منوعات
سحب جنسيه من دينكاوي بعد ( 49 ) عاماً قضاها في الشمال
قال : الأمر الذي تم معي جعلني حائراً في أمري وذلك بسبب الإنتماء إلي قبيلة ( الدينكا ) من جهة الأب..والإنتماء إلي قبيلة ( التعايشة ) من جانب الأم.
وأشار إلي أن جدوده جاءوا من مسقط رأسهم إلي هنا في العام 1929 ومن بينهم جده شعبان الذي كان يعمل في المجال العسكري.. أما جده رمضان والد ابيه فقد تزوج من السيدة كلتوم مرسال الماحي من قبيلة ( التعايشة ).. فيما تزوج والدي من قبيلة ( الشكرية ) بمدينة كسلا.. أما هو فتزوج وأنجب الأبناء الذين ظل يتنقل بهم في بعض احياء ولاية الخرطوم (حي الضباط) و( حي العرب).. وهو من مواليد مدينة ام درمان التي تفأجا بالقضية التي يبحث في إطارها عن الحل الشافي.
وأعتبر نفسه وأسرته الصغيرة ضائعين ما بين الجنوب والشمال قائلاً : ذهبت إلي الشرطة بغرض إستخراج الجنسية السودانية لابني للدراسة في الجامعة إلا أنني تفأجات بسحبها مني. وعلي هذا النحو ترك نجلي الدراسة في الجامعة.. فيما لم أعد قادراً علي العمل لأنني مقيد بالجنسية.. فكلما تقدمت لوظيفة تطلب مني الجنسية السودانية.. بينما فقدت فرصي في العمل الذي كنت في إطاره رئيساً للسواقين باحدي المستشفيات التي أكتشفوا فيها أنني جنوبي.. فلم يكن أمامي بداً سوي أن تقدمت باستقالتي من الوظيفة التي ظللت بعدها عاطلاً عن العمل قرابة الـ( 7 ) أشهر.. فضاقت بي الحياة ولم أعد قادراً علي توفير المأكل والمشرب لأسرتي..
وأسترسل : عندما ذهبت إلي الجنوبيين الذين يقال إنني أنتمي إليهم تم رفضي ولم يتيحوا لي فرصة الإقتراع في الانتخابات.. علماً بأنني علي قناعة بأننا في الأصل لا نشبههم لا شكلاً.. لا بشرة.. لا طباع.. بعد أن انصهرنا في الشمال منذ سنوات.
الخرطوم : سراج النعيم
[/JUSTIFY]
هسي يفتشو وراهو يلقوهو كان مصوت للإنفصال ، معليش با اخوي الانفصال دا اخترتوهو انتو عشان كدا اتسهل وخليك واقعي وامشي عمر بلدك
الحل عند سلفاكير و باقان الدين اختاروا الأنفصال
و لو كل جنوبى عاش فى الشمال منح الجنسيه السودانيه
فلن يكون فى الجنوب الأ أعضاء الحكومه لأن كل الجنوبيين
ارتبطوا بالشمال مند عشرات السنين ..
لا نشبههم لا شكلا ولا بشره لا طباع , اها دى الحاجات الفرتقت السودان و حاتفرتق اسرتك يا الدينكاوى!!
[SIZE=7] س سؤال اذا كانت الجنسية سحبوها منه هو فقط نقول ان الامر يستحق النشر و الكلام حوله و لكن و بحسب علمى بمجرد ما اقر الاخوة الجنوبيون الانفصال تلقائيا سقطت الجنسية منهم جميعا ولكن الامر يحتاج الى النظر فى امر الذين يكون احد الابوين شمالى يعنى المسالة تحتاج الى قانون و القانون بيد الحكومة و الحكومة لم تفيق بعد من صدمة الانفصال فما على الاخ العزيز الا الانتظار و الله يجازى الكان السبب.[/SIZE]
إذا كانت زوجته سودانية (شمالية)، فلأولاده الحق في الجنسية السودانية لأن الجنسية السودانية تمنح تبعا للأم أيضا حتى لو كان الاب غير سوداني.
دا جده من زمن المهدية جاء إلي شمال السودان ولسه ناس الحكومة بقولوا عليه جنوبي؟ ما هذا التخلف؟. الراجل ما عارف حتي عقابه وين في الجنوب.
في المقابل أغني تاجر جنوبي جعلي من شندي يدعي أمين عكاشة وإبنه يعمل سكرتير أول في سفارة جنوب السودان في القاهرة.
يا اخوانا انا بسال الجنوبيين ديل من يوم عرف السودان بالغيشه فى الشمال اسمه اصلهم من اى بلادفى افريقياكانو نازحين من الجزيره العربيه ولا شنو ما ديل الشعوب النيليه الاصليه يعنى دجاجة الخلاء تطرض دجاجة البيت المفروض الخيار للشخص ان يختار ان يعيش فى الشمال او فى الجنوب وبعدين لو حرب دارفور المن 2003 ما عارفين يحلوهاوالامنطقة النيل الازرق ولا كردفان وقالو انفصل الحلل كيف والسودانيين 99 فى الميه متصاهرين بين القبايل عربيه وغير عربيه دى تقسموها كيف يعنى الغرباوى ما يحق ليهو الجنسيه السودانيه والكردفانى وناس النيل الازرق وناس الشرق يعنى الجنسيه السودانيه لناس مثلث حمدى وبس شوفو ليكم حل من قبل ما السودان الفضل يتقسم زى كيمان المراره ونقول كان هناء بلد اسمه السودان
بختك يامعلم كويس انها الرفديه جات منهم ( الاونسريين .. المندكرو ديل ) سواقين شنو ورئيس منو .. لملم سرايرك ولحافاتك وعلى الجنوب طوالى قالو البترول حايبدأ اعادة ضخو الايام الجايه ..