذبحة جيش الخليفة التعايشي بقيادة محمود ود أحمد، مما أضطر جزء كبير من سكانها الأصليين لمغادرتها مؤقتا أو نهائيا مما أحدث فراغا أغرى كثيرا من الأخرين بالمجئ اليها، وهي كغيرها من المدن تضم الكثير من الاثنيات (لامة يعني) وان غلب عليها الطابع الجعلي … بعدين الغريبة في الموضوع أنو ما تذكر كلمة (جعلي) الا تلقى ليك مية واحد ناطي (ما عارف الحارق رزهم شنو !!!) .. في زول قال ليكم الجعليين ديل ملايكة … بس عندما يغلب طابع عام تشتهر به القبيلة لا يمنع وجود كل أنواع القرف والمقرفات ، لكن العبرة بالصفة العامة …والله أعلم.[/SIZE]
كدي يا أخوانا تريثوا، يمكن يكون هندي-سوداني، وهم كثيرين
الغريب شنو البلد مافيها حكومه( سلب ونهب احتراب اقتتال تشريد وتهجير فساد ومحسوبية ) فاضل نشو
قلنا ليكم البلد دى بقت هامله وسايبه ..زعلتوا ….اها تاى وتالت ورابع بنقوله
أقترح لمعالجة الموضوع أن تقوم الجهة مصدرة البطاقة باستخراج جنسية سودانية بتاريخ سابق للمذكور وكمان إمعانا في ال… تصدر بيانا رسميا وتظهر فيه الجنسية وتؤكد حرصها على سلامة معلوماتها وزيادة في ال… ترفع قضية على الصحيفة بإشانة السمعة
[SIZE=7][FONT=Tahoma]من الشايفو انا عاوز ابدل الجنسية السودانية باي دولة شرط ( مقايضة )[/FONT][/SIZE]
يا اخوانا مستقربين ليه وعاملين موضوع وقومه وقعده ما البلد فيها الرشوه عاديهوالتزوير اكتر من عادى من كبارها يعنى تفتكرو تفتكرو شهاده البلفيسر الفايته الحد فى السودان وشهاده الدكتوره كلهاحقيقيه ما تلاته ارباعها ممكن تشتريها من اى كفتيريه ولا قهوه ولو الشهادات دى فعلاً حقيقيه كان العلمه ديل طلعونه من المطب النحنا فيهو 25 سنه من حفره الى دحديره والله يكون فى عوننا