مواطن سوداني يعتزم تقديم شكوى ضد السوداني الفائز بجائزة الحلم !
وذكر المصدر نقلاً عن المواطن قوله أن الاعلام سلاح فتّاك فالفائز بالجائزة قد عكس وجهاً قبيحاً للسودانيين وأثبت لملايين المشاهدين التهمة المجحفة التي تصف السوداني بالكسل وذلك بالطريقة والأسلوب الذي ظهر به الفائز خلال المكالمة التي جرت بينه والاستاذ مصطفى الاغا مقدم برنامج الحلم وهو يبشره بفوزه بحصة من مليون دولار أمريكي ، وأضاف ان طريقة وأسلوب الفائز بالجائزة أصبحت مدعاة للسخرية والتندر بالسودانيين في معظم المواقع العربية وكان بإمكانه أن يعكس صورة طيبة أفضل مما ظهر بها .
وقال المصدر أن الشاكي سيرفع دعوى بالضرر البالغ الذي تسبب به الفائز بالشخصية السودانية ، وسيطالب بتعويض ذلك بقيمة الجائزة ليتم توظيفها في حملة إعلامية لتمحو الصورة المشوهة التي رسمها في ذهن المشاهد العربي .
وكان السوداني عمر مصطفى محمد الحسن قد فاز بحصة من أكثر من مليون دولار كجائزة ببرنامج الحلم الذي يذاع على قناة mbc ويقدمه الإعلامي السوري مصطفى الاغا ، وقد قابل فوزه بطريقة أثارت الجدل بمواقع التواصل الإجتماعي وصفها البعض بالمحبطة وآخرين بفقع مرارتهم وهم يشاهدون مقطع الفيديو .
سوداناس[/URL]
[SIZE=4]والله كلنا معاك ياخ دا فضيحه خلاص عرب الجزيره البخليهم يشاركو في حاجات زي دي شنو
تلقى ما عارف التلفزيون شكلو كيف وجاي يشارك في مسابقه زي دي
كلنا لازم يقسمو علينا المبلغ المابستقحو دا[/SIZE]
ناس الجزيره علموكم من خيرهم جيتو انتو تنبزو فيهم ياوهم
كل المعلقين الذين يستنكرون ما قام به الأبن وابوه عليهم أن يتحروا عن هذا الفائز ربما يكون غير متعلم جاهل خجول لا يجيد التخاطب ناس على قدر حالهم، وعلي الطلاق لو كنت أملك ربع هذا المليون حصة هذا المسكين الذي إستفزه هذا الأغاء على الهواء لدفعتها له وأخلي الأغاء ياخد الجائزة الذي لم يراعي فيها ظروف هذا المسكين.
[SIZE=4]الموضوع كلوا حرام وربا تقدم شكوى في شنو
[/SIZE]
الشخص مبسوط بس ما قدر يعبر وبعدين راحتو يفرح ما يفرح دي حاجة راجعة ليه
منقول :
[SIZE=4]” [COLOR=undefined][COLOR=#9C00FF]هو كسب جائزة، وعايز يشوف طريقة استلامه للجائزة كيف، دا المهم . أما حكاية يفرح وينطط دي مسألة شخصية هو ما ملزم بيها. اذا كان مصظفى الأغا أو أي واحد تاني بيفتكر أنو دي تقالة دم، دي ح تكون وجهة نظر لا تهم في شئ (يعني ما فارقة )، طالما ح يستلم قروشو علي داير المليم. وقديما قالوا : انما تأسى علي الحب النساء[/COLOR] .[/COLOR] “[/SIZE]
.
[SIZE=4]يبدو المشكلة كلها في أنو مقدم البرنامج كان متحمس أكثر من اللزوم ومتوقع أن كل المشتركين متابعين السحب وخاتي موبايلو في أضانو، والواحد بمجرد ما يلقى اتصال من رقم غريب ح يقعد ينطط زي القرد و يطلع ليهو من الشاشة من الفرح، ، لو في غلطة واحدة هي أنو والد الشاب المشترك لمن رد علي التلفون، كان يوضح للمذيع بأن المشترك في المسابق ليس هو انما ولده وح يصحوهو عشان يجي يردي المكالمة، ولكن الحصل أنو كان قاعد يردد أنا (أنا والد عمر).
يعنى مقدم البرنامج برضو معذور في اللخبطة الحاصلة في رد التلفون، وبيدو مسألة اختلاف ثقافة أنو الأب يرد تلفون ولدو ! المهم الجوطةدي كلها ح تنتهي والراجل ح يستلم فلوسو ويبحبح وسيترك لنا التعليق لا غير .[/SIZE]
وهل الطريقة التي بدأ بها مصطفى الأغا في المكالمة الم تكن إستفزازية ؟؟!!! يعيد ويكرر في الأسم مع والد الفائز لما انا زهجت منه ولو كنت محل والد الفايز كنت عرفت كيف خليته يرك في فرعه ، وبعدين يا أخي ديل ناس بصلوا العشاء وبنوموا تجي تتصل عليهم بعد الساعة اتناشر ليه ؟!! وما تجي تزورهم زي ما عملت مع كل الفائزين ولا تتصل بيهم تاني يوم بالصباح … مصطفى الأغا سبب الإشكالية كلها.
[FONT=Times New Roman[SIZE=5]]تشتكي شنو يا وهم !! بعدين وين الكسل هنا ؟؟ واحد اتصلوا عليهو الساعة واحدة صباحا ورغم كدا وجدوا الأب صاحي ، والولد صحى برضو ورد على التلفون أين الكسل هنا ؟؟ بعدين خفة الدم ليس من شروط المسابقة، تاني حاجة حتى مصطفى الأغا لو بدأ متنرفزا فهو شخصيته كدا ولا يقصد الاساءة لأحد ولم يعرف عنه ذلك. وال mbc ناس ملتزمين بي فوز الراجل وح يدهو فلوسو كلها وما قالوا ح نحرمو من الجائزة لأنو دمو تقيل… دا انت اللي كيسك فاضي و دمك بقري وتستاهل ليك جكة من جبل أولياء لشلال السبلوقة عشان تعرف الكسل كويس ![/SIZE][/FONT]
مصطفي الاغا راجل … بس ما اكتر لانو قاصد يستهتر بالسوداني الهو تاج راس امك وابوك يا ..
الجزيرة شالت السودان لعقود وكل سوداني ابوه او جده لحم كتفه قام من خيرها
فلو بقى اهلها تُركوا دون رعاية اعلامية وتٌركوا معزولين يتجرعون آلام فقرهم ومرضهم فهذا مدعاة للاسف على هذه البلاد
ولكن هذا لا يمنع ان رد فعل الوالد وابنه كان غريبا وشاذا
شخص لا يبدي اي تعاطف او رد فعل لا ايجاب ولا سلبا ؟؟ السكران والمسطول ما بعملها
السبب في برود السوداني في الرد والتفاعل مع الاغا من مصادر مقربة من الفائز أن الفائز احبط عندما علم بقيمة الجائزة لأنه كان يتوقع اضعاف هذه القيمة مقارنة براتب كرستيانورونالدو اذان الرجل اصيب باحباط مليون دولار فقط لشخص يعيش في مدينة وادمدني بلد الناس الظريفين كفر ووتر
كذلك قد اضر البرود والكسل الذي قابل به صاحب الجائزة خبر فوزه بالجائزة بالاستثمار فكان قبل هذه الحادثة بأيام قد أقتنع مستثمر كبير للاستثمار في الزراعة في السودان بعد ان تخلص من بعض الاخوة العرب الذين كانوا يأملون ان يستثمر في بلادهم ولكنه اقتنع من السودانيين المتواجدين معه بجدوى الاستثمار في السودان ولكن فور ظهور هذا المقطع المؤلم احمله بعض العرب الذين كانوا بالامس يحاولون ان يقنعوا المستثمر بالاستمثار في بلادهم وعدم الاستثمار في السودان فاليون قد وجدوا في هذا المقطع حجة حملوا هذا المقطع وذهبوا للمستثمر وقالوا لله انظر هؤلاء هم السودانيون الذين انت ذاهب للاستثمار معهم انظر كيف هم كسالى .. سيتركون لك ارضك بور ويذهبوا ليناموا ويبدو ان الرجل بعد مشاهدته لهذا المقطع بدأ يقتنع بحكاية انو السودانيون كسالى .. اوردت هذه الحادثة لابين كيف أثر هذا لمقطع على وجهة نظر هذا المستثمر الذي اخشى ان يحجم هو وغيره من الاستثمار .. لابد يا جماعة لمن يتاح له الظهور في الاعلامي ان يستشعر عظمة هذا البلد ويتصرف بمسئولية لان اي شئ اصبح مكشوف امام العالم وعلى كل الناس صغيرهم وكبيرة في الاحياء وفي القرى والنجوع وفي المدراس وفي كل المرافق ان تتاح لهم الفرصة للتوعية ليست اقصد محو الامية لانو القلم ما بزيل بلم .. بل اقصد التوعية بمعرف التصرف السليم وعمل دورات مكثف في العلاقات العامة تدرس مع محو الامية وفي كل المرافق وتكون مقرر في المدراس بكل مراحلها .. وعلينا جميعاً ان نعمل ونجتهد ونعكس صورة طيبة عن بلدنا حتى نشوف دائماً السودان فوق بعون الله وفضله
الفائز دا بكون رباطابي مغترب في الجزيرة هههههههههههههههه
أنتم دخلكم شنو الزول ما صدق وأبوه إتهجم والموضوع كله هلللللللعة أنتم عارفين المبلغ بالسودانى كم 8 مليار و250 مليون جنيه هههههههههههى ولا فى الأحلام
[SIZE=5] بصراحة انا لم احضر ولم اشاهد ما حصل لكن حسب طبيعة صحفينا العاملين زي فزع الحلومر ديل ما عندهم غير الفتن زول غلط تعاقب به بلد وشعب بحاله نحن بنعرف نفسنا وما محتاجين زول يمدحنا فقط كفو عنا ارحمونا يا ناس فزع الحلومر شوف ردود الشباب ديل خلقت نعره من العدم اتقوا الله[/SIZE]
مقدم الشكوي فارغ وما،،،عنده موضوع
المفاجأه شلت تفكيرهم ولم يتجابوا مع ردة الفعل
دائما نحن كده،،،نحسد عند الخير ونشمت عند الشر.
هى من ناحية فضيحة فضيحة والمشكلة انها انتشرت فى مواقع التواصل الاجتماعى وثبتت فكرة السودانى الكسول الهى اصلا موجوده فى نفوس العالم
المواطن ع . ن تقدم بشكوي ضد عمر مصطفي وانت يا الحلو البيقدم فيك عريضه منو اي موضوع تعلق فيه بتحرج الغير وتعقدهم.
عبارة أن السودانيين كسالى أطلقها بعض الحاقدين على السودانيين وظهرت في دول الخليج والسبب في ذلك محاولة إبعاد السودانيين عن المنافسة في العمل وقد فشلت مقاصدهم وثبت العكس، ومن صدقها هم الجهلاء فقط. ومن يقول غير ذلك فهو ناقص ويحتاج إلى معالجة وتربية وطنية.
سمعت المقطع وواضح جهل مقدم البرنامج فالرجل عرفه بنفسه وذكر أنه والد عمر ولكن حاول مقدم البرنامج بصورة استفزازية وتنم عن الجهل بأنه لم يفهم شيء من والد الفائز كما أن مقدم البرنامج وكعادته يعطيك إنطباع بأنه هذه الجوائز يمنحها من جيبه، وهي في النهاية مدفوعة بأرباح من جيوب المتصلين. والتصرف الذي قام به مقدم البرنامج بتمزيق الورقة ورميها فيه استفزاز للشعب السوداني وأنتم كسودانيين عليكم نبذ هذا التصرف وإن كان هناك نية لرفع دعوى فترفع على مقدم البرنامج. أصحوا من نومكم وأعلموا بأن السودانيين في كل بلاد الغربة أثبتوا جدارتهم ونبل أخلاقهم والشهامة والعزة بالنفس.
الف مبروك المليون ..مالكم حاسدين الزول كان جاهل او فاهم رزق الله جابو ليه ..يعني شنو ماجاول او اتفاعل مع الاغا ..الاغا ذاتو هو الافتعل الحوار خلاص يقول ليه انت فزت وخلاص مادام هو فهم انه ماقادر يتفاعل وهو صغير عمره 16 سنة قال,,,رئيسكم مش بقول علي الطلاق فار مااسملو ليهم .دا رئسكم كبيرهم حاكمكم ودا واحد صغير ونايم في الساعة 12 ليل عاوزه يكون صاحي للساعة كم .. ناس حاسده الف مبروك تاني مرة
كل واحد ينام على الجنبة اللي بتريحوا وكل واحد ينام وقت ما عاوز
وفي ناس بالفلوس الكتيرة ما قادرين يناموا اللهم لك الحمد بالقناعة
واللي ما بتلحقوا جدعوا
[SIZE=7][FONT=Arial Narrow]انا شايف الموضوع عادى الراجل كان نائم والموضوع اخد اكتر من حجمهوالعايز ىيشتكيه دا حاسد وحقود وما عندو موضوع [/FONT][/SIZE]
الحمد لله – الناس نست الطيب الراعي السوداني ولقت ليها موضوع جديد
ها ها ها ها…..
التحية للطيب والولد وابوه اصحاب المليون دولار والتحية لكل سوادني ولو عمره دقيقة…….
[SIZE=6]حسد وحقد الزول كان نائم وصحوه من النوم عايزينه يزغرد يعني ، وبعدين مع الصحيان والمفاجأة طبيعي يكون ردة فعله كما ظهر بها، وبعدين صورة السوداني شوهها افعالهم بالخارج وليس الفائز بالجائزة، اتركوا الحسد والغل وقولوا ربنا يسعده بها وما ينس فعل الخير، وصاحب البرنامج مش بتاع افضل رئيس نادي عربي يا سبحان الله منكم ومن فعائلكم .[/SIZE]
الناس ديل مساكين ما عارفين المليون دولار ده كم كان يقولو ليهو بشتري موبايل جلاكسي عشان الاغا يقفل الخط الاهانة اهانة الدولة الاغا عارف انو مافي دولة بتطاردو ولابتقدر تطلع بي رد الاهانة عشان كده ليهو حق
رافع الدعوه انسان حاسد ليس الا هذا الرجل وابنه هذه طريقتهم وهذا تعاملهم العادي مع الناس هل تريدهم ان يتصنعوا كما يفعل الكثيرون قال يرفع دعوه عليه مفروض تحاكم انت بتهم الحسد والاحقاد مبروك لهذا الشاب ولعائلته مبلغ المليون دولار وان شاء الله ربنا ينور ليهو طريقه ويصرفهم في مكانهم الصحيح
بلله يا : ع – ن دي الفضيحة الوحيدة اللي جذبت انتباهك السودان كله فضائح وروح شوف كمان السمعة كيف بقت في الخارج بعد طلعوا المتفلهمين الزيك والزيهن عسى كلامي يوصلك وتفهموا وبعدين الزول ما غلط في شي واغلب الحصل سوء تفاهم بينه وبين الاغا عموما الله يهنيه بالجائزة وخليك انت من سفاسف الامور
من خلال هذا الموقع فقط لتوقعي مرور الوزيرة علية لمعرفة رأي الجمهور أريد أن أتقدم بطلب للوزيرة و خاصة بعد ما أثير حول فوز سوداني في برنامج الحلم و كل ما دار حول هذا الموضوع
سعادة الوزيرة ألا تعتقدين أن هذا البرنامج هو القمار بعينة كم من المشاركيين دفع المئات و الآلاف و لم يحالفة الحظ لذا أرجو منكم بتوجيه قرار ملزم لكل الشركات بحظر الإتصال بهذة الأرقام الخاصة ببرنامج الحلم و ذا فويس و كل برامج قنوات MBC التي تعتمد على الإتصال و غش و خداع البسطاء أرجو منكم التكرم بحظر الإتصال بهذة البرامج . مع خالص الشكر
عادل قورتي – المملكة العربية السعودية – الرياض
الحلو ما في زول شغال بكلاموا لانوا معروف زول ولازولة ساي , بعدين عرب جزيرة عرب شمالية دي العنصرية البتقسم البلد, كدا وريتنا جهتك المنتمي ليها يا سافل والزفت الردا علي كلامك داتلقاهوا شغال تحت امير و وكل يوم بيزلوا فيهوا وساكت الله , يلعن ابو القروش لو بتخلي الزول مزلول يا ما واطي .
برود الزول الفائز دا بياكدا قناعة ناس الجزيرة بالقليل او الكتير لانوا القروش دي ما كانت مشكلة في يوم من الايام عينوا ملانة زراعة وخضرا ونعيم واتحداك تلقي زول جزيرة بخيل ولا جبان ناس الكرم من صفاتهم واخلاقهم موش زيكم يا ……..
يا جماعه ، الموضوع كله عائد لطبيعة الشخصية السودانية والتي لا تهمها القيمة المادة كثيراً بقدر ما تهمها القيمة المعنوية … وأنا متأكد لو كانت القيمة معنوية كان التفاعل معها يكون أحسن مما حدث .
ااااا
ماعندك لا شغل ولا مشغله ترفع قضيه نرفع قضيه ليه يعني عمل شنو عشان رد ببرود ما كل يوم قاعدين يحذرو الناس من المكلمات التي تقول مبروك ربحت سياره او طياره والزول دا افتكر الاغا واحد منهم وبعدين نص الليل قومه من نومه في السودان الناس بتنوم من الساعه 8 فارجوك كلام زي دا ما تقوله حاسدين الراجل في جائزته حتي كمان عاوز تعويض بقدر الجائزه دا حسد ساي……
المسألة بسيطة الفايز ولد صغير في السن وعينه ملانة ما بخلعه المليون وبس. أيه الشكلة؟
اولا التعليقات الفيها اساءة لاي جهة ما المفروض تنشروها يا ناس النبلين زي التعليق البيقول عرب الجزيرة والراجل ما بيستاهل ….عيب عليكم وعليهو
الحاجة التانية مصطفى الاغا قاعد تمر عليها بلاوي اكعب من دي بكتير وشفنا العجب في mbc
الحاجة التالتة شبكة الاتصالات ما واضحة لانو في بداية الاتصال الرجل ذكر اسمو تلاتة مرات مصطفى محمد الحسن وسمعناه ولكن المذيع ما سمعوا والعيب على الاتصالات السودانية
الحاجة الرابعة عمر ده كان نايم وربنا رزقو ولو سمعتو مصطفى الاغا قال ان المخرج حماد القاردبو اصر على رقم عمر يبقى يااخونا ربنا رزقو تاني يستاهل وما يستاهل والجوطة دي كلها مافي ليها داع
يازول ما تشوف ليك شغلة تقضاها ؟ إنت ما عندك شغلة ؟ إنطباع سئ شنو وكسل شنو ” العالم كله كسل في كسل إلا من رحم ربي … ؟ ده سوداني تقيل ” جبل الكحل ” الما بتهزه رياح .. يعنى يعمل شنو ، يكورك ويصيح زي ما بعملوا الهبل والمجانين .. ده زول راسي ومالي مركزه .. وما بهمه المال لو ملايين أو مليارات ؟ مافي زول أبرد وأسمج وإستفزازي أكثر من مصتطفي الآغا ويكفي ما حدث منه تجاه السودانيين قبل كده .. هذا أصبح أكبر قمرتي “بتاع قمار ” على مستوي العالم وسبق ناس لاس فيغاس .. هذه الجائزة أصلا حرام قطعا لأن المشترك يشترك فيها بقصد الفوز وزيهاوزي أي يانصيب في العالم بس بدلا عن الكروت الإتصالات …. والله أعلم …
شعب حاقد لن يكون يوما متطورا او خلاقا وسوف يتوالون عليكم الحكام الظلمة ما لم تنقوا قلوبكم من الاحقاد التي في دواخلكم
وانته مررت فكره اسوأ عن السودانيين انهم شعب حقودي لا يتمنى الخير… انسان حقود
طيب الزول أصلاً مابيعرف يتكلم مسكين أمي للطيش حيعمل شنو فاقد الشي لا يعطي أو بعدين الحكاية قسمة ونصيب بالعربي رزق بدل ما يقعد يبكي احسن يخربط ويصل القروش المجنن خلق الله
الناس ماتكبر الموضوع اولا نقول قسمه دا مانصيب عمر ولا ابوه ربما دا كان امتحان من الله نقول مانصيبهم بس نحن مانشتغل بالناس العرب شنو يعني بعديين نقول لي اخونا العنصريييييييييييييييييييا
دعوها فانها منتنه
اقتباس
وذكر المصدر نقلاً عن المواطن قوله أن الاعلام سلاح فتّاك فالفائز بالجائزة قد عكس وجهاً قبيحاً للسودانيين وأثبت لملايين المشاهدين التهمة المجحفة التي تصف السوداني بالكسل
وقال المصدر أن الشاكي سيرفع دعوى بالضرر البالغ الذي تسبب به الفائز بالشخصية السودانية ، وسيطالب بتعويض ذلك بقيمة الجائزة ليتم توظيفها في حملة إعلامية لتمحو الصورة المشوهة التي رسمها في ذهن المشاهد العربي.
من الذي أساءه لسمعة السودانيين في الخارج؟ وأما وصف السودانيين بالكسل فهي مقولة من زمن بعيد على السودانيين. والفايز لم يضيف شيئاً ولا كان سبباً في هذه الوصفة. وقد يكون الأصال غير ممهد له أو أتصل صاحب البرنامج في وقت غير مناسب وغير متوقع مع فارق التوقيت, واذا كان الشاكي يريد أن يحافظ على سمعة السودانيين, عليه أن يرفع دعوة بالضرر البالغ الذي تسببت به الحكومة السودانية في إساءة سمعة السودانيين بتصرفاتها الغير مسئولة وأيضاً المطالبة بالتعويض المادي ليتم توظيفها في حملة اعلامية لتمحو الاثار السالبة لتصرفات هذه الحكومة.